அசாம் மாநிலம் கர்பி அங்லாங் மாவட்டம் பொகஜான் அருகே கட்காட்டி பகுதி வழியே வந்த பயணிகள் பேருந்தை மறித்து காவல்துறை மற்றும் ரைபிள்ஸ் படையினர் சோதனையில் ஈடுபட்டனர்.
அந்த பேருந்தில் இருந்து பல ஆயுதங்களும், போர்க்கால ஆயுதங்களும் பதுக்கி வைத்திருந்தது கண்டுபிடிக்கப்பட்டது. இதையடுத்து, அனைத்து ஆயுதங்களையும் போலீசார் பறிமுதல் செய்தனர்.
இதுகுறித்து பொகஜன் பகுதி துணைப் பிரிவு போலீஸ் அதிகாரி ஜான் தாஸ் கூறியதாவது:-
கர்பி அங்காங் மாவட்டத்தில் உள்ள பொகஜன் அருகே கட்காட்டி பகுதியில் அதிகாலை 4.30 மணியளவில் பயணிகள் பேருந்து ஒன்றை மறித்து சோதனை செய்யப்பட்டது. பேருந்தில் மர்மமாக இருந்த கருப்புப் பை ஒன்றில் இருந்து 32 கை துப்பாக்கிகள், இரண்டு இதழ்கள், இரண்டு செட் வாக்கி டாக்கி உள்ளிட்ட ஆயுதங்கள் மீட்கப்பட்டுள்ளன.
பிறகு பேருந்தை நாகாலாந்தின் மோன் மாவட்டத்திற்கு அனுப்பப்பட்டது. மேலும் ஆயுதங்கள் குறித்து மேற்கொண்டு விசாரணை நடைபெற்று வருகிறது.
இவ்வாறு அவர் கூறினார்.
இதையும் படியுங்கள்..
ஆம் ஆத்மி கட்சி சார்பில் ஹர்பஜன்சிங் மேல்சபை எம்.பி.யாக வாய்ப்பு