வாசிக்க நேரம் இல்லையா? செய்தியைக் கேளுங்கள்
மாலே: மாலத்தீவில் மூளைக் கட்டியால் பாதிக்கப்பட்ட சிறுவனை அவசர சிகிச்சைக்கு அழைத்து செல்ல, இந்தியா வழங்கிய டோரினியர் விமானத்திற்கு மிகத் தாமதமாக அனுமதியளிக்கப்பட்டதால், அச்சிறுவன் உயிரிழந்த சம்பவம் சோகத்தை ஏற்படுத்தியுள்ளது.
சமீபகாலமாக இந்தியாவுக்கும்- மாலத்தீவுக்கு இடையேயான உறவில் மோதல் போக்கு நிலவி வருகிறது. மாலத்தீவு அதிபர் முகமது முய்சு சீனாவுக்கு ஆதரவை தெரிவித்து வருகிறார். மாலத்தீவில் உள்ள இந்திய படைவீரர்கள் 88 பேரை மார்ச் 15ம் தேதிக்குள் திரும்பப் பெறும்படி இந்தியாவுக்கு வேண்டுகோள் விடுக்கப்பட்டுள்ளது.
இந்நிலையில், மாலத்தீவின் கபி அலிப் விலிங்ஹில்ஸ் பகுதியில், மூளையில் கட்டி மற்றும் பக்கவாதத்தால் பாதிக்கப்பட்டு வந்த 14 வயது சிறுவனுக்கு மேல் சிகிச்சைக்காக தலைநகர் மாலேயில் உள்ள மருத்துவமனைக்கு கொண்டு செல்ல வேண்டும் என மருத்துவர்கள் அறிவுறுத்தியுள்ளனர்.
அப்போது இந்தியா வழங்கிய டிரோனியர் விமானத்தை பயன்படுத்த வேண்டுகோள் விடுக்கப்பட்டுள்ளது. ஆனால் இந்திய விமானத்தை பயன்படுத்த மாலத்தீவு அதிபர் அனுமதி மறுத்துள்ளார். இதனால் உயிருக்கு போராடி கொண்டிருந்த 14 வயது சிறுவனுக்கு சரியான நேரத்தில் சிகிச்சை கிடைக்காமல் உயிரிழந்தார். சிறுவன் உயிரிழந்த சம்பவம் சோகத்தை ஏற்படுத்தி உள்ளது.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
