‘மாஸ்டர்’ படத்தின் வெற்றியை தொடர்ந்து தற்போது
கமல்ஹாசன்
நடிப்பில் ‘
விக்ரம்
‘ படத்தை இயக்கி முடித்துள்ளார்
லோகேஷ் கனகராஜ்
. கடந்த ஆண்டு துவங்கிய இதன் படப்பிடிப்பு சென்னை, பாண்டிச்சேரி உள்ளிட்ட பகுதிகளில் நடைபெற்றது. இந்நிலையில் ஜுன் மாதம் வெளியாகவுள்ள ‘விக்ரம்’ படத்தின் வெளியீட்டு பணிகளில் மும்முரமாக இறங்கியுள்ளனர் படக்குழுவினர்.
‘மாநகரம்’ படத்தின் மூலம் தமிழ் சினிமாவில் இளம் இயக்குனராக அறிமுகமானவர் லோகேஷ். முதல் படத்திலே விமர்சனரீதியாக வரவேற்பை பெற்ற லோகேஷ், இரண்டாவது படமாக கார்த்தி நடிப்பில் ‘கைதி’ படத்தை இயக்கினார். முழுக்க முழுக்க ஆக்ஷன் சென்டிமென்ட் கலந்து உருவான இந்தப்படத்தில் ஒரு பாடல் கூட இடம்பெறவில்லை. லோகேஷின் தனித்துவமான இயக்கத்தில் வெளியான இந்தப்படம் மெஹா ஹிட் அடித்தது.
அதனை தொடர்ந்து விஜய் நடிப்பில் வெளியான ‘மாஸ்டர்’ படத்தை இயக்கினார். இந்தப்படமும் பாக்ஸ் ஆபிஸில் கலக்கியது. இந்நிலையில் தற்போது ‘விக்ரம்’ படத்தை இயக்கி முடித்துள்ளார். கமல் படங்களை பார்த்தே நான் சினிமாவிற்கு வந்தேன் என வெளிப்படையாக கூறிய தீவிர ரசிகரான லோகேஷின் இயக்கத்தில் கமல் நடித்துள்ளது ரசிகர்கள் மத்தியில் மிகப்பெரிய எதிர்பார்ப்பினை ஏற்படுத்தியுள்ளது.
‘பீஸ்ட்’ படத்தை கழுவி ஊற்றிய ப்ளூ சட்டை மாறன்: செம்ம கடுப்பில் தளபதி ரசிகாஸ்..!
இந்நிலையில் விஜய்யின் ‘பீஸ்ட்’ மற்றும் யாஷின் ‘கே.ஜி.எஃப் 2’ பட ரிலீஸ் பாக்ஸ் ஆபிஸில் கலக்கி வருகிறது. இதனை தொடர்ந்து கமலின் ‘விக்ரம்’ படம் பல மொழிகளில் வெளியாக இருக்கிறது. இதனால் இப்போதிலிருந்தே பல ரிலீசுக்கான பணிகளில் மும்முரமாக இறங்கியுள்ளனர் படக்குழுவினர். ஜுன் 3 ஆம் தேதி படம் ரிலீஸ் ஆக உள்ளதால் ‘விக்ரம்’ படத்திற்கான கவுண்ட் டவுன் துவங்கியுள்ளது.
கமல் நடிப்பில் உருவாகியுள்ள ‘விக்ரம்’ படத்தில் மாஸ்டரில் லோகேஷுடன் பணியாற்றிய
விஜய் சேதுபதி
, நரேன், அர்ஜுன் தாஸ் உள்ளிட்டோரும் இந்தப்படத்தில் நடிக்கின்றனர். இவர்களுடன் முக்கிய வேடத்தில்
பகத் பாசில்
நடித்துள்ளார். ஜுன் 3 ஆம் தேதி வெளியாகவுள்ள ‘விக்ரம்’ படத்தின் ரிலீஸ் உரிமையை உதயநிதி ஸ்டாலினின் ரெட் ஜெயண்ட் மூவிஸ் நிறுவனம் கைப்பற்றியுள்ளது குறிப்பிடத்தக்கது.
Beast க்கு விஜய் கொடுத்த பூஸ்ட்; மனம் திறக்கும் நெல்சன்!