ஐஸ்வர்யா ரஜினிகாந்த் இயக்கும் லால் சலாம் படத்தில் இருந்து விலகுவதாக ஆடை வடிவமைப்பாளரான பூர்ணிமா ராமசாமி சமூக வலைதளத்தில் தெரிவித்துள்ளார்.
ஐஸ்வர்யாமகன்கள் யாத்ரா, லிங்கா வளரட்டும் என கெரியரில் இருந்து பிரேக் எடுத்திருந்தார் ஐஸ்வர்யா ரஜினிகாந்த். தற்போது மகன்கள் வளர்ந்துவிட்டதால் மீண்டும் படங்களை இயக்க வந்துவிட்டார். பல ஆண்டுகள் கழித்து அவர் இயக்கவிருக்கும் படத்திற்கு லால் சலாம் என்று பெயர் வைத்துள்ளனர். இந்நிலையில் தான் லால் சலாமுக்கு புது பிரச்சனை ஏற்பட்டிருக்கிறது.
லால் சலாம்லைகா நிறுவனம் தயாரிக்கும் லால் சலாம் படத்தில் விஷ்ணு விஷால், விக்ராந்த் ஆகியோர் நடிக்கிறார்கள். அந்த படத்தின் பூஜை சென்னையில் பிரமாண்டமாக நடைபெற்றது. பூஜையில் சூப்பர் ஸ்டார் ரஜினிகாந்த் கலந்து கொண்டு படக்குழுவை ஆசிர்வாதம் செய்தார். அந்த பூஜையில் லால் சலாம் படத்தின் ஆடை வடிவமைப்பாளரான பூர்ணிமா ராமசாமியும் கலந்து கொண்டார்.
பூர்ணிமாபூஜையின்போது வைக்கப்பட்ட பேனர்களில் ஆடை வடிமைப்பாளர் பூர்ணிமா ராமசாமி என அவரின் பெயர் இருந்தது. இந்நிலையில் லால் சலாம் படத்தில் இருந்து விலகிவிட்டதாக பூர்ணிமா ட்விட்டரில் தெரிவித்துள்ளார். அவர் ட்விட்டரில் கூறியிருப்பதாவது, ப்ரீ ப்ரொடக்ஷன் நிலையில் கருத்து வேறுபாடு ஏற்பட்டதால் நான் லால் சலாம் படத்தில் வேலை செய்யப் போவது இல்லை. எதிர்காலத்தில் அனைத்து போஸ்டர்களில் இருந்தும் என் பெயரை நீக்குமாறு லைகா நிறுவனம், ஐஸ்வர்யா ரஜினிகாந்தை கேட்டுக் கொள்கிறேன் என்றார்.
என்னாச்சு?பூர்ணிமாவின் ட்வீட்டை பார்த்தவர்கள் கூறியிருப்பதாவது, நீங்களும், ஐஸ்வர்யா ரஜினிகாந்தும் 30 ஆண்டுகளுக்கும் மேலாக நெருங்கிய தோழிகளாச்சே. அப்படி இருக்கும்போது ஏன் படத்தில் இருந்து விலகினீர்கள்?. இது உங்க பெஸ்ட்டியின் படம் தானே. என்ன பிரச்சனை என கேள்வி எழுப்பியுள்ளனர். அதற்கு சிலரோ, வழக்கமான பெண்கள் சண்டையாகத் தான் இருக்கும் என தெரிவித்துள்ளனர்.
ரஜினிலால் சலாம் படத்தில் ரஜினிகாந்த் கவுரவத் தோற்றத்தில் நடிக்கிறார். அந்த படத்தில் அவர் இஸ்லாமியராக நடிக்கிறாராம். இந்நிலையில் ரஜினிகாந்த் இஸ்லாத்திற்கு மாறிவிட்டார் என தகவல் வெளியாகி தீயாக பரவியது. அவர் மதம் மாறவில்லை. மாறாக இஸ்லாமியராக நடிக்கத் தான் போகிறார் என்பது பின்னர் உறுதியானது என்பது குறிப்பிடத்தக்கது.
தனுஷ்தந்தையை இயக்கும் வாய்ப்பு கிடைத்தால் நிச்சயம் சந்தோஷப்படுவேன் என்று ஐஸ்வர்யா அண்மையில் தான் தெரிவித்தார். அதற்குள் அவரின் ஆசை நிறைவேறிவிட்டது. கணவர் தனுஷை பிரிந்து வாழும் ஐஸ்வர்யாவுக்கு இந்த நல்லதாவது நடந்ததில் மகிழ்ச்சி என்கிறார்கள் தலைவர் ரசிகர்கள். லால் சலாம் படத்தில் நடிக்கும் விஷ்ணு விஷால் அடுத்தாக தனுஷ் இயக்கத்தில் நடிக்கிறார் என்று தகவல் வெளியாகியிருக்கிறது.