புகையிலை விளம்பரத்தில் நடிக்க மறுத்த அல்லு அர்ஜுன்
தமிழ் சினிமாவின் முன்னணி ஹீரோக்களான அஜித், விஜய் போல விளம்பர படங்களில் நடிப்பதில் இருந்து ஒதுங்கிராமல், மகேஷ்பாபு, அல்லு அர்ஜுன் உள்ளிட்ட தெலுங்கு திரையுலகின் முன்னணி நடிகர்கள் விளம்பர படத்தில் நடிப்பதில் ஆர்வம் காட்டி வருகின்றனர். அந்தவகையில் ரெட் பஸ். ராபிடோ என போக்குவரத்து சம்பந்தமான விளம்பரங்களில் நடித்து வந்த அல்லு அர்ஜுனை தேடி மிகப்பெரிய நிறுவனம் ஒன்று தங்களது புகையிலை தயாரிப்பு ஒன்றின் விளம்பரப்படத்தில் நடிப்பதற்காக அணுகியுள்ளனர். இதற்காக கோடிகளில் சம்பளம் தரவும் அவர்கள் தயாராக இருந்தனர்..
ஆனால் இரண்டாவது யோசனைக்கே இடம் தராமல் அந்த விளம்பரத்தில் நடிக்க மறுத்து விட்டார் அல்லு அர்ஜுன். காரணம் இந்த விளம்பரத்தில் நடித்து அந்த புகையிலை தயாரிப்பை விளம்பரப்படுத்தினால் தனது ரசிகர்களே அவற்றை அதிகம் பயன்படுத்துவதற்கு தானே வழி அமைத்து கொடுத்தது போல ஒரு தவறான முன்னுதாரணமாக ஆகிவிட கூடாது என்பதில் உறுதியாக இருந்ததால் இதில் நடிக்க மறுத்துவிட்டாராம் அல்லு அர்ஜுன்.