தமிழ் சினிமா ரசிகர்கள் அதிகம் எதிர்பார்த்து காத்திருக்கும் ஒரு படம் ‘விடுதலை’. நீண்ட காலமாக தயாரிப்பில் இருந்த இப்படத்தின் படப்பிடிப்பு அண்மையில் முழுவதுமாக நிறைவடைந்தது. அதனை தொடர்ந்து படத்தின் ரிலீசுக்கான முழுவீச்சில் நடைபெற்றது. வெற்றிமாறன் இயக்கத்தில் இரண்டு பாகங்களாக உருவாகியுள்ள ‘விடுதலை’ படத்தின் முதல் பாகம் வரும் வெள்ளிக்கிழமை திரையரங்களில் வெளியாகவுள்ளது.
எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
தமிழ் சினிமாவில் பொறுத்தவரை சில இயக்குனர்களுக்கு மட்டுமே தனிப்பட்ட முறையில் ரசிகர்கள் உள்ளனர். அந்த வகையில் வெற்றிமாறனின் மேக்கிங் ஸ்டைலுக்கு தனியொரு ரசிகர்கள் பட்டாளமே உள்ளது. எப்படியாவது தங்களின் ஆஸ்தான நடிகர் இவரது இயக்கத்தில் ஒரு படத்திலாவது நடித்துவிட வேண்டும் என்று விரும்பும் ரசிகர்கள் இங்கு அதிகம்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அவரது இயக்கத்தில் தற்போது உருவாகியுள்ள படம் ‘விடுதலை’. தனுஷின் அசுரன் படத்தின் வெற்றிக்கு பிறகு சூரியை ஹீரோவாக்கி இந்தப்படத்தை இயக்கியுள்ளார் வெற்றிமாறன். விஜய் சேதுபதி முக்கியமான கதாபாத்திரம் ஒன்றில் நடித்துள்ளார். வெற்றிமாறனின் ‘விசாரணை’ படம் போலவே காவல்துறையால் அப்பாவி மக்கள் வேட்டையாடுவதை போல் இந்தப்படமும் உருவாக்கப்பட்டுள்ளது படத்தின் டிரெய்லரிலே தெரிகிறது.
ஜெயமோகனின் ‘துணைவன்’ நாவலை கொண்டு ‘விடுதலை’ படத்தை இயக்கியுள்ளார் வெற்றிமாறன்’ இசைஞானி இளையராஜா இசையமைத்துள்ள இந்தப்படத்தினை எல்ரெட் குமார் தயாரித்துள்ளார். நீண்ட காலமாக நடந்து வந்த ‘விடுதலை’ படப்பிடிப்பு அண்மையில் முழுவதுமாக நிறைவடைந்தது. இதனையடுத்து கடந்த சில வாரங்களுக்கு முன்பாக படத்தின் டிரெய்லர் மற்றும் இசை வெளியீட்டு விழா பிரம்மாண்டமாக நடைபெற்றது.
AK 62 Update: ‘ஏகே 62’ அறிவிப்பு வெளியாக போவது எப்போ தெரியுமா.?: இவரே சொல்லிட்டாரா.!
இந்நிலையில் இந்தப்படத்தின் சென்சார் குறித்த தகவல்கள் வெளியாகியுள்ளன. பொதுவாகவே வெற்றிமாறன் படத்தில் அதிகமான கெட்ட வார்த்தை வசனங்கள் இடம்பெறும். அது வேண்டுமென்ற திணிக்கப்பட்டதாக இருக்காமல், படத்தில் வரும் கதாபாத்திரங்கள் சகஜமாக பேசும் வசனங்களாகவே இருக்கும். அந்த வகையில் ‘விடுதலை’ படத்திலும் பல கெட்ட வார்த்தைகள் இடம்பெற்றுள்ளன.
அதனை சென்சார் குழு நீக்கியுள்ளது. இது சம்பந்தமான லிஸ்ட் தற்போது வெளியாகி இணையத்தில் வைரலாகி வருகிறது. இந்த கெட்ட வார்த்தைகளை நீக்கியும் படத்திற்கு 18 வயதுக்கு மேற்பட்டவர்கள் மட்டுமே பார்க்கும் வகையில் ‘ஏ’ வழங்கியுள்ளது சென்சார் நிறுவனம்’ இதனால் ‘விடுதலை’ படம் வடசென்னை போல் ராவாக இருக்கும் என ரசிகர்கள் எதிர்பார்க்கின்றனர். இந்தப்படத்தை தமிழ்நாடு முழுவதும் ரெட் ஜெயண்ட் மூவிஸ் நிறுவனம் வெளியிடவுள்ளது குறிப்பிடத்தக்கது.
Leo:கெளதம் மேனன் சொல்றதை பார்த்தா.. ‘லியோ’ படம் குறித்து வெளியான மாஸ் தகவல்.!