இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
ஜப்பானில் நடந்த ஒசாகா தமிழ் சர்வதேச திரைப்பட விழாவில் சிறந்த நடிகருக்கான விருது விஜய்க்கும், சிறந்த நடிகைக்கான விருது கங்கனா ரனாவத்துக்கும் கிடைத்திருக்கிறது. லோகேஷ் கனகராஜ் இயக்கத்தில் வெளியான மாஸ்டர் படத்தில் அற்புதமாக நடித்ததற்காக விஜய்க்கு இந்த விருது வழங்கி கௌரவித்திருக்கிறார்கள்.
விஜய்யை புகழ்ந்த மிஸ்கின்!
மறைந்த முன்னாள் முதல்வர் ஜெயலலிதாவின் வாழ்க்கை வரலாற்று படத்தில் நடித்ததற்காக பாலிவுட் நடிகை கங்கனா ரனாவத்துக்கு சிறந்த நடிகைக்கான விருது வழங்கப்பட்டது. ஜெயலலிதாவாக நடிக்க தன் உடல் எடையை அதிகரித்து பின்னர் குறைத்தார் கங்கனா. ஏ.எல். விஜய் இயக்கிய தலைவி படம் ஜெயலலிதா ரசிகர்கள் தவிர்த்து அனைவரையும் கவர்ந்தது.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
ஜப்பானில் தனக்கு இப்படி ஒரு கவுரவம் கிடைத்திருப்பதற்கு நன்றி தெரிவித்துள்ளார் கங்கனா ரனாவத். இந்நிலையில் விஜய்க்கு முதலில் இங்கிலாந்தில் விருது கிடைத்தது, தற்போது ஜப்பானில். தளபதினா சும்மா இல்லை என விஜய் ரசிகர்கள் பெருமையுடன் பேசி வருகிறார்கள்.
ஒசாகா தமிழ் சர்வதேச திரைப்பட விழாவில் விருது பெற்றவர்களின் விபரம்,
சிறந்த படம்- சார்பட்டா பரம்பரை
சிறந்த இயக்குநர்- பா. ரஞ்சித் (சார்பட்டா பரம்பரை)
சிறந்த நடிகர்- விஜய் (மாஸ்டர்)
சிறந்த நடிகை- கங்கனா ரனாவத் (தலைவி)
சிறந்த இசையமைப்பாளர்- யுவன் ஷங்கர் ராஜா (மாநாடு)
சிறந்த ஒளிப்பதிவாளர்- தேனி ஈஸ்வர் (கர்ணன்)
சிறந்த திரைக்கதை எழுத்தாளர்- வெங்கட் பிரபு (மாநாடு)
சிறந்த தயாரிப்பு நிறுவனம்- ஒய்நாட் ஸ்டுடியோஸ், ரிலையன்ஸ் என்டர்டெயின்மென்ட், ஓபன் வின்டோ ப்ரொடக்ஷன்ஸ், விஷ்பெரி ஃபிலிம்ஸ் (மண்டேலா)
சிறந்த டான்ஸ் மாஸ்டர்- தினேஷ் குமார் (வாத்தி கமிங்- மாஸ்டர்)
சிறந்த துணை நடிகர்- மணிகண்டன் (ஜெய்பீம்)
சிறந்த துணை நடிகை- லிஜோமோல் ஜோஸ் (ஜெய்பீம்)
சிறந்த நகைச்சுவை நடிகர்- ரெடின் கிங்ஸ்லி (டாக்டர்)
சிறந்த குழந்தை நட்சத்திரம்- ஜாரா வினீத் (டாக்டர்)
சிறந்த வில்லன்- விஜய் சேதுபதி (மாஸ்டர்)
சிறந்த எடிட்டர்- கேஎல் பிரவீன் (மாநாடு)
சிறந்த ஸ்டண்ட் டைரக்டர் – திலீப் சுப்பராயன் (சுல்தான்)
சிறந்த கலை இயக்குநர்- ராமலிங்கம் (சார்பட்டா பரம்பரை)
ஒசாகா விழாவில் கவுரவிக்கப்பட்ட வெங்கட் பிரபு, விஜய், யுவன் ஷங்கர் ராஜா ஆகியோர் தளபதி 68 படத்திற்காக கூட்டணி சேர்ந்திருக்கிறார்கள். ஏ.ஜி.எஸ். நிறுவனம் தயாரிக்கும் தளபதி 68 படத்தில் நடிக்க விஜய்க்கு ரூ. 200 கோடி சம்பளமாம்.
Thalapathy 68: விஜய்யின் ரசிகையை தளபதி 68 ஹீரோயினாக்கும் வெங்கட் பிரபு?
அந்த படத்தில் விஜய்க்கு ஜோடியாக தனது கஸ்டடி பட ஹீரோயின் க்ரித்தி ஷெட்டியை நடிக்க வைக்க வெங்கட் பிரபு முடிவு செய்திருப்பதாக கூறப்படுகிறது. விஜய்க்கு வில்லனாக எஸ்.ஜே. சூர்யா நடிக்கவிருக்கிறாராம்.
விஜய் தற்போது லோகேஷ் கனகராஜ் இயக்கத்தில் லியோ படத்தில் நடித்து வருகிறார். இந்நிலையில் விஜய்யை வைத்து லோகேஷ் கனராஜ் இயக்கிய மாஸ்டர் படத்திற்கு ஒசாகா விழாவில் 3 விருதுகள் கிடைத்திருக்கிறது என்பது குறிப்பிடத்தக்கது.
லியோ படத்தை அக்டோபர் மாதம் 19ம் தேதி ரிலீஸ் செய்ய திட்டமிட்டுள்ளனர். இதற்கிடையே தளபதி 68 படப்பிடிப்பை செப்டம்பர் மாதம் துவங்க வேலை செய்து வருகிறார் வெங்கட் பிரபு.
Bala:பாலா பிழைப்பது கஷ்டம், அவரை நிம்மதியாக சாகவிடுங்கள்: கைவிரித்த டாக்டர்