வெங்கி அட்லுரி
இயக்கத்தில்
தனுஷ்
நடித்து வரும் படம் வாத்தி. தமிழில்
வாத்தி
என்றும், தெலுங்கில் சார் என்றும் உருவாகி வருகிறது.
தனுஷ் முதல்முறையாக நடிக்கும் நேரடி தெலுங்கு படமாகும். வாத்தியின் இயக்குநர் வெங்கி அட்லுரிக்கு இன்று பிறந்தநாள்.
இதையடுத்து வெங்கி அட்லுரியை வாழ்த்தி ட்வீட் செய்துள்ளார் தனுஷ். வாத்தி படப்பிடிப்பு தளத்தில் தான் வெங்கி அட்லுரியுடன் இருக்கும் புகைப்படத்தை வெளியிட்டிருக்கிறார்.
காலையில் இருந்தே வெங்கி அட்லுரியை தனுஷ் ரசிகர்கள் வாழ்த்திக் கொண்டிருக்கிறார்கள். வெங்கியை வாழ்த்தி ஒரு புகைப்படத்தை தனுஷ் வெளியிட்டால் நன்றாக இருக்குமே என்றார்கள் ரசிகர்கள். அவர்கள் ஆசைப்பட்டது போன்றே ட்வீட் செய்துவிட்டார் தனுஷ். அவர் ட்வீட் போட்ட வேகத்தில் அதற்கு லைக்ஸுகள் வந்து குவியத் துவங்கிவிட்டது.
வாத்தி படத்தில் தனுஷுக்கு ஜோடியாக சம்யுக்தா மேனன் நடிக்கிறார். இந்த படத்தில் தனுஷின் கெட்டப்பை பார்த்தால் சின்ன பையன் போன்று இருப்பதாக ரசிகர்கள் தெரிவித்துள்ளனர்.
தனுஷுக்கு மாணவனாக அசுரன் படத்தில் அவருக்கு மகனாக நடித்த கென் கருணாஸ் நடிக்கிறாராம். வாத்தி படத்தை ரசிகர்கள் பெரிதும் எதிர்பார்க்கிறார்கள்.
இதற்கிடையே இந்த படத்தையும் ஓடிடியில் வெளியிட்டுவிடாதீர்கள் என தயாரிப்பு தரப்பை கேட்டுக் கொண்டுள்ளார்கள் ரசிகர்கள்.
சத்தமில்லாமல் லதா செய்த காரியம்: 1 ஓவர், 3…
அடுத்த செய்திவிஜய் ஹீரோயினை காதலிக்கும் கொல்கத்தா நைட்ரைடர்ஸ் அணி வீரர்?