POCO F4 5G Launch Date: போக்கோ நிறுவனம் முதலில் வெளியிட்ட போன்கள் நல்ல வரவேற்பைப் பெற்ற நிலையில், நிறுவனம் தொடர்ந்து இந்திய சந்தையில் பல தயாரிப்புகளை அறிமுகம் செய்துவருகிறது. அந்த வகையில் ஜூலை 23, 2022 அன்று புதிய போக்கோ எஃப்4 5ஜி போன் அறிமுகமாகிறது.
இதில் பல அதிரடி சிறப்பம்சங்கள நிறுவனம் சேர்த்துள்ளது. எஃப் தொகுப்பு எப்போது பட்ஜெட் பிரீமியம் போனாக இருக்கும் என்று பயனர்களுக்கு நம்பிக்கை இருக்கும். அந்த நம்பிக்கையை போக்கோ சிதைக்காது என்ற எதிர்பார்க்கப்படுகிறது.
விரைவில் இந்திய சந்தையில் கொண்டுவரப்படும் இந்த ஸ்மார்ட்போனின் விலை விவரங்கள் தெரியவந்துள்ளது. அதன்படி, இந்தியாவில் ரூ.25,000க்கும் குறைவான விலையில் இந்த மொபைல் வெளியாகும் என எதிர்பார்க்கப்படுகிறது.
Nothing Phone (1): லைட் எல்லாம் மின்னுது… வெளியான நத்திங் போனின் வீடியோ!
போக்கோ எஃப்4 5ஜி சிறப்பம்சங்கள் (Poco F4 5G Specifications)
போக்கோ எஃப்4 5ஜி ஸ்மார்ட்போன் 6.67 இன்ச் முழு எச்டி+ அமோலெட் டிஸ்ப்ளே உடன் வருகிறது. 120Hz ரெப்ரெஷ் ரேட்டுடன் இந்த டிஸ்ப்ளே இருக்கிறது. கார்னிங் கொரில்லா கிளாஸ் பாதுகாப்பும் இதில் கிடைக்கும்.
குவால்காம் ஸ்னாப்டிராகன் 870 (Qualcomm Snapdragon 870) சிப்செட் கொண்டு இந்த போன் இயக்கப்படுகிறது. போக்கோ எஃப்4 5ஜி போனில் 12ஜிபி வரை ரேம் + 256ஜிபி வரை ஸ்டோரேஜ் மெமரி ஆதரவும் கிடைக்கும். மைக்ரோ எஸ்டி கார்ட் மூலம் மெமரியை நீட்டிக்க ஆதரவு வழங்கப்பட்டுள்ளது.
கூகுள் ஆண்ட்ராய்டு 12 அடிப்படையிலான MIUI 13 ஸ்கின் இதில் நிறுவப்பட்டிருக்கும். இரட்டை ஸ்பீக்கர்கள் கொண்ட டால்பி அட்மாஸ் ஒலித்திறன், டைப்-சி போன்ற அம்சங்களும் கொடுக்கப்படும்.
Malware Apps: டேட்டாவை திருடும் 5 ஆப்ஸ்… இதுவரை 2 மில்லியனுக்கும் அதிகமானோர் பதிவிறக்கம்!
போக்கோ எஃப்4 5ஜி கேமரா (Poco F4 5G Camera)
பின்பக்கம் OIS உடன் வரும் 64 மெகாபிக்சல் முதன்மை சென்சார், 8 மெகாபிக்சல் அல்ட்ரா வைட் ஆங்கிள் லென்ஸ், 2 மெகாபிக்சல் மேக்ரோ சென்சார் ஆகியன அடங்கிய டிரிப்பிள் ரியர் கேமரா கொடுக்கப்பட்டுள்ளது.
மேலும், 20 மெகாபிக்சல் கேமரா செல்ஃபி, வீடியோ அழைப்புகளுக்காக வழங்கப்பட்டுள்ளது. 5ஜி, வைஃபை6, ப்ளூடூத் 5.1 போன்ற இணைப்பு ஆதரவும் இதில் நிறுவப்பட்டுள்ளது.
போக்கோ எஃப்4 5ஜி பேட்டரி (Poco F4 5G Battery)
ஸ்மார்ட்போனை சக்தியூட்ட 4,520mAh பேட்டரியும், அதனை திறனூட்ட 67W பாஸ்ட் சார்ஜிங் ஆதரவும் வழங்கப்படும். இந்தியாவில் பிளிப்கார்ட் தளத்தில் விற்பனைக்கு கொண்டுவரப்படும் எனத் தெரிகிறது. இம்மாத இறுதிக்குள் போக்கோ எஃப்4 5ஜி போன் வெளியாகும் என்று எதிர்பார்க்கப்படுகிறது.
Xiaomi: சியோமி போன்களின் பேட்டரியை வெறும் ரூ.499க்கு மாற்றலாம்!
போக்கோ எஃப்4 5ஜி விலை (Poco F4 5G Price in India)
சீனாவில் வெளியான ரெட்மி K10S ஸ்மார்ட்போனின் மறுபெயரிடப்பட்ட போன் தான் போக்கோ எஃப்4 5ஜி என்று தகவல்கள் தெரிவிக்கின்றன. இந்த ரெட்மி போன் இந்திய மதிப்பில் ரூ.21,500 முதல் ரூ.28,000 வரை பல வகைகளில் வெளியிடப்பட்டது.
செய்திகளை உடனுக்குடன் படிக்க கூகுள் நியூஸ் ‘சமயம் தமிழ்’ பக்கத்தை பின் தொடருங்கள்
அதை வைத்து பார்க்கும்போது, இந்தியாவில் இந்த புதிய போக்கோ எஃப்4 5ஜி போன் ரூ.24,999 முதல் ரூ.28,999 வரை விலை நிர்ணயத்துடன் பல வேரியண்டுகளில் வெளியாகும் என எதிர்பார்க்கப்படுகிறது. பிளாக், சில்வர், இரிடிசெண்ட், கிரீன் ஆகிய நான்கு நிறங்களில் வெளியாகிறது.