இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
இளையராஜா இன்று தனது 80வது பிறந்தநாளை கொண்டாடுகிறார். சமூக வலைதளங்களில் அவருக்கு பலரும் வாழ்த்து தெரிவித்து வருகிறார்கள். இளையராஜா எனும் இசை மேதை பற்றி இசை ரசிகர்கள் பெருமையாக பேசி வருகிறார்கள்.
“இந்த மாதிரி கேள்வி கேட்காதீங்க” கடுப்பான நடிகை சுனைனா!
முதல்வர் ஸ்டாலின் இன்று காலை முதல் வேலையாக இளையராஜாவின் அலுவலகத்திற்கு சென்று அவரை வாழ்த்தி, பரிசு கொடுத்தார். அப்பொழுது எடுக்கப்பட்ட புகைப்படங்களை சமூக வலைதளத்தில் வெளியிட்டு மீண்டும் வாழ்த்தினார் ஸ்டாலின்.
இளையராஜாவுக்கு உலக நாயகன் கமல் ஹாசன் வாழ்த்து தெரிவித்து தெரிவித்து ட்வீட் செய்தார். முன்னதாக நிகழ்ச்சி ஒன்றில் பேசிய கமல் ஹாசன் இசைஞானி பற்றி கூறியதாவது, ராஜா என் வாழ்க்கையின் ஒரு அங்கம். இன்று அவரை கட்டிப்பிடிக்கும் வாய்ப்பு எனக்கு கிடைத்தது. அவர் கொஞ்சம் வெட்கப்படும் ஆள்.
அவர் 1000வது படத்தில் வேலை செய்வார் என்பது எனக்கு ஏற்கனவே தெரியும். அவரின் 786வது படம் என்னுடையது என்பதில் மகிழ்ச்சி என்றார்.
இளையராஜாவும், கமல் ஹாசனும் பல ஆண்டுகளாக சேர்ந்து பணியாற்றி வருகிறார்கள். அப்படி இருக்கும் இளையராஜாவை ஹக் செய்யும் வாய்ப்பு கிடைத்ததை கமல் பெருமையாக தெரிவித்தார். இசைஞானி அந்த அளவுக்கு வெட்கப்படும் ஆளா, இந்த ரகசியம் தெரியாமல் போய்விட்டதே என்கிறார்கள் ரசிகர்கள்.
மேலும் இளையராஜா 1000வது படத்திற்கு இசையமைப்பார் என்பதை அன்றே கணித்தார் ஆண்டவர் என்கிறார்கள்.
Ilaiyaraaja: இளையராஜாவின் பிறந்தநாளான இன்று பெங்களூரில் நடந்த அதிசயம்: உங்களுக்கு நடந்திருக்கா?
பிறந்தநாள் அன்று இளையராஜாவை நேரில் சந்தித்து வாழ்த்த அவரின் கோடம்பாக்கம் அலுவலகத்திற்கு ரசிகர்கள் சென்றார்கள். ரசிகர்கள் இளையராஜாவுக்கு பரிசுப் பொருட்கள் கொடுத்தார்கள். எனக்கு பரிசு எல்லாம் வேண்டாம், அன்பு போதும். பரிசுப் பொருட்களை எடுத்துச் செல்லுங்கள் என திருப்பிக் கொடுத்துவிட்டார்.
இளையராஜா பற்றி பலரும் தங்கள் நினைவுகளை பகிர்ந்து வருகிறார்கள். முன்னதாக கடந்த 2015ம் ஆண்டில் இளையராஜா பற்றி பாலிவுட் ஜாம்பவானான அமிதாப் பச்சன் கூறியதை ரசிகர்கள் இன்று நினைவுகூர்ந்து வருகிறார்கள்.
இளையராஜா பற்றி அமிதாப் பச்சன் கூறியதாவது,
இளையராஜா முன்பு பாட எனக்கு தைரியம் இல்லை. பா படத்தில் இளையராஜா சாப் முன்பு அமர்ந்து நான் பாட வேண்டும். அது எந்த அளவுக்கு பயமாக இருந்தது என்பதை விவரிக்க முடியாது. ராஜா சாப் ஒரு ஜீனியஸ். எனக்கு பாட வாய்ப்பு அளித்ததற்கு நன்றி சாப் என்றார்.
ஆர். பால்கி இயக்கத்தில் தன் மகன் அபிஷேக் பச்சனுக்கு மகனாக அமிதாப் பச்சன் நடித்த பா இந்தி படத்திற்கு இசைஞானி தான் இசையமைத்திருந்தார். அந்த படத்தில் ஒரு பாடல் பாடியிருந்தார் அமிதாப்.
Ilaiyaraaja Birthday:கருணாநிதி இறந்த பிறகும் கூட மாறாத இசைஞானி இளையராஜா
இளையராஜாவின் நிஜமான பிறந்தநாள் ஜூன் 3ம் தேதி ஆகும். கலைஞர் கருணாநிதியின் பிறந்தநாளும் ஜூன் 3ம் தேதி தான். அந்த நாளில் அனைவரும் கலைஞருக்கு தான் வாழ்த்து சொல்ல வேண்டும் என்று தன் பிறந்தநாளை ஜூன் 2ம் தேதி கொண்டாடி வருகிறார் இளையராஜா.
தனக்கு இசைஞானி எனும் பட்டத்தை கொடுத்த கருணாநிதி மீது மிகுந்த மரியாதை கொண்டவர் இசைஞானி. அதனால் தான் பிறந்தநாள் விஷயத்தில் இப்படி செய்துவிட்டார்.