Tecno Spark 9 Price in India: இந்தியாவில் தனது மலிவு விலை ஸ்மார்ட்போன்களை வெளியிட்டு பயனர்களிடத்தில் தனக்கென இடத்தை தக்கவைத்துள்ளது டெக்னோ நிறுவனம். அந்தவகையில், தற்போது உலகின் முதல் மலிவு விலை 11ஜிபி ரேம் மெமரி கொண்ட போனை இந்தியாவில் அறிமுகம் செய்துள்ளது.
ரூ.10,000க்கும் குறைவான விலையில் அறிமுகம் செய்யப்பட்டிருக்கும் இந்த ஸ்மார்ட்போனில் 11ஜிபி வரை ரேம் மெமரியை நீட்டிக்க முடியும். போனின் விலை ரூ.9,499ஆக நிர்ணயம் செய்யப்பட்டுள்ளது.
Jio Fiber: 3 மாத ஜியோ ஃபைபர் பிராட்பேண்ட் திட்டம் – பலன்கள் ஏராளம்!
டெக்னோ ஸ்பார்க் 9 விலை (Tecno Spark 9 Price in India)
புதிய டெக்னோ ஸ்பார்க் 9 போனானது 6ஜிபி ரேம், 128ஜிபி ஸ்டோரேஜ் மெமரியுடன் வெளியாகிறது. 5ஜிபி விர்ச்சுவல் ரேம் ஆதரவையும் இந்த போன் பெறுகிறது. இன்ஃபினிட்டி பிளாக், ஸ்கை மிரர் ஆகிய இரு நிறங்களில் இந்த ஸ்மார்ட்போன் விற்பனைக்குக் கொண்டுவரப்படுகிறது.
மேலதிக செய்தி:
லேப்டாப் வாங்கினால் ஓராண்டு இலவச டேட்டா – Jio உடன் கைகோர்த்த HP நிறுவனம்!
Tecno Spark 9 ஸ்மார்ட்போன் அமேசான் தளத்தில் விற்பனைக்கு கொண்டு வரப்படுகிறது. அமேசான் பிரைம் டே சேல் சலுகை விற்பனை நாளில் இந்த போன் பட்டியலிடப்படும் என எதிர்பார்க்கப்படுகிறது. இதன் விலை ரூ.9,499 ஆக நிர்ணயம் செய்யப்பட்டுள்ளது. கூடுதல் வங்கி சலுகைகளும் இந்த போனுக்கு வழங்கப்படும்.
டெக்னோ ஸ்பார்க் 9 அம்சங்கள் (Tecno Spark 9 Specifications)
புதிய பட்ஜெட் டெக்னோ ஸ்மார்ட்போன் 6.6 இன்ச் எச்டி+ டிஸ்ப்ளே உடன் வருகிறது. இதன் ரெப்ரெஷ் ரேட் 90Hz ஆக இருக்கும். மீடியாடெக் ஹீலியோ ஜி37 (MediaTek Helio G37 chipset) இந்த போனை இயக்கும்.
போனில் ஆண்ட்ராய்டு 12 இயங்குதள அடிப்படையிலான ஸ்கின் இருக்கும். வாட்டர் டிராப் நாட்ச் டிஸ்ப்ளே இதில் வழங்கப்பட்டுள்ளது. DTS தரத்தில் செறிவூட்டப்பட்ட ஸ்பீக்கர்களும் கூடுதல் பொழுதுபோக்கு அம்சத்திற்காக கொடுக்கப்பட்டுள்ளது.
மேலதிக செய்தி:
SmartWatch: அதிசய பொருள் கண்டுபிடிப்பு – பேட்டரி இல்லாமல் இயங்கும் ஸ்மார்ட்வாட்ச்!
டெக்னோ ஸ்பார்க் 9 போனின் பின்பக்கம் இரண்டு கேமராக்கள் கொண்ட அமைப்பு எல்இடி பிளாஷுடன் இருக்கிறது. இதில் 13 மெகாபிக்சல் முதன்மை சென்சாராகவும், கூடுதலாக் ஒரு 2 மெகாபிக்சல் சென்சாரும் நிறுவப்பட்டிருக்கும்.
செல்பி, வீடியோ அழைப்புகளுக்காக 8 மெகாபிக்சல் சென்சார் கொண்ட கேமரா உள்ளது. போனில் 5000mAh திறன்கொண்ட பேட்டரி கொடுக்கப்பட்டுள்ளது. இதனை திறனூட்ட பாஸ்ட் சாஜ்ரிங் ஆதரவும் கிடைக்கும். ஜூலை 18 (இன்று) அறிமுகம் செய்யப்பட்ட இந்த ஸ்மார்ட்போனின் விற்பனை Amazon Prime Day Sale அன்று இருக்கும் என்று தகவல்கள் தெரிவிக்கின்றன.