பல ஆண்டுகள் கழித்து தன் அண்ணனும், குருவுமான
செல்வராகவன்
இயக்கத்தில் நடித்து வருகிறார் தனுஷ். அந்த படத்தில் அவர் இரட்டை வேடத்தில் நடிக்கிறார். ஹீரோவும், வில்லனும்
தனுஷ்
தான் என்று கூறப்பட்டது.
இந்நிலையில்
நானே வருவேன்
படத்தின் வில்லன் செல்வராகவன் என தகவல் வெளியாகியிருக்கிறது. தன் தம்பியுடன் சேர்ந்து நடிப்பதாக செல்வராகவன் தெரிவித்தார். ஆனால் இப்படி நடிப்பார் என்று யாருமே எதிர்பார்க்கவில்லை.
அண்ணனும், தம்பியும் மோதிக் கொள்ளும் காட்சிகள் எப்படி இருக்கப் போகிறதோ என்று தற்போதே ரசிகர்கள் பரபரப்பாக பேசத் துவங்கிவிட்டனர்.
கேமராவுக்கு பின்னால் மட்டுமே இருந்து வந்த செல்வராகவன் ஒரு சுபயோக சுபதினத்தில் நடிகராகிவிட்டார். அருண் மாதேஸ்வரன் இயக்கிய சாணிக் காயிதம் படத்தில் கீர்த்தி சுரேஷுடன் சேர்ந்து நடித்தார்.
Dhanush:தனுஷுக்கு எதிரான லதாவின் 3வது அஸ்திரமும் ஒர்க்அவுட்டாகிடுச்சு
மோகன் ஜி. இயக்கவிருக்கும் படத்தில் நடிக்கவிருக்கிறார். இந்நிலையில், தான் இயக்கும் படத்திலேயே வில்லனாக நடிக்க முடிவு செய்திருக்கிறார்.
செல்வராகவனை குருவாக பார்க்கும் தனுஷுக்கு அவருக்கு எதிராக நடிக்கும் அனுபவம் எப்படி இருக்குமோ என்கிறார்கள் ரசிகர்கள். முன்னதாக ஊட்டியில் படப்பிடிப்பு நடந்தபோது தனுஷின் மூத்த மகன் யாத்ரா அங்கு வந்திருந்தார்.
தன் மகனுடன் சேர்ந்து எடுத்த புகைப்படத்தை இன்ஸ்டாகிராமில் வெளியிட்டிருந்தார் தனுஷ். நானே வருவேன் தவிர்த்து வெங்கி அட்லுரி இயக்கத்தில் வாத்தி படத்திலும் நடித்து வருகிறார் என்பது குறிப்பிடத்தக்கது.