Redmi 10A Sport Launch: பட்ஜெட் ஸ்மார்ட்போன்களுக்கு பெயர்போன சியோமி நிறுவனம், கடந்த ஏப்ரல் மாதத்தில் ரெட்மி 10ஏ மொபைலை இந்திய சந்தையில் அறிமுகம் செய்தது. அந்த ஸ்மார்ட்போன் அறிமுகமாகி 3 மாதங்கள் ஆகும் நிலையில் தற்போது அதன் ஸ்போர்ட்ஸ் எடிஷனை நிறுவனம் அறிமுகம் செய்துள்ளது.
அனைத்து அம்சங்களும் ஒரே அளவில் இருக்கும் இந்த ஸ்மார்ட்போன்களில் ரேம் மெமரி மட்டும் அதிகமாக கொடுக்கப்பட்டுள்ளது. பட்ஜெட் விலையில் அறிமுகமாகியிருக்கும் இந்த செல்போன் குறித்த கூடுதல் விவரங்களைப் பார்க்கலாம்.
ரெட்மி 10ஏ ஸ்போர்ட்ஸ் விலை (Redmi 10A Sport Price)
புதிய ரெட்மி 10ஏ ஸ்போர்ட்ஸ் வெர்ஷன் விலை ரூ.10,999 ஆக நிர்ணயம் செய்யப்பட்டுள்ளது. இது 6ஜிபி + 128ஜிபி வேரியண்டுக்கான விலை ஆகும். அமேசான் இந்தியா ஷாப்பிங், மி.காம் ஆகிய தளங்களின் வாயிலாக இந்த ஸ்மார்ட்போனை பயனர்கள் வாங்கலாம்.
மேலதிக செய்தி:
Google Street View: இனி உங்க வாழ்க்கைய ரொம்ப நிம்மதியா வாழலாம் – கூகுள் உங்களுக்கு வழிகாட்டும்!
ஸ்மார்ட்போனானது சாம்பல் கருப்பு, கடல் நீலம், ஸ்லேட் கிரே ஆகிய மூன்று வண்ணத் தேர்வுகளில் பட்டியலிடப்பட்டுள்ளது. வங்கி தள்ளுபடிகளும், எக்சேஞ்ச் சலுகைகளும் இந்த போனுக்கு வழங்கப்பட்டுள்ளது.
ரெட்மி 10ஏ ஸ்போர்ட் அம்சங்கள் (Redmi 10A Sport Specifications)
அம்சங்களை பொருத்தவரை ரெட்மி 10A ஸ்போர்ட்ஸ் எடிஷன் மாடலில் 6.53 இன்ச் 1600×720 பிக்சல் எச்டி+ 20:9 ஐபிஎஸ் எல்சிடி வாட்டர் டிராப் திரை கொடுக்கப்பட்டுள்ளது. இந்த போனை இயக்க மீடியாடெக் ஹீலியோ G25 சிப்செட் பயன்படுத்தப்பட்டு உள்ளது.
மேலதிக செய்தி:
5G Auction: 1800 MHz அலைக்கற்றைக்கு கடும் போட்டி; விலையை சற்று உயர்த்திப்பிடித்த அரசு!
போனில் அதிகபட்சம் 6ஜிபி ரேம், 128ஜிபி ஸ்டோரேஜ் மெமரி உள்ளிட்டவை வழங்கப்பட்டுள்ளது. மேலும் இந்த ஸ்மார்ட்போனின் பின்புறத்தில் கைரேகை சென்சார் இருக்கிறது.
ரெட்மி 10A ஸ்போர்ட் ஸ்மார்ட்போனில் 13 மெகாபிக்சல் முதன்மை சென்சார் கொண்ட பின்பக்க கேமரா, 5 மெகாபிக்சல் செல்ஃபி கேமரா கொடுக்கப்பட்டுள்ளது. மேலும் 5000mAh பேட்டரி கொண்ட இந்த ஸ்மார்ட்போனில் 10 வாட் சார்ஜிங் வசதியும் உள்ளது.
மேலதிக செய்தி:
Space Debris: மண்ட பத்திரம்; சீன ராக்கெட்டின் குப்பைகளால் மனிதர்களுக்கு ஆபத்து?
இணைப்பு ஆதரவுக்காக இந்த ஸ்மார்ட்போனில் டூயல் சிம் ஸ்லாட், 3.5mm ஆடியோ ஜாக், எப்.எம். ரேடியோ, டூயல் 4ஜி வோல்ட்இ, வைபை, ப்ளூடூத் 5, மைக்ரோ யு.எஸ்.பி. போர்ட் உள்ளிட்டவை அடங்கியுள்ளன.