இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
இயக்குநர் சிறுத்தை சிவாவின் தம்பி பாலா 2 மச் தெலுங்கு படம் மூலம் நடிகராக அறிமுகமானார். அன்பு படம் மூலம் தமிழ் திரையுலகிற்கு வந்தார். மலையாள படங்களில் கவனம் செலுத்தி வரும் பாலா தன் அண்ணன் இயக்கிய வீரம் படத்தில் அஜித் குமாரின் தம்பிகளில் ஒருவராக நடித்தார்.
விஜய்யை புகழ்ந்த மிஸ்கின்!
கடந்த இரண்டு மாதங்களுக்கு முன்பு அவருக்கு கல்லீரலில் பிரச்சனை ஏற்பட்டு மருத்துவமனையில் அனுமதிக்கப்பட்டார்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அவருக்கு உடனே கல்லீரல் மாற்று அறுவை சிகிச்சை செய்ய வேண்டும் என மருத்துவர்கள் தெரிவித்தார்கள். இதற்கிடையே பாலாவின் உடல்நிலை மோசமடைந்தது. பாலா பிழைக்க மாட்டார் என டாக்டர்களே கைவிட்டுவிட்டார்கள். அதன் பிறகு டாக்டர்களே வியக்கும் வகையில் பாலாவின் உடல்நிலையில் முன்னேற்றம் ஏற்பட்டு அறுவை சிகிச்சை செய்தார்கள்.
அறுவை சிகிச்சைக்கு பிறகு தன் புகைப்படத்தை ஃபேஸ்புக்கில் வெளியிட்டார் பாலா. ஆள் மெலிந்து காணப்பட்டாலும் அவர் நலமாக இருப்பதை பார்த்து திரையுலக பிரபலங்களும், ரசிகர்களும் சந்தோஷப்பட்டார்கள்.
இந்நிலையில் அவர் தன் வாழ்வில் நடந்த அதிசயம் பற்றி பேட்டி அளித்துள்ளார். அந்த பேட்டியில் பாலா கூறியிருப்பதாவது,
நான் பிழைக்க வாய்ப்பு ரொம்ப குறைவு என மருத்துவர்கள் தெரிவித்துவிட்டார்கள். கல்லீரல் மாற்று அறுவை சிகிச்சை செய்தாலும் பாலா பிழைப்பார் என்று சொல்ல முடியாது என என் அண்ணன் சிவா, சகோதரியிடம் டாக்டர்கள் கூறியிருக்கிறார். அதை கேட்டு அவர்கள் இருவரும் செய்வதறியாது அதிர்ச்சியில் உறைந்துவிட்டார்கள்.
என்ன டாக்டர் இப்படி சொல்கிறீர்கள். இதுவே உங்களின் சகோதரராக இருந்தால் என்ன செய்வீர்கள் என டாக்டரிடம் என் சகோதரி கேட்டிருக்கிறார். அவர் என் சகோதரராக இருந்தால் நிம்மதியாக சாகவிடுவேன் என கூறியிருக்கிறார். டாக்டர் கூறியதை கேட்டு என் சகோதரியும், அண்ணாவும் மேலும் அதிர்ச்சி அடைந்தார்கள்.
இனி நான் பிழைக்க மாட்டேன் என டாக்டர் சொன்னதை அடுத்து அறிக்கை வெளியிடக் கூட முடிவு செய்து, தயாரானார்கள்.
ஆனால் டாக்டர் கைவிரித்த சில மணிநேரத்தில் என் உடல்நிலையில் நல்ல முன்னேற்றம் ஏற்பட்டது. இதையடுத்து உடனே அறுவை சிகிச்சை செய்வது என்று முடிவு செய்தார்கள்.
அறுவை சிகிச்சை நல்லபடியாக முடிந்தது. அதன் பிறகு நான் தேறி பழைய பாலாவாக உங்கள் கண் முன்பு வந்து நிற்கிறேன். நான் மருத்துவமனையில் இருந்தபோது நண்பர்கள் மட்டும் அல்லாமல் என்னுடன் கருத்து வேறுபாடு ஏற்பட்டிருந்தவர்களும் கூட வந்து பார்த்துச் சென்றது எனக்கு சந்தோஷமாக இருந்தது.
எனக்கும், நடிகர் உன்னி முகுந்தனுக்கும் இடையே கருத்து வேறுபாடுகள் உள்ளது. ஆனாலும் அவரை என் சகோதரராகவே பார்க்கிறேன். அவர் முதல் ஆளாக என்னை பார்க்க மருத்துவமனைக்கு வந்தார். இந்த நேரத்தில் அவருக்கு நன்றி சொல்லிக் கொள்கிறேன் என்றார்.
Kamal Haasan:நேர்மாறாக செய்யும் கமல்: என்ன ஆண்டவரே, இப்படி பண்றீங்களே
பாலா சொன்னதை கேட்ட ரசிகர்கள் அதிர்ச்சி அடைந்துள்ளனர். மரண வாசலை தொட்டுவிட்டு வந்திருக்கிறீர்கள். இனிமேல் உங்களுக்கு எதுவும் நடக்காது. முதலில் உடம்பை பார்த்துக்கோங்க பாலா. உங்களுக்கு ஆதரவாக அண்ணன் சிவா இருக்கிறார், நாங்கள் இருக்கிறோம் என ரசிகர்கள் தெரிவித்துள்ளனர்.