Clean Coast: கடற்கரை என்பது மக்கள் மனதில் பின்னிப்பிணைந்துள்ள ஒரு பொழுதுபோக்கு இடம். பணம் படைத்தவர் முதல் ஏழை மக்களுக்கு நிம்மதி தேடித்தரும் இடமாகவும் கடற்கரை உள்ளது.
இங்கு வரும் மக்கள் சில நேரங்களில் கடலில் இறங்கி குளிப்பதுண்டு. ஆனால், அவர்கள் நீரின் தரம் குறித்து ஒருபோதும் சிந்தித்தது கிடையாது. அப்படியிருக்க, இதனை சரிசெய்யும் பொருட்டு தேசிய கடலோர ஆய்வு மையம் (NCCR) சுத்தமான கடற்கரை (Clean Coast App) எனும் செயலியை அறிமுகம் செய்துள்ளது.
Useful Apps: இந்தியர்கள் இந்த 5 செயலிகளை வைத்திருப்பது அவசியம்!
இந்த செயலியின் உதவியுடன் மக்கள் பல தகவல்களை தெரிந்து கொள்ள முடியும். மிக முக்கியமாக கடல் நீர் தற்போது குளிப்பதற்கு உகந்ததாக இருக்குமா என்று நிகழ் நேரத்தில் அறிந்து கொள்ளலாம். இதற்காக Buyos என்ற கருவி பயன்படுத்தப்படுகிறது.
Buyos என்றால் என்ன?
Buyos என்பது ஒரு மிதவைப் பொருளாகும். கடற்படையினரை வழிநடத்த அல்லது எச்சரிக்க, நீரில் மூழ்கிய பொருட்களின் நிலைகளைக் குறிக்க அல்லது நீரின் தரம் என அனைத்தையும் கண்காணிக்கும் ஒரு மிதவை பொருளாகும்.
சென்னை மெரினாவில் பயன்படுத்தப்படுவது சூரிய மின்சக்தியால் இயங்கும் நீரின் தரத்தை அறியும் மிதவை என்பது குறிப்பிடத்தக்கது. மெரினா கடற்கரையில் இருந்து 2 கிலோமீட்டர் கடல் தொலைவிற்குள் 10 மீட்டர் ஆழத்தில் இது நிறுவப்பட்டுள்ளது.
Aadhaar Card: ஆதார் அட்டையில் உள்ள புகைப்படம் பிடிக்கவில்லையா? இப்படி செய்தால் மாற்றலாம்!
சூரிய சக்தியில் இயங்கும் நீரின் தர மிதவைகள் முதலில் சென்னை கடற்கரையில் பயன்படுத்தப்பட்டு, நீரின் வெப்பநிலை, உப்புத்தன்மை, கரைந்த ஆக்ஸிஜன், pH மற்றும் குளோரோபில் போன்றவைகளை அளவிடுகின்றன.
இது நீரோட்டங்கள், அலைகளின் வேகம் மட்டுமில்லாமல், வளிமண்டல வெப்பநிலை, ஈரப்பதம், காற்றின் வேகம் மற்றும் திசை போன்றவைகளையும் அளவிடுகிறது.
கிளீன் கோஸ்ட் ஆப் (Clean Coast App)
இந்த மிதவை அளிக்கும் தகவல்கள் அனைத்து கிளவுட் சர்வரில் சேமிக்கப்பட்டு, Clean Coast தரவுகளில் தானாக அப்டேட் ஆகிவிடும். இதன் காரணமாக, இந்த செயலியை பயன்படுத்தி மக்கள் நீரின் தரத்தை குறித்து நிகழ் நேரத்தில் தெரிந்து கொள்ள முடியும்.
செய்திகளை உடனுக்குடன் படிக்க கூகுள் நியூஸ் ‘சமயம் தமிழ்’ பக்கத்தை பின் தொடருங்கள்
மேலும், இந்திய வானிலை ஆய்வு மையம் வழங்கும் எச்சரிக்கைகள், வழிகாட்டுதல்கள் போன்றவற்றையும் உடனுக்குடன் இந்த செயலியின் மூலம் அறிந்து கொள்ளலாம். பொழுதுபோக்கு எவ்வளவு முக்கியமோ, அதே அளவுக்கு உடல் நலமும் முக்கியமல்லவா!
இந்த செயலி குறித்த உங்களின் கருத்துகளை கீழே கொடுக்கப்பட்டுள்ள கமெண்ட் பாக்ஸின் பதிவிடுங்கள். இதுபோன்ற டெக் செய்திகளைப் படிக்க, சமயம் தமிழ் டெக் பக்கத்துடன் இணைந்திருங்கள்.