‘புருஷன் உயிரோட தான இருக்காரு.. ஏன் பொட்டு வைக்காம இருக்க…’: பெண்ணை கேள்வி கேட்ட பாஜ எம்பிக்கு கண்டனம்

கோலார்: புருஷன் உசுரோட தான இருக்காரு.. ஏன் பொட்டு வைக்காம இருக்க என்று பெண்ணிடம் கேட்ட கர்நாடகா பாஜ எம்பிக்கு பலரும் கண்டனம் தெரிவித்துள்ளனர். கர்நாடகா மாநிலம் கோலார் மாவட்டத்தைச் சேர்ந்த பாஜக எம்.பி எஸ்.முனிசாமி, சர்வதேச மகளிர் தினத்தையொட்டி ஏற்பாடு செய்யப்பட்டிருந்த நிகழ்ச்சியில்   மகளிர் குழுக்கள் வைத்திருந்த கடைகளை பார்வையிட்டார்.  

கடை வைத்திருந்த பெண்ணை அணுகிய எம்பி முனிசாமி, ‘புருஷன் உசுரோட தான இருக்காரு.. ஏன் பொட்டு வைக்காம இருக்க ’ என்று கோபமாக கேட்டார்.  இதுகுறித்து மகிளா காங்கிரஸ் தலைவர் நேதா டிசோசா வெளியிட்ட பதிவில், ‘மிகவும் வெட்கக்கேடானது. மகளிர் தினத்தன்று பெண்ணை அவமதிப்பது தான் பாஜவின் உண்மையான முகம் என்பதை நிரூபித்துள்ளீர்கள்’ என்று தெரிவித்துள்ளார். 

Leave a Comment

This site uses Akismet to reduce spam. Learn how your comment data is processed.