சோனி நிறுவனம் அதன் ஸ்மார்ட்போன் தொகுப்பில் புதிய போனை சேர்க்கவுள்ளது. அடுத்த அறிமுகமாக இருக்கும் புதிய
Sony Xperia
Ace III ஸ்மார்ட்போன் குறித்த தகவல்கள் கசிந்த வண்ணம் உள்ளன. இது சோனி ஸ்மார்ட்போன் விரும்பிகளுக்கு மகிழ்ச்சியை அளித்துள்ளது.
எனினும், நிறுவனம் இதுவரை இந்த ஸ்மார்ட்போன் குறித்து எந்த தகவலையும் வெளியிடவில்லை என்பது குறிப்பிடத்தக்கது. சோனி Xperia Ace தொடர் முதன்முதலில் 2019 ஆம் ஆண்டில் வெளியிடப்பட்டது. அதனைத் தொடர்ந்து அதன் 2nd எடிஷனான Xperia Ace 2 கடந்த 2019ஆம் ஆண்டு அறிவிக்கப்பட்டது.
எதிர்பார்க்கப்படும் Sony Xperia Ace 3 அம்சங்கள்
இந்நிலையில் புதிய சோனி
Android
ஸ்மார்ட்போன், ஐபோன் எஸ்இ அளவை ஒத்ததாக இருக்கும் என்று கூறப்படுகிறது. Sony Xperia Ace III ஆனது 5.5″ அங்குல முழு அளவு எச்டி+ ஐபிஎஸ் எல்சிடி டிஸ்ப்ளேவுடன் வெளியாகலாம் என தெரியவந்துள்ளது.
வாட்டர் டிராப் நாட்ச் டிஸ்ப்ளேயில் கொடுக்கப்படும் என்று எதிர்பார்க்கப்படுகிறது. இதில் செல்பி கேமரா கொடுக்கப்படலாம். வால்யூம் ராக்கர் பட்டன்களுடன், வலதுபுறத்தில் உள்ள பக்கவாட்டில் பவர் பட்டனுடன் கைரேகை சென்சாரும் கொடுக்கப்பட்டிருக்கும் என்று தெரிகிறது.
பின்புறத்தின் நடுப்பகுதியில் அமைந்துள்ள சோனி பிராண்டிங்குடன், ஒற்றை பின்பக்க கேமராவைக் கொண்டிருக்கும் வகையில் வடிவமைக்கப்பட்டுள்ளது. சமீபத்திய அறிக்கையின்படி, ஸ்மார்ட்போன் ஒற்றை 13 மெகாபிக்சல் பின்புற கேமராவைக் கொண்டிருக்கும் என்று கூறப்பட்டுள்ளது.
108MP கேமரா; AMOLED டாட் டிஸ்ப்ளே; 5G இணைப்பு – Redmi போன் இருக்க வேற என்ன வேணும்!
மேலும், 3.5mm ஆடியோ ஜாக் இதில் இருக்கும் என்று கூறப்படுகிறது. வெளியான தகவல்களின்படி, ஸ்மார்ட்போனானது வெளிர் பச்சை, கருப்பு ஆகிய இரு வண்ணத் தேர்வுகளில் வெளியாகும் என்று நம்பப்படுகிறது.
இந்தியாவில் வெளியாகுமா
பழைய Sony Xperia Ace, Sony Xperia Ace 2 ஆகிய ஸ்மார்ட்போன்கள் முறையே
Qualcomm Snapdragon
630, MediaTek Helio P35 ஆகிய புராசஸர்களுடன் வெளியாகின. ஆனால் தற்போதைய சூழலில், எக்ஸ்பீரியா ஏஸ் 3 ஸ்மார்ட்போனின், 5nm Qualcomm Snapdragon 888 சிப்செட் இருக்கும் என எதிர்பார்க்கப்படுகிறது.
அவ்ளோ அழகுங்க இந்த SAMSUNG 5G போன் – ஸ்பெக்கும் டாப் டக்கர்!
இந்த ஸ்மார்ட்போனில் 6GB ரேம் உடன், 256 ஜிபி வரை ஸ்டோரேஜ் மெமரி இருக்கலாம் என்று தெரியவந்துள்ளது. மேலும், இந்த ஸ்மார்ட்போனை சக்தியூட்ட 4500mAh பேட்டரி கொடுக்கப்படலாம். கூடவே, பாஸ்ட் சார்ஜிங் ஆதரவும் வழங்கப்படலாம் எனத் தகவல்கள் தெரிவிக்கின்றன.
அதேபோல், USB டைப்-சி போர்ட் ஆதரவு, ப்ளூடூத் 5.1, வைஃபை, 5ஜி போன்ற இணைப்பு ஆதரவையும் இந்த ஸ்மார்ட்போன் பெறும் என தகவல்கள் தெரிவிக்கின்றன. இந்த ஸ்மார்ட்போன் வெளியானாலும், இந்தியாவில் இதை சோனி நிறுவனம் அறிமுகப்படுத்துமா என்பது கேள்விக்குறியாக உள்ளது.
Read more:
Android 12L அப்டேட்: மொழி எதுவானாலும் சரி; நாங்க தரமா காட்டுவோம்!Apple இப்படி செஞ்சிருக்கக் கூடாது Firefox அப்டேட் பண்ணுங்க – சிக்கல் இருப்பதாகக் கூறும் மொசில்லா!