இந்தியாவில் தனது தயாரிப்புகளை வெளியிட்டு, பயனர்களை கவர்ந்து வைத்திருக்கும் சீன நிறுவனமான Xiaomi புதிய பிளாக்ஷிப் ஸ்மார்ட்போனை அறிமுகம் செய்யவுள்ளது. ஏற்கனவே சந்தையில் இருக்கும் Flagship ஸ்மார்ட்போன்களுக்கு இதன் வெளியீடு கடும் நெருக்கடியைக் கொடுக்கும் என எதிர்பார்க்கப்படுகிறது.
சமீபத்தில் நிறுவனம் வெளியிட்ட நோட் 10 சீரிஸ் நல்ல வரவேற்பைப் பெற்றது. இந்த நேரத்தில் புதிய Mi Pad 5 டேப்லெட்டையும் சியோமி இந்தியாவில் இந்த வாரம் வெளியிட உள்ளது. இதற்கிடையில் இந்த புதிய Flagship ஸ்மார்ட்போன் வெளியீடு குறித்து நிறுவனம் டீஸ் செய்துள்ளது.
ஷூவில் கேமரா; போன் சார்ஜர் – Ixigo அறிமுகம் செய்த ஸ்மார்ட் ஷூஸ்!
சியோமி 12 ப்ரோ அம்சங்கள் (Xiaomi 12 Pro Specifications)
புதிய சியோமி ஸ்மார்ட்போனில் 6.73″ இன்ச் WQHD+ (1,440×3,200 pixels) E5 AMOLED டிஸ்ப்ளே கொடுக்கப்பட்டுள்ளது. இது 1500 nits வரை பீக் பிரைட்னஸை ஆதரிக்கிறது. மேலும், 120Hz ரெப்ரெஷ் ரேட், 480Hz டச் சாம்பிளிங் ரேட் ஆகிய ஆதரவையும் இந்த டிஸ்ப்ளே கொண்டுள்ளது.
மேலும் இதன் டிஸ்பிளே குறைந்த வெப்பம் கொண்ட polycrystalline oxide backplane தொழில்நுட்பத்தில் உருவாக்கப்பட்டது என்பது குறிப்பிடத்தக்கது.
இந்த போனில் இயக்க பிளாக்ஷிப்
Qualcomm Snapdragon
8 Gen 1 SoC புராசஸர் நிறுவப்பட்டுள்ளது. லேட்டஸ்ட்
Android 12
அடிப்படையிலான MIUI 13 ஸ்கின் மூலம் இந்த ஸ்மார்ட்போன் இயங்குகிறது. சூப்பர் பவர்புல் கேமராவை இந்த ஸ்மார்ட்போன் கொண்டுள்ளது.
காசே இல்லாம IRCTC ரயில் டிக்கெட்! பேடிஎம் அதிரடி!
பின்பக்கம் முதன்மை சென்சாராக Sony IMX707 கொண்ட 50MP மெகாபிக்சல் OIS கேமரா, 50MP மெகாபிக்சல் போட்ரெய்ட் சென்சார், 50MP மெகாபிக்சல் அல்ட்ரா வைட் சென்சார் ஆகியவை கொண்ட டிரிப்பிள் கேமரா அமைப்பைக் கொண்டுள்ளது. செல்பி மற்றும் வீடியோ அழைப்புகளுக்காக 32MP மெகாபிக்சல் கேமரா கொடுக்கப்பட்டுள்ளது.
சியோமி 12 ப்ரோ இதர அம்சங்கள் மற்றும் எதிர்பார்க்கப்படும் விலை (Xiaomi 12 Pro Price in India)
திசைகாட்டி, ப்ராக்ஸிமிட்டி, அக்செலெரோமீட்டர், சுற்றுப்புற ஒளி, கைரோஸ்கோப் ஆகிய சென்சார்கள் இந்த ஸ்மார்ட்போனில் கூடுதல் அம்சமாகப் பார்க்கப்படுகிறது. வைஃபை 6, ப்ளூடூத் 5.2, ஜிபிஎஸ், ஓடிஜி, எப்.எம், 3.5mm ஜாக், NFC ஆகிய இணைப்பு ஆதரவுகளையும் இந்த போன் கொண்டுள்ளது. 4,600mAh திறன் கொண்ட பேட்டரியுடன் வரும் இந்த ஸ்மார்ட்போனை ஊக்குவிப்பதற்காக Superfast 120W Sonic சார்ஜிங் ஆதரவு வழங்கப்பட்டுள்ளது.
மேலும் படிக்க:
oneplus 10 pro: பிரீமியம் OnePlus போன் அறிமுகம் – விலை மற்றும் அம்சங்கள்!
LPDDR5 ரேம் ஆதரவு, UFS 3.0 ஸ்டோரேஜ் மெமரி கொண்ட இந்த ஸ்மார்ட்போனின் 8GB+128GB வேரியண்டின் விலை ரூ.49,999ஆகவும், 8GB+256GB வேரியண்டின் விலை ரூ.52,999ஆகவும், 12GB+256GB வேரியண்டின் விலை ரூ.56,999ஆகவும் இந்திய மதிப்பில் விலை நிர்ணயம் செய்யப்படும் என எதிர்பார்க்கப்படுகிறது.
மி பேட் 5 உடனோ அல்லது தனியாகவோ இந்த ஸ்மார்ட்போன் அறிமுகப்படுத்தப்படலாம். Xiaomi India மற்றும் Amazon India ஆகியவற்றில் இந்த ஸ்மார்ட்போன் விற்பனைக்காக பட்டியலிடப்படும் என எதிர்பார்க்கப்படுகிறது.
அடுத்த செய்திவெறும் 4000 ரூபாய்க்கு Realme ஸ்மார்ட் டிவி – அதிரடி தள்ளுபடி விற்பனை!