ரூ.100 கோடி பட்ஜெட்டில் உருவாகும் சிவகார்த்திகேயன் படம்
ரவிக்குமார் இயக்கத்தில் சிவகார்த்திகேயன் நடித்து சில ஆண்டுகளாக கிடப்பில் கிடந்த அயலான் படம் கடந்த பொங்கலுக்கு திரைக்கு வந்து 75 கோடி வரை வசூல் செய்தது. அதையடுத்து கமல்ஹாசன் தயாரிப்பில் ராஜ்குமார் பெரியசாமி இயக்கும் அமரன் படத்தில் நடித்துள்ளார் சிவகார்த்திகேயன். சாய்பல்லவி நாயகியாக நடித்திருக்கும் இந்த படத்தில் ராணுவ வீரர் முகுந்த் வரதராஜன் வேடத்தில் நடித்துள்ள சிவகார்த்திகேயன்.
இதையடுத்து ஏ.ஆர்.முருகதாஸ் இயக்கும் படத்தில் நடித்து வருகிறார். கன்னட நடிகை ருக்மினி வசந்த் நாயகியாக நடிக்கும் இந்த படத்தின் படப்பிடிப்பு தற்போது நடைபெற்று வருகிறது. இந்நிலையில் இந்த படம் ரூ.100 கோடிக்கும் அதிகமான பட்ஜெட்டில் தயாராகி வருவதாகவும், சிவகார்த்திகேயன் படங்களில் இது ஒரு மெகா படமாக இருக்கும் என்றும் ஏ.ஆர்.முருகதாஸ் வட்டாரங்களில் கூறுகிறார்கள். இந்த படத்திற்கு அனிருத் இசையமைக்கிறார்.