eSIM: ஆப்பிள் உங்கள் ஐபோன் உடன் இ-சிம் வசதியை வழங்குகிறது. அதன் பிறகு சாம்சங் தங்கள் பிரீமியம் போன்களில் இ-சிம் கார்டை ஆதரிக்கிறது. போனில் நிறுவப்பட்டுள்ள மென்பொருளால் இ-சிம் கார்டுகள் செயல்படுகிறது.
இதற்காக தனியாக சிம் கார்டு வாங்க வேண்டும் என்று தேவையில்லை. முன்பு இ-சிம் கார்டை மாற்றுவது பெரிய விஷயமாக இருந்தது. ஆனால், இப்போது அதை எளிதில் செய்ய முடியும்.
ஆப்பிள் நிறுவனம் தனது புதிய ஐஓஎஸ் 16 இயங்குதளத்துடன், எளிதாக eSIM பரிமாற்றும் வசதியை அறிமுகம் செய்துள்ளது. இப்போது நீங்கள் உங்கள் ஐபோனின் eSIM-ஐ ப்ளூடூத் வழியாக மாற்றலாம்.
Common Passwords: மிகவும் ஆபத்தான 50 பாஸ்வேர்டுகள் – யார் வேண்டுமானாலும் ஹேக் செய்யலாம்!
வழக்கமாக புதிய போன் வாங்கும்போது, சிம் கார்டை எடுத்து மாற்ற வேண்டும். இப்போது சிம் கார்டை மாற்றாமல் தேவையான நெட்வொர்க்கை போனுடன் இணைக்கலாம்.
eSIM ஐ எவ்வாறு மாற்றுவது?
ஐஓஎஸ் 16 உடன் புளூடூத் வழியாக இ-சிம் பரிமாற்ற வசதியை ஆப்பிள் அறிமுகப்படுத்தியுள்ளது. இந்த அம்சம் iOS 16 இயங்குதள பதிப்பும் அதற்கு பின் அறிமுகம் செய்யப்படும் இயங்குதள பதிப்புகளில் கிடைக்கும்.
Rummy Online: மக்களுக்கு பொறி வைக்கும் ஆன்லைன் ரம்மி விளையாட்டுகள்!
iOS 16 உடன், ஆப்பிள் நிறுவனம் தனது ஐபோன் சிம் நெட்வொர்குகளுக்கு இரண்டு விருப்பங்களை வழங்குகிறது. முதலாவது ப்ளூடூத் வழியாக ஐபோனுக்கு இ-சிம்மை மாற்றுவது. இரண்டாவது இ-சிம்மிற்கான குறியீட்டை உங்கள் டெலிகாம் நிறுவனத்திடம் கேட்பது.
Indian Railways: இனி ரயிலில் நிம்மதியாகத் தூங்கலாம் – இந்தியன் ரயில்வே உங்களை எழுப்பி விடும்..!
iOS 16 உடன் புதிய ஐபோனை அமைக்கும் போது, செட்டப் செல்லுலார் என்ற அமைப்பு இருக்கும். இதில், eSIM கார்டு பரிமாற்றத்திற்கான ப்ளூடூத் மற்றும் QR குறியீட்டின் விருப்பத்தைப் பெறுவீர்கள். இந்த விருப்பங்களில் ஏதேனும் ஒன்றை நீங்கள் தேர்வு செய்யலாம்.
இ-சிம் என்றால் என்ன?
இதுவும் ஒருவகை சிம் கார்டுதான். ஆனால், ஏற்கனவே ஸ்மார்ட்போனின் சிப்செட்டில் பொருத்தப்பட்டிருக்கும். இந்த சிம் கார்டை நீங்கள் வெளியே எடுக்கவோ, மாற்றவோ முடியாது என்பது நினைவுகூரத்தக்கது. அதாவது, நீங்கள் ஒரு ஸ்மார்ட்போனை வாங்குவதற்கு முன்னரே அதனுள் இந்த இ-சிம் பொருத்தப்பட்டிருக்கும்.
செய்திகளை உடனுக்குடன் படிக்க கூகுள் நியூஸ் ‘சமயம் தமிழ்’ பக்கத்தை பின் தொடருங்கள்
இ-சிம்மின் மிகப்பெரிய நன்மை என்னவென்றால், உங்கள் சிம் நிறுவனத்தை மாற்ற விரும்பினால், நீங்கள் சிம் கார்டை மாற்ற வேண்டியதில்லை. உங்களுக்குத் தேவையான மொபைல் ஆபரேட்டரை இதில் இணைத்துக் கொண்டால் போதுமானது.