Dhanush: ரசிகர்களுக்கு இன்ப அதிர்ச்சி கொடுக்கப்போகும் தனுஷ்..இது லிஸ்ட்லயே இல்லையே..!

எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
வாத்தி என்ற வெற்றி படத்திற்கு பிறகு தனுஷ் தற்போது கேப்டன் மில்லர் படத்தில் நடித்து வருகின்றார். தமிழ் மற்றும் தெலுங்கில் வெளியான வாத்தி திரைப்படம் என்னதான் கலவையான விமர்சனங்களை சந்தித்தாலும் ரசிகர்களின் பேராதரவினால் மாபெரும் வெற்றியை பெற்றது.

குறிப்பாக தெலுங்கில் இப்படம் விஜய்யின் வாரிசு பட வசூல் சாதனையை முந்தியது. இதையடுத்து தனுஷின் மார்க்கெட் சரசரவென உயரத்துவங்கியுள்ளது. இடையில் சில தோல்வி படங்களை கொடுத்து வந்த தனுஷிற்கு திருச்சிற்றம்பலம் மற்றும் வாத்தி படங்களின் வெற்றி புது உத்வேகத்தை தந்துள்ளது.

Pathu thala: பத்து தல படத்தின் இயக்குனர் மாற்றம்..வெளியான உண்மை காரணம்..!

இதையடுத்து தமிழ் சினிமாவே எதிர்பார்த்து காத்துக்கொண்டிருக்கும் கேப்டன் மில்லர் படத்தில் நடித்து வருகின்றார் தனுஷ். அருண் மாதீஸ்வரன் இயக்கத்தில் உருவாகும் இப்படத்திற்கு ஜி.வி.பிரகாஷ் இசையமைத்து வருகின்றார்.

அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்

தற்போது இப்படத்தின் படப்பிடிப்பு இறுதிக்கட்டத்தை எட்டியிருக்கிறது. இந்நிலையில் இப்படம் துவங்கிய நாள் முதல் படத்தை பற்றி பல வதந்திகள் பரவின. படப்பிடிப்பில் இருந்து தனுஷ் கோபமாக வெளியேறிவிட்டார் என்றும், படத்தில் தனுஷ் ஏகப்பட்ட டூப்களை பயன்படுத்துகிறார் எனவும் இவ்வாறு பல வதந்திகள் பரவின.

மேலும் சில நாட்களுக்கு முன்பு கேப்டன் மில்லர் படத்தின் காட்சி இணையத்தில் லீக்கானதை அடுத்து தனுஷ் படக்குழுவை சரமாரியாக திட்டியதாகவும் செய்திகள் வந்தன. இந்நிலையில் தற்போது கேப்டன் மில்லர் படத்தின் படப்பிடிப்பு ஏப்ரல் முதல் வாரத்தில் முடிவடைய இருக்கின்றது.

கேப்டன் மில்லர்

இதையடுத்து படத்தின் ரிலீஸ் தேதியுடனான போஸ்ட்டரை வெளியிட படக்குழு முடிவெடுத்துள்ளதாம். மேலும் கேப்டன் மில்லர் படத்தை தீபாவளிக்கு வெளியிட படக்குழு திட்டமிட்டுள்ளதாக தகவல்கள் வருகின்றன.

தீபாவளிக்கு வெளியாவதாக இருந்த ரஜினியின் ஜெயிலர் மற்றும் கமலின் இந்தியன் 2 ஆகிய திரைப்படங்கள் தீபாவளி ரேஸிலிருந்து பின்வாங்கிய நிலையில் தற்போது கேப்டன் மில்லர் தீபாவளிக்கு வெளியாகவுள்ளது.

இது தனுஷ் ரசிகர்களுக்கு மிகப்பெரிய சர்ப்ரைஸாக இருக்கும் என்று எதிர்பார்க்கப்படுகின்றது. இப்படத்திற்கு மிகப்பெரிய எதிர்பார்ப்பு இருந்து வரும் நிலையில் இப்படம் தீபாவளி பண்டிகையை முன்னிட்டு வெளியாவது தனுஷ் ரசிகர்களுக்கு கொண்டாட்டமாக இருக்கும் என்பதில் எந்த சந்தேகமும் இல்லை.

Leave a Comment

This site uses Akismet to reduce spam. Learn how your comment data is processed.