பாலிவுட் சினிமாவில் பிரபலமான நடிகையாக திகழ்பவர் கஜோல். அங்குள்ள ஷாருக்கான், சல்மான் கான் போன்ற முன்னணி நடிகர்களுக்கு ஜோடியாக நடித்துள்ளார். கோலிவுட்டிலும் சில படங்களில் நடித்துள்ள இவர் தமிழ் சினிமா ரசிகர்களுக்கும் பரிட்சயம். இந்நிலையில் கஜோலின் திடீர் அறிவிப்பு ரசிகர்கள் மத்தியில் அதிர்ச்சியை ஏற்படுத்தியுள்ளது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
திரையுலகை சார்ந்த பிரபலங்களுக்கு சோஷியல் மீடியா எந்தளவுக்கு முக்கியம் என்பது இணையவாசிகள் அனைவரும் அறிந்ததே. கிட்டத்தட்ட சினிமாத்துறையை சார்ந்த அனைவருமே சோஷியல் மீடியாவில் தனியாக கணக்குகள் வைத்துள்ளனர். அதிலும் நடிகைகளின் சோஷியல் மீடியா பக்கங்களை லட்ச்சக்கணக்கான ரசிகர்கள் பின் தொடர்வது வழக்கம்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் தான் திடீரென தனது இன்ஸ்டாகிராம் பக்கத்திலிருந்த புகைப்படங்கள் மற்றும் பதிவுகள் அனைத்தையும் நீக்கியுள்ளார் கஜோல். அத்துடன் ட்விட்டர், இன்ஸ்டாகிராம் போன்ற சோஷியல் மீடியாக்களில் இருந்து விலகுவதாகவும் தெரிவித்துள்ளார். ‘என் வாழ்க்கையின் கடினமான சோதனைகளில் ஒன்றை எதிர்கொள்கிறேன். சமூக ஊடகங்களில் இருந்து ஒய்வு எடுத்துக்கொள்கிறேன்’ என பதிவிட்டுள்ளார்,
அவரின் இந்த திடீர் முடிவும், பதிவும் ரசிகர்கள் மத்தியில் கடும் அதிர்ச்சியை ஏற்படுத்தியுள்ளது. கஜோல் தற்போது ‘தி குட் வை ஃப்’ என்ற வெப் சீரிஸில் நடித்துள்ளார். இந்த தொடர் டிஸ்னி பிளஸ் ஹாட்ஸ்டார் ஓடிடி தளத்தில் ரிலீசாக இருக்கிறது. கஜோல் தற்போது சோஷியல் மீடியாவிலிருந்து விலகியிருப்பது இந்த தொடருக்கான புரமோஷன் யுக்தியாக கூட இருக்கலாம் என கூறப்படுகிறது.
Por Thozhil: தரமான க்ரைம் திரில்லர்.. ‘போர் தொழில்’ பட முழு விமர்சனம்.!
மேலும் கஜோல் தற்போது ‘லஸ்ட் ஸ்டோரீஸ் 2’ என்ற ஆந்தாலஜி தொடரில் நடித்துள்ளார். அமித் ரவீந்தர்நாத், கொங்கோனா சென்சர்மா. ஆர் பால்கி மற்றும் சுஜோய் கோஷ் ஆகியோர் இயக்கியுள்ளனர். இந்த தொடரில் நீனா குப்தா, விஜய் வர்மா, தமன்னா, மிருணாள் தாகூருடன் கஜோல் இணைந்து நடித்துள்ளார். இதன் டீசர் அண்மையில் வெளியாகி ரசிகர்கள் மத்தியில் நல்ல வரவேற்பை பெற்றது.
View this post on InstagramA post shared by Kajol Devgan (@kajol)
பாலிவுட்டில் தற்போது முன்னணி நடிகையாக திகழும் கஜோல் தமிழில் ‘மின்சாரக்கனவு’ என்ற படத்தில் நடித்திருந்தார். ராஜீவ் மேனன் இயக்கிய இந்தப்படத்தில் அரவிந்த் சாமி, பிரபுதேவா, நாசர் உள்ளிட்டோர் நடித்திருந்தனர். இந்தப்படத்தில் கஜோலின் நடிப்பு ரசிகர்களிடம் பெரும் வரவேற்பை பெற்றது. அதன்பின்னர் நீண்ட இடைவேளைக்கு பிறகு கடந்த 2017 ஆம் ஆண்டு தனுஷ் நடிப்பில் வெளியான ‘வேலையில்லா பட்டதாரி 2’ படத்தில் கஜோல் நடித்திருந்தது குறிப்பிடத்தக்கது.
இயக்குனர் வெற்றிமாறனின் உதவியாளர் மரணம்: துணை நடிகர் கைது.!