மதன் ரவிச்சந்திரனின் ஸ்டிங் ஆபரேஷனில் சிக்கிய நெறியாளர்களில் ஐயப்பன் ராமசாமி மீது மட்டும் விமர்சனங்கள் அதிகமாக எழுந்து வருகிறது. ஐயப்பன் ராமசாமி தனது இன்ஸ்டாகிராமில் உள்ள டீனேஜ் பெண்களை குறித்து பேசியதுதான் தற்போது பயங்கர சர்ச்சையாகியுள்ளது.
மதன் ரவிச்சந்திரன் வெளியிட்டுள்ள வீடியோவில் பேசும் ஐயப்பன் ராமசாமி, ” எனக்கு ட்விட்டர் விட இன்ஸ்ட்டாகிராமில் தான் டீனேஜ் பெண்கள் பாலோவர்ஸ் அதிகமாக உள்ளனர். அதனால்தான் எனது இன்ஸ்டாகிராம் கணக்கை அட்மினிடம் கொடுக்காமல் நானே பார்த்து வருகிறேன். அட்மினிடம் கொடுத்துவிட்டால் அவனே மொத்தத்தையும் சாப்ட்ருவான்” என்று கூறியிருந்தார். இதுகுறித்து அவர் நேற்று அளித்த விளக்கத்தில் கூட வருத்தம் தெரிவிக்கிறேன் என்று மொட்டையாக குறிப்பிட்டிருந்தார்.
இருப்பினும் அந்த அதிர்ச்சியில் இருந்து வெளிவராத நெட்டிசன்கள் ஐயப்பன் ராமசாமியை மீம்ஸ் போட்டு விமர்சித்தும் கண்டித்தும் வருகின்றனர். இந்த நிலையில், பிரபல யூடியூபரான டிடிஎப் வாசனை நேர்காணலுக்கு அழைத்து கேள்விகளால் வெளுத்து வாங்கிய ஐயப்பன் ராமசாமியால் டிடிஎப் வாசன் அந்த நேர்காணலில் இருந்து பாதியிலேயே வெளியேறினார். அப்போது டிடிஎப் வாசனை கலாய்த்து ஏகப்பட்ட மீம்ஸ்கள் வைரலாகின.
அதே சமயம், ஐயப்பன் ராமசாமிக்கு ஃபயர் விட்டு கொண்டாடினர். இதனால் மன உளைச்சலில் இருந்த டிடிஎப் வாசன் தற்போது ஐயப்பன் ராமசாமியின் பெண்கள் குறித்தான பேச்சுக்கு பதிலடி கொடுத்து வீடியோ போட்டிருப்பது ட்ரெண்ட் ஆகியுள்ளது.
டிடிஎப் வாசன் அந்த வீடியோவில், ” கேவலம் பணத்துக்காக ஒருத்தரை பற்றி இழிவு படுத்தும் ஐயப்பன் ராமசாமிக்கு இனி மரியாதையே கிடையாது. வயசுக்கு கொடுக்கும் மரியாதையை அவர் இழந்து விட்டார். அவருக்கு ஆதரவாக இருக்கும் பெண்களையே சாப்ட்ருவாங்க என்று கேவலமாக பேசியுள்ளார் ஆனால் எந்த பெமினிசம் பேசும் ஒரு பெண் கூட அவருக்கு எதிராக குரல் கொடுக்கவில்லை… இதே வார்த்தையை நான் சொல்லி இருந்தால் உடனே வந்திருப்பார்கள்… இந்த மாதிரியான ஆட்களை விட்டுவிட்டு சின்ன சின்ன விதி மீறல்களுக்கு எல்லாம் என்னை போன்ற ஆட்கள் மீது நடவடிக்கை எடுக்கிறார்கள்… ஒருத்தன் அமுல் பேபி போல இருந்தால் உடனே அவனை பாலோவ் செய்யாதீர்கள்… ஒருத்தருடைய உழைப்பை பார்த்து அவரை பாலோவ் செய்தால் அது உதவியாக இருக்கும்… ஐயப்பன் ராமசாமியோட இன்டர்வியூவில் போட்டிருந்த அதே சட்டையை போட்டுகொண்டு அவர் மீது வெறியோடு இருக்கிறேன்… கையில் சிக்கினா மூஞ்சி, மொகரைய உடைப்பேன் அவ்வளோ வெறியில இருக்கேன்” என்று டிடிஎப் வாசன் ஆவேசமாக பேசி வீடியோ வெளியிட்டுள்ளார்.