Pathu thala: பத்து தல படத்தின் இயக்குனர் மாற்றம்..வெளியான உண்மை காரணம்..!

எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
சிம்பு நடிப்பில் கிருஷ்ணாவின் இயக்கத்தில் மிகப்பெரிய எதிர்பார்ப்பை ஏற்படுத்திய திரைப்படம் தான் பத்து தல. இப்படம் மார்ச் 30 ஆம் தேதி திரையில் வெளியாகவுள்ளது. சிம்புவுடன் இப்படத்தில் கௌதம் கார்த்திக், கௌதம் மேனன், பிரியா பவானி ஷங்கர் ஆகியோர் நடித்துள்ளனர். ஏ.ஆர்.ரஹ்மான் இப்படத்திற்கு இசையமைத்துள்ளார்.

கடந்த 2019 ஆம் ஆண்டே துவங்கப்பட்ட இப்படம் பல தடங்கல்களை தாண்டி தற்போது திரையில் வெளியாகவுள்ளது. இந்நிலையில் இப்படத்தை முதன் முதலில் நர்தன் என்ற இயக்குனர் தான் இயக்கி வந்தார். ஆனால் இடையில் இவர் படத்திலிருந்து வெளியேறவே கிருஷ்ணா இயக்குனராக ஒப்பந்தமானார்

Vijay: நானும் விஜய்யும் பரஸ்பரமாக பேசி பிரிந்தோம்..வெளிப்படையாக பேசிய பிரபல இயக்குனர்..!

இதையடுத்து நர்தன் இப்படத்திலிருந்து வெளியேறியதற்கான உண்மை காரணம் தற்போது வெளியாகியுள்ளது. அதாவது கன்னட படமான MUFTI என்ற படத்தின் தமிழ் ரீமேக் தான் பத்து தல. MUFTI படத்தை இயக்கிய இயக்குனர் தான் பத்து தல படத்தையும் இயக்க ஒப்பந்தமானார். இப்படத்தை 2019 ஆம் ஆண்டு துவங்கும் போது சிம்பு கெஸ்ட் ரோலில் நடிக்கவே கமிட்டானார்.

அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்

கௌதம் கார்த்திக் தான் இப்படத்தில் நாயகனாக நடித்தார். இதையடுத்து படத்தின் தயாரிப்பாளர் கதையில் சில மாற்றங்களை செய்து சிம்புவை நாயகனாக மாற்றும்படி கேட்டுள்ளார். ஆனால் அதற்கு நர்தன் மறுப்பு தெரிவித்துள்ளார். MUFTI படத்தில் ஷிவ்ராஜ்குமார் நடித்த ரோலில் தான் சிம்பு தமிழில் நடிக்கவுள்ளார். எனவே சிம்புவிற்காக கதையில் மாற்றங்கள் செய்தால் நன்றாக இருக்காது என கூறி மறுத்துவிட்டார் இயக்குனர்.

இதன் காரணமாக தயாரிப்பாளருக்கும், இயக்குனருக்கும் மனஸ்தாபம் ஏற்பட இப்படத்திலிருந்து விலகினார் நர்தன். இதன் பிறகு கிருஷ்ணா இப்படத்தின் இயக்குனராக ஒப்பந்தமாகி கதையை சிம்புவிற்காக மாற்றி முற்றிலும் மாறுபட்ட திரைக்கதையை உருவாக்கி இயக்கினார்.

கிட்டத்தட்ட நான்கு ஆண்டுகள் இப்படம் பல தடைகளையும், பிரச்சனைகளையும் சந்தித்து ஒருவழியாக இப்படம் திரையில் வெளியாகவுள்ளது. பத்து தல படத்தின் ட்ரைலர் மற்றும் பாடல்கள் ரசிகர்கள் மத்தியில் அமோகமான வரவேற்பை பெற்றுள்ளதால் படத்திற்கு மிகப்பெரிய எதிர்பார்ப்பு இருந்து வருகின்றது. எனவே இப்படமும் சிம்புவிற்கு வெற்றிப்படமாக அமையும் என ரசிகர்களால் எதிர்பார்க்கப்பட்டு வருகின்றது.

Leave a Comment

This site uses Akismet to reduce spam. Learn how your comment data is processed.