விவோ
நிறுவனத்தின் புதிய ஸ்மார்ட்போன் வெளியீடு, பயனர்கள் மத்தியில் பெரும் எதிர்பார்ப்பை கிளப்பியுள்ளது. தங்களில் பிரீமியம் பிளாக்ஷிப் ஸ்மார்ட்போன்களில், எப்போதும் கேமராவை தரமாகத் தரும் விவோ, இந்த முறை ஒருபடி மேலாகச் சென்று Carl Zeiss ஆப்டிக்ஸ் நிறுவனத்துடன் கூட்டு சேர்ந்துள்ளது.
மே 18 ஆம் தேதி வெளியாக இருக்கும் Vivo X80 ஸ்மார்ட்போனின் கேமரா தரத்தை மேம்படுத்த, சிறந்த கேமரா லென்ஸுகளை தயாரிக்கும், பிரபல ஜெர்மன் நிறுவனமான Carl Zeiss உடன் கூட்டணி அமைத்துள்ளது. தங்களின் புதிய ஸ்மார்ட்போன் மூலம், சினிமா தரத்திலான படங்களை எடுக்க முடியும் என நிறுவனம் விளம்பரப்படுத்தி வருகிறது.
விவோ இரண்டு வேரியண்டில் புதிய போனை அறிமுகம் செய்கிறது. ஒன்று X80 மற்றொன்று X80 Pro ஆக இருக்கும். இரண்டிலும் வெவ்வேறு கேமரா மற்றும் சிப்செட்டுகள் கொடுக்கப்பட்டிருக்கும். Hasselblad கேமரா உடன் வெளியான ஒன்பிளஸ் 10 ப்ரோ ஸ்மார்ட்போனுடன் சந்தையில் நேரடியாக இந்த ஸ்மார்ட்போன் மோதிக்கொள்ளும். இருப்பினும், இரண்டு நிறுவனங்களும் BBK எனும் ஒரு குடையின் கீழ் வருவது குறிப்பிடத்தக்கது.
Starlink Broadband: 32 நாடுகளில் தடம் பதித்த ஸ்டார்லிங்க் – இந்தியாவுக்கு எப்போது?
விவோ எக்ஸ் 80 அம்சங்கள் (Vivo X80 Specifications)
புதிய விவோ பிளாக்ஷிப் போனில் 6.7″ இன்ச் 120Hz ரெப்ரெஷ் ரேட் கொண்ட AMOLED டிஸ்ப்ளே இருக்கும். ஆண்ட்ராய்டு 12 அடிப்படையிலான ஸ்கின் இதில் நிறுவப்பட்டிருக்கும். மீடியாடெக் டிமென்சிட்டி 9000 புராசஸர் (MediaTek Dimensity 9000 SoC) இதில் கொடுக்கப்படலாம்.
விவோ எக்ஸ் 80 கேமராவைப் பொருத்தவரை, 50MP மெகாபிக்சல் முதன்மை சென்சார், 12MP மெகாபிக்சல் அல்ட்ரா வைட் லென்ஸ், 12MP மெகாபிக்சல் மேக்ரோ லென்ஸ் ஆகியவை கொண்ட டிரிப்பிள் ரியர் கேமரா அமைப்பு உள்ளது. 32MP மெகாபிக்சல் செல்பி கேமரா கொடுக்கப்பட்டுள்ளது.
இந்த ஸ்மார்ட்போனை சக்தியூட்ட 4,500mAh பேட்டரியும், அதனை ஊக்குவிக்க 80W வாட் பாஸ்ட் சார்ஜிங் ஆதரவும் இதனுடன் வருகிறது. மே 18 ஆம் தேதி இரண்டு வேரியண்டுகளும் வெளியாகும் என்று எதிர்பார்க்கப்படுகிறது. Nokia நிறுவனத்திற்கு பிறகு பிளாக்ஷிப் கேமராக்களை
Carl Zeiss Lens
உடன் விவோ நிறுவனம் கொண்டுவருவது குறிப்பிடத்தக்கது.
WhatsApp Warning: மோசடியில் இது புதுசு – எச்சரிக்கும் வாட்ஸ்அப்?
விவோ எக்ஸ் 80 ப்ரோ அம்சங்கள் (Vivo X80 Pro Specifications)
அளவுடன் சில அம்சங்கள் விவோ எக்ஸ் 80 ஸ்மார்ட்போனை ஒத்ததாகவே எக்ஸ் 80 ப்ரோ உள்ளது. எனினும், இந்த ஸ்மார்ட்போனில் மீடியாடெக் புராசஸருக்கு பதிலாக ஸ்னாப்டிராகன் 8 ஜென் 1 (Snapdragon 8 Gen 1) சிப்செட் இதில் கொடுக்கப்படலாம்.
மேலும் கேமராவைப் பொருத்தவரை ப்ரோ வெர்ஷனில், 50MP மெகாபிக்சல் முதன்மை சென்சார், 48MP மெகாபிக்சல் அல்ட்ரா வைட் சென்சார், 12MP மெகாபிக்சல் போர்ட்ரேட் லென்ஸ் கிம்பல் ஸ்டெபிலைசேஷனுடன் டிரிப்பிள் ரியர் கேமரா அமைப்பு கொடுக்கப்பட்டுள்ளது.
இந்த பெரிஸ்கோப் கேமராவுடன் 60X வரை சூம் செய்ய முடியும் என்று விவோ கூறுகிறது. செல்பி, வீடியோ அழைப்புகளுக்காக அதே 32MP மெகாபிக்சல் கேமரா வழங்கப்படும்.
Maadhaar App: கைக்குள் அனைத்தும் இருக்க கவலை ஏன்? எளிதாக ஆதார் கார்டு அப்டேட் செய்யலாம்!
விவோ எக்ஸ் 80 சீரிஸ் விலை
இந்த முறை விலையை சற்று கவனமாக விவோ நிர்ணயிக்கும் என்று எதிர்பார்க்கப்படுகிறது. அதன்படி, விவோ எக்ஸ் 80 விலை சுமார் ரூ.37,000 சுற்றியும், எக்ஸ் 80 ப்ரோ விலை சுமார் 50ஆயிரம் ரூபாயை ஒட்டி இருக்கலாம் எனவும் தகவல்கள் கிடைத்துள்ளது.