Naga Chaitanya: சூப்பர் ஹிட் பட ரீமேக்கில் நாக சைதன்யாவுடன் நடிக்கிறாரா ஜோதிகா?

இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
அனீஸ் பாஸ்மி இயக்கத்தில் கார்த்திக் ஆர்யன், தபு, கியாரா அத்வானி உள்ளிட்டோர் நடித்த Bhool Bhulaiyaa 2 படம் கடந்த 2022ம் ஆண்டு ரிலீஸாகி சூப்பர் ஹிட்டானது. இந்நிலையில் அந்த இந்தி படத்தை நாக சைதன்யாவை வைத்து ரீமேக் செய்கிறார்கள் என தகவல் வெளியானது.

“ரஜினி சார்னால தான் தமிழ் சினிமாவுக்கு வந்தேன்” சுனைனா ஓபன் டாக்!
ரீமேக்கில் நாக சைதன்யாவுடன் சேர்ந்து ஜோதிகா நடிப்பார் என்று கூறப்பட்டது. இந்தியில் தபு நடித்த கதாபாத்திரத்தில் ஜோதிகா நடிப்பார் என்று தகவல் வெளியானது. நாக சைதன்யா, ஜோதிகா நடிக்கும் படத்திற்கு பிரம்மபுத்ரா என பெயர் வைத்திருப்பதாக பேச்சு கிளம்பியது.

இந்நிலையில் அது குறித்த உண்மை தெரிய வந்துள்ளது. நாக சைதன்யாவின் குழு ட்விட்டரில் கூறியிருப்பதாவது,

Bhool Bhulaiyaa 2 பட ரீமேக்கில் நாக சைதன்யா நடிப்பதாக சமூக வலைதளத்தில் வலம் வரும் தகவலில் உண்மை இல்லை. பொய்யான தகவலை பரப்ப வேண்டாம் என கேட்டுக் கொள்கிறோம் என தெரிவித்துள்ளது.

Bhool Bhulaiyaa 2 படத்தின் ரீமேக் உரிமையை வாங்கியிருப்பதாக ஸ்டுடியோ கிரீன் உரிமையாளரான ஞானவேல்ராஜா அண்மையில் பேட்டி ஒன்றில் தெரிவித்தார்.

அந்த பேட்டியில் ஞானவேல்ராஜா கூறியதாவது,

Bhool Bhulaiyaa 2 படத்தின் தென்னிந்திய ரீமேக் உரிமையை வாங்கியிருக்கிறேன். இந்தி படத்தின் ஒரிஜினல் கதையை பெரும்பாலும் அப்படியே வைத்துவிட்டு தெலுங்கு, தமிழ் ரசிகர்களுக்கு ஏற்ப சில மாற்றங்கள் செய்யப்படும் என்றார்.

இந்நிலையில் தான் Bhool Bhulaiyaa 2 ரீமேக்கில் நாக சைதன்யாவும், ஜோதிகாவும் நடிப்பதாக சமூக வலைதளத்தில் பேச்சு கிளம்பியது.

அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்

நாக சைதன்யா நடிப்பில் கடைசியாக வெளியான படம் கஸ்டடி. வெங்கட் பிரபு இயக்கிய கஸ்டடி படம் தமிழ் மற்றும் தெலுங்கில் ரிலீஸானது. அந்த படம் மூலம் தமிழ் திரையுலகில் அறிமுகமானார் நாக சைதன்யா.

மேலும் கஸ்டடி மூலம் தெலுங்கு திரையுலகில் அறிமுகமாகியிருக்கிறார் வெங்கட் பிரபு. கஸ்டடியில் நாக சைதன்யாவுக்கு ஜோடியாக க்ரித்தி ஷெட்டி நடித்தார். அரவிந்த் சாமி தான் வில்லனாக நடித்தார்.

கஸ்டடியை அடுத்து புதுப்படம் குறித்து நாக சைதன்யா அறிவிப்பு எதுவும் இதுவரை வெளியடவில்லை. வெங்கட் பிரபுவோ கஸ்டடியை முடித்த கையோடு விஜய்யின் தளபதி 68 படத்தை இயக்கும் வாய்ப்பை பெற்றிருக்கிறார்.

தளபதி 68 படத்தின் ப்ரீ ப்ரொடக்ஷன் வேலையை துவங்கிவிட்டார் வெங்கட் பிரபு. தளபதி 68 படத்தில் விஜய்க்கு ஜோடியாக ஜோதிகா நடிப்பார் என்று பேச்சு கிளம்பியிருக்கிறது. விஜய்க்கு ராசியான ஹீரோயின்களில் ஜோதிகாவும் ஒருவர்.

Leo: ரிலீஸுக்கு முன்பே 4 சாதனைகள் படைத்த லியோ: மாஸ் காட்டும் தளபதி விஜய்

14 ஆண்டுகள் கழித்து விஜய்யுடன் சேர்ந்து லியோ படத்தில் த்ரிஷா நடித்து வருகிறார். அதனால் தளபதி 68 படத்தில் ஜோதிகா நடித்தால் நன்றாகத் தான் இருக்கும். ஜோதிகா தற்போது இந்தி படங்கள், வெப்தொடர்களில் கவனம் செலுத்தி வருகிறார்.

Jyothika: மும்பையில் செட்டிலான கையோடு ஜோதிகாவுக்கு அடித்த ஜாக்பாட்: இது ஆரம்பம் தான்

பாலிவுட்டில் கவனம் செலுத்த வசதியாக குடும்பத்துடன் மும்பையில் குடியேறிவிட்டார் ஜோதிகா. மனைவியின் கெரியருக்கு எப்பொழுதுமே ஆதரவாக இருந்து வருகிறார் சூர்யா என்பது குறிப்பிடத்தக்கது.

Leave a Comment

This site uses Akismet to reduce spam. Learn how your comment data is processed.