தமிழ் சினிமாவில் முன்னணி நடிகராக திகழ்பவர் தனுஷ். இவரது நடிப்பில் மிகுந்த எதிர்பார்ப்பிற்கு மத்தியில் ‘கேப்டன் மில்லர்’ படம் உருவாகி வருகிறது. அருண் மாதேஸ்வரன் இயக்கத்தில் இந்தப்படத்தின் படப்பிடிப்பு விறுவிறுப்பாக நடந்து வருகிறது. இந்நிலையில் ‘கேப்டன் மில்லர்’ படம் குறித்து பிரபலம் ஒருவர் பகிர்ந்துள்ள தகவல் இணையத்தில் வைரலாகி வருகிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தமிழ் சினிமா மட்டுமில்லாமல் பல மொழி படங்களிலும் நடித்து வருகிறார் தனுஷ். பாலிவுட், டோலிவுட், ஹாலிவுட் என பல மொழிகளில் கலக்கி வருகிறார். இவரது நடிப்பில் கடைசியாக தமிழ், தெலுங்கு மொழியில் ‘வாத்தி’ படம் ரிலீசானது. ரசிகர்கள் மத்தியில் இந்தப்படம் நல்ல வரவேற்பை பெற்றது. இதனையடுத்து தற்போது ‘கேப்டன் மில்லர்’ படத்தில் நடித்து வருகிறார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்தப்படத்தை அருண் மாதேஸ்வரன் இயக்கி வருகிறார். ராக்கி படம் மூலம் தமிழ் சினிமாவில் இயக்குனராக அறிமுகமான இவர், தனது இரண்டாவது படமாக ‘சாணிக்காயிதம்’ படத்தை இயக்கினார். இந்தப்படத்தில் கீர்த்தி சுரேஷ், செல்வராகன் இணைந்து நடித்திருந்தனர். அவரின் இந்த இரண்டு படங்களும் இரத்தம் தெறிக்க தெறிக்க ராவான படங்களாக வெளியாகி ரசிகர்கள் மத்தியில் நல்ல வரவேற்பை பெற்றது.
இந்நிலையில் தற்போது தனுஷ் நடிப்பில் தனது மூன்றாவது படமாக கேப்டன் மில்லரை இயக்கி வருகிறார் அருண் மாதேஸ்வரன். இந்தப்படம் பீரியட் பிலிமாக 1930 – 40 காலக்கட்டங்களில் நடக்கும் சம்பவங்களாக உருவாகி வருகிறது. இதன் படப்பிடிப்பு கடந்த சில மாதங்களாகவே மும்முரமாக நடந்து வருகிறது.
Thalapathy 68: காலம் சொல்லும்.. ‘தளபதி 68’ பட ரகசியத்தை போட்டுடைத்த எஸ்.ஜே. சூர்யா.!
இந்நிலையில் ‘கேப்டன் மில்லர்’ படம் குறித்து பாடலாசிரியர் மதன் கார்கி பேட்டி ஒன்றில் பகிர்ந்துள்ள தகவல் இணையத்தில் வைரலாகி வருகிறது. அதன்படி படத்தில் வசனங்கள் குறைவாகவும், அதே நேரத்தில் அழுத்தமாகவும் இருக்கும் என தெரிவித்துள்ளார். மேலும், அருண் மாதேஸ்வரன் ஆக்ஷன் காட்சிகளில் தான் அதிகம் கவனம் செலுத்தி வருவதாகவும், அவருடைய முந்தைய படங்களை போல இந்தப்படத்தின் மேக்கிங்கும் தனித்துவமாக இருக்கும் எனவும் தெரிவித்துள்ளார். அவரின் இந்த பேட்டி ரசிகர்கள் மத்தியில் எக்கச்சக்கமான எதிர்பார்ப்பை கிளப்பியுள்ளது.
‘கேப்டன் மில்லர்’ படத்துக்காக நீண்ட தலைமுடி, தாடி என வெறித்தனமான லுக்கில் வலம் வருகிறார் தனுஷ். பிரியங்கா அருள் மோகன் கதாநாயகியாக நடிக்கும் இந்தப்படத்தில் பிரபல கன்னட நடிகர் சிவராஜ்குமார், சந்தீப் கிஷன், ஜான் கொக்கன், நிவேதிதா சதீஷ் உள்ளிட்டோர் நடித்து வருகின்றனர். மேலும் ‘கேப்டன் மில்லர்’ படத்திற்கு ஜி.வி. பிரகாஷ் குமார் இசையமைப்பது குறிப்பிடத்தக்கது.
Shakeela: ஒரு நாளைக்கு ரூ. 4 லட்சம் சம்பளம்: ஆனா.. நடிகை ஷகீலா பகிர்ந்த ஷாக்கிங் தகவல்.!