சிவகார்த்திகேயன்
நடிப்பில் அண்மையில் வெளியான ‘டாக்டர்’ படம் ரசிகர்களிடம் அமோக வரவேற்பினை பெற்றது. அதனை தொடர்ந்து அறிமுக இயக்குனர் சிபி சக்கரவர்த்தி இயக்கும் ‘
டான்
‘ படத்தில் நடித்து முடித்துள்ளார். இந்தப்படத்தின் பர்ஸ்ட் லுக் போஸ்டர் அண்மையில் வெளியாகி வரவேற்பை பெற்றது. இந்நிலையில் இந்தப்படத்தின் ரிலீஸ் குறித்த புதிய தகவல் தற்போது வெளியாகியுள்ளது.
‘டான்’ படத்தை அட்லியிடம் உதவி இயக்குனராக பணியாற்றிய சிபி சக்கரவர்த்தி இயக்குகிறார். இந்த படத்தில் சிவகார்த்திகேயன் மற்றும் சூரி ஆகிய இருவரும் கல்லூரி மாணவர்களாக நடிக்கின்றனர். பிரியங்கா அருள்மோகன் நாயகியாக நடிக்கும் இந்த படத்தில் புகழ், ஷிவாங்கி, எஸ்.ஜே.சூர்யா, காளி வெங்கட் உள்பட பலர் நடித்துள்ளனர்.
அனிருத் இசையமைத்துள்ள இந்த படத்தை லைக்கா நிறுவனத்துடன் இணைந்து சிவகார்த்திகேயன் புரொடேக்சன்ஸ் தயாரித்துள்ளது. அண்மையில் இந்தப்படத்தின் பர்ஸ்ட் சிங்கிள் வெளியானது. ‘டங்காமாரி ஊதாரி மற்றும் ஆலுமா டோலுமா பாடல்கள் புகழ் ரோகேஷ் எழுதிருந்த “ஜலபுலஜங்கு” பர்ஸ்ட் சிங்கிளை அனிருத் பாடியிருந்தார். இந்தப்பாடல் ரசிகர்கள் மத்தியில் அமோக வரவேற்பினை பெற்றுள்ளது.
முதன்முறையாக இணையும் ஜெயம் ரவி – கீர்த்தி சுரேஷ்: எந்த படத்துல தெரியுமா..?
முன்னதாக ‘டான்’ படம் மார்ச் மாதம் 25ஆம் தேதி திரையரங்குகளில் வெளியாகும் என்று படக்குழு அறிவித்திருந்தனர். பின்னர் அதே தேதியில் ராஜமெளலியின் ‘
ஆர் ஆர் ஆர்
‘ படமும் வெளியாகும் என்ற அறிவிப்பு வெளியானது. இதனால் ‘டான்’ படத்தின் ரிலீஸ் தேதியில் மாற்றம் இருக்கும் என்ற தகவல் வெளியாகின. இந்நிலையில் ‘டான்’ படம் வருகின்ற மே 13ம் தேதி உலகமெங்கும் வெளியாகும் என தற்போது அறிவிக்கப்பட்டுள்ளது.
இது தொடர்பாக லைகா வெளியிட்டுள்ள அறிவிப்பில், “இந்திய திரையுலகில் மிகப்பெரிய இயக்குனர் ராஜமவுலி அவர்கள் இயக்கத்தில் RRR திரைப்படம் மார்ச் 25 ஆம் தேதி வெளிவர இருக்கிறது, அதே தேதியில் சிவகார்த்திகேயன் நடித்த டான் படமும் வெளியாகும் என்று முன்னர் அறிவிக்கப்பட்டிருந்தது. பெரும் பொருட் செலவில் உருவாக்கப்பட்டுள்ள RRR திரைப்படம் வெளியாவதை கருத்தில்கொண்டு, டான் ரிலீஸ் தேதியை மாற்றுவதற்கு ஒப்புக்கொண்ட சிவகார்த்திகேயன் அவர்களுக்கு நன்றியை தெரிவித்துக் கொள்கிறோம்” என தெரிவித்துள்ளனர்.
வலிமை விமர்சனம்; அஜித் ரசிகர்களின் அட்டகாசம்!