எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
சிம்பு நடிப்பில் உருவான பத்து தல திரைப்படமும், சூரி மற்றும் விஜய் சேதுபதி நடிப்பில் உருவான விடுதலை திரைப்படம் இந்த வாரம் வெளியாகவுள்ளது. இரு படத்திற்கும் சரி சமமான எதிர்பார்ப்பு நிலவி வருவதால் எந்த படம் இந்த வாரம் ஜெயிக்கபோகின்றது என்ற எதிர்பார்த்து ரசிகர்களிடம் இருந்து வருகின்றது.
கிருஷ்ணாவின் இயக்கத்தில் சிம்பு, கௌதம் கார்த்திக் நடிப்பில் உருவான திரைப்படம் தான் பத்து தல. என்னதான் இப்படம் கன்னட படமான MUFTI படத்தின் ரீமேக்காக இருந்தாலும் சிம்புவிற்கு ஏற்றவாறு கதையில் பல மாற்றங்களை செய்து புது திரைக்கதையில் பத்து தல படத்தை உருவாக்கியுள்ளார் கிருஷ்ணா.
Pathu thala: பத்து தல படத்தின் இயக்குனர் மாற்றம்..வெளியான உண்மை காரணம்..!
ஏ.ஆர் ரஹ்மான் இசையில் உருவாகியுள்ள இபபடத்தின் பாடல்கள் மற்றும் ட்ரைலர் ரசிகர்கள் மத்தியில் அமோகமான வரவேற்பை பெற்றுள்ளது. மேலும் முன்பதிவிலும் நல்ல வரவேற்பு இருந்துள்ளதால் இப்படத்திற்கு சிறப்பான ஓப்பனிங் கிடைக்கும் எனவும் எதிர்பார்க்கப்படுகின்றது.
சிம்புவின் கடைசி இரண்டு படங்கள் வெற்றி படங்கள் என்பதால் இப்படத்திற்கு மேலும் எதிர்பார்ப்பு இருந்து வருகின்றது. மறுபக்கம் என்னதான் சூரி, விஜய் சேதுபதி என மிகப்பெரிய நட்சத்திரங்கள் விடுதலை படத்தில் நடித்திருந்தாலும் வெற்றிமாறன் என்ற ஓரு பெயருக்காகவே ரசிகர்கள் இப்படத்தை காண ஆவலாக இருக்கின்றனர்.
அசுரன் என்ற தேசிய விருதை வென்ற படத்திற்கு பிறகு வெற்றிமாறன் இயக்கும் படம் தான் விடுதலை. சூரியை கதையின் நாயகனாக வைத்து இரண்டு பாகங்களாக உருவாகியிருக்கும் இப்படத்தின் ட்ரைலர் சமீபத்தில் வெளியாகி ரசிகர்களின் வரவேற்பை பெற்றது. மேலும் இளையராஜாவின் இசை படத்திற்கு கூடுதல் பலமாக இருக்கும் என எதிர்பார்க்கப்படுகின்றது.
இந்நிலையில் இவ்விரு படங்களும் இந்த வாரம் வெளியாகவுள்ள நிலையில் ரசிகர்களின் விருப்பத்திற்குரிய படமாக எந்த படம் இருக்கும் என்பதை கணிப்பது சற்று கண்டினமான ஒன்றாகவே இருக்கின்றது. ஒரு பக்கம் பத்து தல படத்திற்கு சிம்புவின் ரசிகர்கள் பக்கபலமாக இருக்கின்றனர். மேலும் இப்படம் கமர்ஷியல் படம் என்பதால் குடும்ப ரசிகர்களும் படத்தை பார்ப்பார்கள்.
மறுபக்கம் விடுதலை திரைப்படம் A சான்றிதழை பெற்ற படம் என்பதால் இப்படத்தை பெண்கள் மற்றும் குழந்தைகள் பார்ப்பார்களா என்ற சந்தேகம் இருக்கின்றது. இருந்தாலும் வெற்றிமாறன் படம் தரமாகத்தான் இருக்கும் என்ற எதிர்பார்ப்பில் ரசிகர்கள் இருக்கின்றனர்.
எனவே பத்து தல படத்திற்கு ஓப்பனிங் நன்றாக இருக்கும் என்றும், போக போக விடுதலை படம் பிக்கப் ஆகும் என்பதும் பொதுவான ரசிகர்களின் கருத்தாக இருக்கின்றது. இந்நிலையில் பத்து தல திரைப்படம் நாளையும், விடுதலை படம் நாளை மறுநாளும் வெளியாக இருக்கின்றது என்பது குறிப்பிடத்தக்கது.