இயக்குனர் சிறுத்தை சிவாவின் தம்பியான நடிகர் பாலா தமிழில் கடந்த 2003 ஆம் ஆண்டு வெளியான ‘அன்பு’ என்ற படத்தின் சினிமாவில் அறிமுகமானார். காதல் கிசு கிசு, அம்மா அப்பா செல்லம் உள்ளிட்ட படங்களில் நடித்துள்ளார். இந்நிலையில் தனது பேஸ்புக் பக்கத்தில் இவர் வெளியிட்டுள்ள வீடியோ சோஷியல் மீடியாவில் வைரலாகி வருகிறது.
எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
தமிழில் சரியான வாய்ப்புகள் அமையாததால் மலையாள படங்களில் நடித்து வந்தவர் தனது அண்ணன் சிவா இயக்கத்தில் வெளியான ‘வீரம்’ படத்தில் அஜித்தின் தம்பிகளில் ஒருவராக நடித்தார். அதனை தொடர்ந்து தம்பி, ரஜினியின் அண்ணாத்த உள்ளிட்ட படங்களில் நடித்தார். பாலா தனது முதல் மனைவி அம்ருதாவை கடந்த 2019 ஆம் ஆண்டு விவாகரத்து செய்தார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து கடந்த 2021 ஆம் ஆண்டு எலிசபெத் உதயன் என்பவரை இரண்டாவது திருமணம் செய்து கொண்டார். இநிலையில் அண்மையில் கல்லீரல் நோயால் பாதிக்கப்பட்ட நடிகர் பாலா கொச்சியில் உள்ள மருத்துவமனை ஒன்றில் சிகிச்சை பெற்று வந்தார். பாலாவின் உடல்நலம் குறித்து அவரது அண்ணன் சிறுத்தை சிவா மருத்துவமனைக்கு நேரில் சென்று விசாரித்த புகைப்படங்கள் சோஷியல் மீடியாவில் வைரலானது.
Actress Sana: ஒரு பெண் எப்படி ஆசைகளை கட்டுப்படுத்த முடியும்: அம்மா நடிகை பகீர் பேட்டி.!
இந்நிலையில் தனது பேஸ்புக் பக்கத்தில் வீடியோ ஒன்றை வெளியிட்டுள்ளார் நடிகர் பாலா. அதில் தனது மனைவியுடன் திருமண நாளை கொண்டாடியதுடன், இன்னும் இரண்டு அல்லது மூன்று நாட்களில் எனக்கு முக்கியமான அறுவை சிகிச்சை ஒன்று நடக்க இருக்கிறது. இந்த சிகிச்சையின் போது மரணம் கூட நேரிடலாம். அதே நேரத்தில் உங்களின் அனைவரின் பிரார்த்தனையால் நான் பிழைத்துக்கொள்ளவும் வாய்ப்பு இருக்கிறது என கூறியுள்ளார்.
Leo: ‘லியோ’ படத்தின் அடுத்த மரண மாஸ் அப்டேட்: தளபதி ரசிகர்களுக்கு காத்திருக்கும் செம்ம ட்ரீட்.!
மேலும், நம்பிக்கையுடன் காத்திருக்கிறேன். என் மனைவி எலிசபெத் திருமண நாளை கொண்டாட விரும்பினார். இன்று எங்களது இரண்டாம் ஆண்டு திருமண நாள். பிறப்போ, இறப்போ கடவுள் தான் முடிவெடுப்பார் என தெரிவித்துள்ளார். இதனையடுத்து தனது மனைவியை நோக்கி, எனக்கு ஏதாவது நேர்ந்தால் நீ நடிகரை திருமணம் செய்து கொள்ளாதே. டாக்டரை திருமணம் செய்துக்கொள் என கூறியுள்ளார். இந்த வீடியோ தற்போது சோஷியல் மீடியாவில் வைரலாகி வருகிறது.