எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
தமிழ் சினிமாவில் பிரபல நகைச்சுவை நடிகராக வலம் வந்த சூரி தற்போது ஒரு ஹீரோவாக உயர்ந்துள்ளார். விடுதலை படத்தின் மூலம் கதாநாயகனாக அறிமுகமான சூரி நாயகனாக நடித்த முதல் படத்திலேயே அழுத்தமான கதாபாத்திரத்தில் நடித்து அனைவரையும் அசத்தியுள்ளார்.
திரைத்துறையில் சாதிக்கவேண்டும் என்ற எண்ணத்தில் பல வருடங்களாக போராடி வந்த சூரி வெண்ணிலா கபடி குழு என்ற படத்தின் மூலம் ரசிகர்களின் கவனத்தை ஈர்த்தார். அதற்கு முன்பு பல வருடங்களாக ஜூனியர் ஆர்டிஸ்ட்டாக இருந்த சூரிக்கு வெண்ணிலா கபடி குழு திரைப்படம் மிகப்பெரிய திருப்புமுனையை ஏற்படுத்தியது.
Leo: லியோ படத்திலிருந்து முன்னணி நடிகர் விலகலா ? அதிர்ச்சியில் ரசிகர்கள்..!
அதையடுத்து மளமளவென பல படங்களில் நடித்து வந்த சூரி ஒரு கட்டத்தில் முன்னணி நகைச்சுவை நடிகராக உருவெடுத்தார். இந்நிலையில் தற்போது வெற்றிமாறன் இயக்கத்தில் விடுதலை படத்தில் ஹீரோவாக நடித்துள்ளார் சூரி.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
தரமான படைப்புகளின் மூலம் தமிழ் சினிமாவில் தனக்கென தனி இடத்தை பிடித்த வெற்றிமாறன் சூரியை நாயகனாக வைத்து இயக்கப்போகின்றார் என்றவுடன் அனைவரும் ஆச்சர்யத்தில் ஆழ்ந்தனர். முதலில் சிறு பட்ஜெட் படமாக ஆரம்பிக்கப்பட்ட விடுதலை பின்பு இரண்டு பாகங்களாக மிகப்பிரமாண்டமாக உருவாக்கப்பட்டது.
இதில் முதல் பாகம் சில நாட்களுக்கு முன்பு வெளியாகி அனைவரது பாராட்டையும் பெற்று வருகின்றது. என்னதான் இப்படத்தில் சூரியுடன் விஜய் சேதுபதி இணைந்து நடித்திருந்தாலும் அவர் முதல் பாகத்தில் சில காட்சிகளே வருகின்றார். மேலும் சூரி ஒரு எதார்த்தமான காவல் அதிகாரியாக கனகச்சிதமாக பொருந்தி இப்படத்தில் நடித்துள்ளார்.
காடு, மலை என இப்படத்தை மிகவும் சிரமப்பட்டு படக்குழு உருவாக்கியுள்ளது. அதற்கு சூரி தன் முழு ஒத்துழைப்பை தந்து முழு அர்ப்பணிப்போடு நடித்துள்ளார். எனவே அவருக்கு இப்படத்தினால் பல விருதுகள் கிடைக்கும் என பலர் தங்கள் கருத்துக்களை தெரிவித்து வருகின்றனர்.
இந்நிலையில் விடுதலை படத்தில் நடித்ததற்காக சூரி 30 லட்சங்களை மட்டுமே சம்பளமாக வாங்கியுள்ளதாக தகவல்கள் வருகின்றன. நகைச்சுவை நடிகராக கோடிக்கணக்கில் சம்பளம் வாங்கி வந்த சூரி இப்படத்திற்காக வெறும் 30 லட்சங்களே சம்பளமாக பெற்றுள்ளார். ஏனென்றால் ஹீரோவாக சூரி முதல் முறையாக அறிமுகமாகிறார் என்பதால் மிக குறைவான சம்பளத்தை சூரி பெற்றதாக சிலர் கூறி வருகின்றனர்.
இரண்டு பாகங்களாக உருவாக்கப்பட்ட விடுதலை படத்தில் சிரமப்பட்டு நடித்ததற்கு சூரிக்கு இவ்வளவு தான் சம்பளமா என ரசிகர்கள் கேட்டு வருகின்றனர். இந்நிலையில் இப்படத்திற்கு பிறகு சூரி நாயகனாக நடிக்க பல படங்களில் கமிட்டாகி வருகின்றார். இப்படத்தில் கிடைத்த வரவேற்பை வைத்து அவர் அடுத்தடுத்து கமிட்டாகும் படங்களில் தன் சம்பளத்தை உயர்த்துவார் என அனைவராலும் எதிர்பார்க்கப்படுகின்றது குறிப்பிடத்தக்கது.