Ayalaan: போடு வெடிய.. 'அயலான்' ரிலீஸ்: சிவகார்த்திகேயன் அளித்த வெறித்தனமான அப்டேட்.!

கடந்தாண்டு சிவகார்த்திகேயன் நடிப்பில் டான், பிரின்ஸ் படங்கள் வெளியானது. இதில் ‘டான்’ படம் 100 கோடி வரை வசூல் சாதனை படைத்தது. தற்போது இவர் ‘மாவீரன்’ என்ற படத்தில் நடித்து வருகிறார். இந்நிலையில் சிவகார்த்திகேயன் நடிப்பில் நீண்ட காலமாக தயாரிப்பில் இருக்கும் ‘அயலான்’ படத்தின் ரிலீஸ் குறித்த தகவல்கள் வெளியாகி இணையத்தில் வைரலாகி வருகிறது.

எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
அறிமுக இயக்குனர் சிபி சக்கரவர்த்தி இயக்கத்தில் கடந்த ஆண்டு வெளியான சிவகார்த்திகேயனின் ‘டான்’ படம் ரசிகர்கள் அமோக வரவேற்பை பெற்றது. இந்தப்படத்தை தொடர்ந்து தமிழ், தெலுங்கு மொழியில் உருவான ‘பிரின்ஸ்’ படத்தில் நடித்தார் சிவகார்த்திகேயன். அனுதீப் இயக்கத்தில் கடந்த வருட தீபாவளி ரிலீசாக வெளியான இந்தப்படம் ஒரே வாரத்தில் திரையரங்குகளில் இருந்து தூக்கப்பட்டது. இதனால் ரசிகர்கள் கடும் அதிர்ச்சியடைந்தனர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இதனையடுத்து தற்போது ‘மாவீரன்’ படத்தில் நடித்து வருகிறார் சிவகார்த்திகேயன். யோகி பாபு நடிப்பில் வெளியாகி வசூல் மற்றும் விமர்சனரீதியாக வரவேற்பை பெற்ற ‘மண்டேலா’ படத்தை இயக்கிய மடோன் அஸ்வின் ‘மாவீரன்’ படத்தை இயக்கி வருகிறார். இந்தப்படத்தில் அதிதி ஷங்கர் ஹீரோயினாகவும் இயக்குனர் மிஷ்கின், நடிகை சரிதா, நடிகர் யோகி பாபு உள்ளிட்டோர் முக்கிய கதாபாத்திரத்தில் நடித்து வருகின்றனர்.

இந்நிலையில் சிவகார்த்திகேயனின் ‘அயலான்’ படம் கடந்த இரண்டு ஆண்டுகளாக தயாரிப்பில் இருக்கிறது. ‘இன்று நேற்று நாளை’ படத்தின் மூலம் தமிழ் சினிமாவில் பிரபலமான இயக்குனர் ரவிக்குமாரின் இரண்டாவது படைப்பாக ‘அயலான்’ உருவாகி வருகிறது. இந்தப்படத்தில் சிவகார்த்திகேயனுடன் ரகுல் பரீத் சிங், இஷா கொபிகார், கருணாகரன், யோகி பாபு உள்ளிட்ட பலர் நடிக்கின்றனர்.

Viduthalai Part 1: வெற்றிமாறனின் ‘விடுதலை’ படத்தின் முதல் விமர்சனம்: வேறலெவல் சம்பவம்.!

இசைப்புயல் ஏ.ஆர். ரஹ்மான் ‘அயலான்’ படத்திற்கு இசையமைக்கிறார். கொரோனா, கிராபிக்ஸ் பணிகள் உள்ளிட்ட காரணங்களால் இதன் படப்பிடிப்பு தொடர்ந்து தாமதமாகி வந்தது. இந்தியாவில் உருவாகும் முதல் ஏலியன், சயின்ஸ் ஃபிக்சன் மற்றும் கிராபிக்ஸ் படமாக ‘அயலான்’ உருவாகி வருகிறது. இந்தப்படத்தின் ரீலிசுக்காக ரசிகர்கள் நீண்ட காலமாக காத்து வருகின்றனர்.

இந்நிலையில் கெளதம் கார்த்திக் நடிப்பில் உருவாகியுள்ள ஆகஸ்ட் 14 1947 படத்தின் இசை வெளியீட்டு விழாவில் நேற்றைய தினம் சிவகார்த்திகேயன் கலந்து கொண்டார். அப்போது ‘அயலான்’ படத்தின் ரிலீஸ் குறித்து பேசிய அவர், படப்பிடிப்பு பணிகள் அனைத்தும் முழுவதுமாக நிறைவடைந்து விட்டது. தற்போது கிராபிக்ஸ் பணிகள் நடந்து வருகிறது. இந்த வருட இறுதிக்குள் ‘அயலான்’ படம் வெளியாகும் என்று தெரிவித்துள்ளார். இதனால் ரசிகர்கள் உச்சக்கட்ட எதிர்பார்ப்பில் உள்ளனர்.

Leo:கெளதம் மேனன் சொல்றதை பார்த்தா.. ‘லியோ’ படம் குறித்து வெளியான மாஸ் தகவல்.!

Leave a Comment

This site uses Akismet to reduce spam. Learn how your comment data is processed.