இந்த ஆண்டின் கோடை காலம் தொடங்கிவிட்டது. முன்பை விட வெப்பம் அதிகளவில் உணரப்படுகிறது. இதனைத் தணிக்க மின்விசிறி, ஏசி, ஏர் கூலர்கள் உதவுகின்றன. கடந்த சில நாட்களாக பல நகரங்களில் வெப்பச் சலனம் நிலவுகிறது.
வெப்பத்தை தணிக்க மக்கள் ஏசியை நாடிச் செல்கின்றனர். சந்தையில் பல தரத்தில் ஏசிக்கள் விற்கப்படுகிறது. இருப்பினும், இதன் செலவு வாங்குவதோடு நின்று விடுவதில்லை. அதன் பிறகு நம் பயன்பாட்டைப் பொறுத்து அதிகளவிலான மின்கட்டணத்தை செலுத்த வேண்டி இருக்கும். அதுமட்டும் இல்லாமல் பராமரிப்புக்காக பெரும் தொகையை செலவிட வேண்டிவரும்.
கோடையில் நாள் முழுவதும் ஏசி ஓடுவதால் மின் கட்டணம் அதிகமாக வரும். அதாவது, கோடைக் காலங்களில் ஏசி பயன்பாட்டிற்காக மாதம் நாம் கூடுதலாக ரூ.5000 வரை மின் கட்டணத்திற்காக செலவிட வேண்டி இருக்கும். இந்த சூழலில், மின்சாரம் இல்லாமல் இயங்கும் சில நல்ல ஏசிக்கள் சந்தையில் உள்ளன. அவை குறித்து தான் இன்று நாம் பார்க்கப் போகிறோம்.
அடிக்குற வெயிலுக்கு ஏசி வேணும் தான் – அதுக்காக இதெல்லாம் தெஞ்சுக்காம இருக்கக் கூடாது!
சோலார் ஏசி வாங்கலாமா?
சந்தையில் சிறந்த சோலார் ஏசிக்கள் கிடைத்தாலும், அவற்றின் விலை சாதாரண ஏசியை விட சற்று அதிகமாக இருக்கும். இந்த சோலார் குளிர்சாதனப் பெட்டிகள் சூரிய சக்தியில் வேலை செய்கிறது. இத்தகைய ஏசிகள் மின்சாரத்தில் இயங்குவதற்குப் பதிலாக சோலார் பேனல்களால் உருவாக்கப்படும் சூரிய ஆற்றலில் வேலை செய்கின்றன.
சோலார் ஏசிகளும் வழக்கமான ஏசிகளைப் போலவே செயல்படும். இருப்பினும், இது அதிக மின்சார சேமிப்பினை நமக்கு வழங்குகிறது. சாதாரண ஏசிக்களை மின்சாரம் இருந்தால் மட்டுமே பயன்படுத்த முடியும். ஆனால், சோலார் ஏசியை பொருத்தவரை மூன்று வழிகளில் நம்மால் பயன்படுத்த முடியும். சோலார் பவர், சோலார் பேட்டரி, சாதாரண மின்சாரம் மூலம் இதைப் பயன்படுத்தலாம்.
மின்வெட்டை சமாளிக்க இன்வெர்ட்டர் வாங்க போறீங்களா? அப்டினா இத தெரிஞ்சுக்கோங்க!
சோலார் ஏசியின் விலை எவ்வளவு?
சோலார் ஏசிகள் சந்தையில் குறைந்த அளவே உள்ளன. இருப்பினும், அவை சில இணையதளங்களில் பட்டியலிடப்பட்டுள்ளன. சோலார் ஏசியின் விலை சாதாரண ஏசியைப் போலவே அதன் திறனைப் பொறுத்து மாறுபடும். சோலார் ஏசிக்கு சுமார் ரூ.99,000 செலவழிக்க வேண்டியிருக்கும்.
Kenbrook Solar
நிறுவனத்தின், ஒரு டன் கொள்ளளவு கொண்ட ஏசி, சுமார் ரூ.99,000க்கு கிடைக்கின்றன. 1.5 டன் எடை கொண்ட ஏசி ரூ.1.39 லட்சம் விலையில் கிடைக்கிறது. வழக்கமான ஏசியை விட இவற்றின் விலை சற்று அதிகம் தான். இருப்பினும், நீங்கள் அவற்றை பல ஆண்டு காலம் எளிதாகப் பயன்படுத்தலாம்.
இதற்கிடையில், சோலார் ஏசியில் அதிக பணம் செலவழிக்க விரும்பவில்லை என்றால், ஈ-காமர்ஸ் தளங்களில் கிடைக்கும் போர்ட்டபிள் மினி ஏசியை வாங்கலாம். இந்த போர்ட்டபிள் ஏசிகளின் விலை ரூ.1,000 முதல் ரூ.1,500 வரை இருக்கும். இருப்பினும், இந்த ஏசிகள் எவ்வளவு காலம் நீடிக்கும் என்பதற்கு எந்த உத்தரவாதமும் இல்லை.
மேலதிக செய்திகள்:
Elon Musk: சம்பளத்தில் கைவைத்த எலான் மஸ்க் – ட்விட்டரில் அதிரடி மாற்றங்கள்!
Russia Ukraine News: ட்ரோன் பயன்படுத்த வேண்டாம் – DJI நிறுவனம்
Xiaomi 12 Pro 5G: பிளாக்ஷிப் போன் விலை இவ்வளவு தானா