Captain Miller: 'ஆயிரத்தில் ஒருவன்' படத்துக்கு பிறகு.. 'கேப்டன் மில்லர்' படத்தின் வெறித்தனமான அப்டேட்.!

நடிகர் தனுஷ் தற்போது தனது அண்ணன் செல்வராகவனை வைத்து ‘சாணிக்காயிதம்’ படத்தை இயக்கிய அருண் மாதேஸ்வரன் இயக்கத்தில் ;கேப்டன் மில்லர்’ படத்தில் நடித்து வருகிறார். இதன் படப்பிடிப்பு தற்போது விறுவிறுப்பாக நடந்து வருகிறது. இந்நிலையில் ;கேப்டன் மில்லர்’ படம் குறித்து இசையமைப்பாளர் ஜிவி பிரகாஷ் குமார் அளித்து அப்டேட் இணையத்தில் தீயாய் பரவி வருகிறது.

எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
தனுஷ் நடிப்பில் கடந்தாண்டு திருச்சிற்றம்பலம், நானே வருவேன் படங்கள் வெளியானது. இதில் திருச்சிற்றம்பலம் 100 கோடி வரை வசூல் செய்து சாதனை படைத்தது. அதனை தொடர்ந்து தனது அண்ணன் செல்வராகவன் இயக்கத்தில் தனுஷ் இரட்டை வேடங்களில் நடித்த ‘நானே வருவேன்’ படம் வெளியானது. மிகப்பெரிய எதிர்பார்ப்புகளுக்கு மத்தியில் வெளியானது இந்தப்படம் சுமாரான வெற்றியையே பெற்றது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்தப்படத்திற்கு இடையில் தமிழ், தெலுங்கு மொழியில் உருவான ‘வாத்தி’ படத்தில் நடித்தார் தனுஷ். கடந்த பிப்ரவரி மாதம் இந்தப்படம் திரையரங்குகளில் வெளியாகி ரசிகர்கள் மத்தியில் அமோக வரவேற்பினை பெற்றது. இதனையடுத்து தற்போது ‘கேப்டன் மில்லர்’ படத்தில் நடித்து வருகிறார் தனுஷ். இதன் படப்பிடிப்பு தற்போது விறுவிறுப்பாக நடந்து வருகிறது.

ராக்கி, சாணிக்காயிதம் உள்ளிட்ட ராவான படங்களை இயக்கி ரசிகர்கள் மத்தியில் கவனம் ஈர்த்த அருண் மாதேஸ்வரன் இந்தப்படத்தை இயக்கி வருகிறார். ரத்தம் தெறிக்க தெறிக்க ஆக்ஷன் படங்களை இயக்கிய இவருடன் தனுஷ் கூட்டணி அமைத்துள்ளது ரசிகர்கள் மத்தியில் உச்சக்கட்ட எதிர்பார்ப்பை கிளப்பியுள்ளது. மேலும், 1930 – 40 களில் நடந்த சம்பவங்களை வைத்து பீரியட் பிலிமாக ‘கேப்டன் மில்லர்’ படம் உருவாகி வருவதாக கூறப்படுகிறது.

Ayalaan: போடு வெடிய.. ‘அயலான்’ ரிலீஸ்: சிவகார்த்திகேயன் அளித்த வெறித்தனமான அப்டேட்.!

இந்நிலையில் இந்தப்படம் குறித்து இசையமைப்பாளர் ஜிவி பிரகாஷ் குமார் தனது ட்விட்டர் பக்கத்தில் கொடுத்துள்ள அப்டேட் இணையத்தில் தீயாய் பரவி வருகிறது. இது தொடர்பாக தனது ட்விட்டர் பதிவில், ‘ஆயிரத்தில் ஒருவன் படத்திற்கு பிறகு மூன்று, நான்கு தரமான பின்னணி இசையை ‘கேப்டன் மில்லர்’ படத்துக்காக கம்போஸ் செய்துள்ளேன். இதற்கான படப்பிடிப்பு நடந்தது. சிறப்பான பிஜிஎம் வந்து கொண்டிருக்கிறது என பதிவிட்டுள்ளார். இதனால் ரசிகர்கள் மத்தியில் எதிர்பார்ப்பு எகிறியுள்ளது.

Viduthalai Part 1: வெற்றிமாறனின் ‘விடுதலை’ படத்தின் முதல் விமர்சனம்: வேறலெவல் சம்பவம்.!

ஜிவி பிரகாஷ் பின்னணி இசையில் இன்றளவும் ‘ஆயிரத்தில் ஒருவன்’ படத்தின் பின்னணி இசை பிரபலமாக பேசப்பட்டு வருகிறது. ‘கேப்டன் மில்லர்’ படத்தில் தனுஷ் ஜோடியாக பிரியங்கா அருள் மோகன் நடிக்கிறார். இவர்களுடன் சந்தீப் கிஷன், நிவேதிதா சதீஷ், ஜான் கொக்கன் மற்றும் பிரபல கன்னட நடிகர் சிவராஜ்குமார் உள்ளிட்டோர் நடிக்கின்றனர். பிரம்மாண்டமாக உருவாகும் ‘கேப்டன் மில்லர்’ படத்தை சத்யஜோதி பிலிம்ஸ் நிறுவனம் தயாரித்து வருவது குறிப்பிடத்தக்கது.

Leave a Comment

This site uses Akismet to reduce spam. Learn how your comment data is processed.