OnePlus Nord Buds CE True Wireless Earbuds: ஒன்பிளஸ் தனது நார்டு தொகுப்பில் பல சாதனங்களை சேர்க்க திட்டமிட்டுள்ளது. பட்ஜெட் விலை விரும்பிகளை கவர இந்த முடிவு எடுக்கப்பட்டுள்ளது. அதன் ஒரு பகுதியாக புதிய பட்ஜெட் விலை ஒன்பிளஸ் நார்ட் பட்ஸ் CE ட்ரூ வயர்லெஸ் இயர்பட்ஸை இந்திய சந்தையில் அறிமுகம் செய்துள்ளது.
இந்த இயர்பட்ஸ் பல அற்புதமான அம்சங்களைக் கொண்டுள்ளது. இது Nord பெயரின் கீழ் நிறுவனத்தின் இரண்டாவது TWS இயர்பட்ஸ் என்பது குறிப்பிடத்தக்கது. புதிய நார்ட் சிஇ பட்ஸானது, 13.4mm டைனமிக் பாஸ் பூஸ்ட் டிரைவர்களுடன் வருகிறது.
இது மட்டுமில்லாமல் வேகமான சார்ஜிங் ஆதரவு, 20 மணிநேர பேட்டரி ஆயுளுடன் இந்த இயர்பட்ஸ் கொண்டுவரப்பட்டுள்ளது. இதன் விலை, பிற அம்சங்கள் குறித்து விரிவாகப் பார்க்கலாம்.
Xiaomi: சியோமி ஸ்மார்ட் கண்ணாடி; இனி ஸ்மார்ட்போன் வேலைகளை இது பார்த்துக்கொள்ளும்!
ஒன்பிளஸ் நார்ட் பட்ஸ் சிஇ விலை (OnePlus Nord Buds CE Price in India)
ஒன்பிளஸ் நார்ட் பட்ஸ் CE மூன்லைட் வெள்ளை, மிஸ்டி கிரே ஆகிய வண்ண விருப்பங்களில் விற்பனைக்கு வரும். இதன் அறிமுக சலுகை விலை ரூ.2,299 ஆக நிர்ணயம் செய்யப்பட்டுள்ளது.
இந்தியாவில் பிளிப்கார்ட் தளம், OnePlus.in, ஒன்பிளஸ் ஸ்டோர்களில் புதிய வயர்லெஸ் இயர்பட்ஸ் ஆகஸ்ட் 4 முதல் விற்பனைக்கு வரும் என்று நிறுவனம் தனது அறிக்கையில் தெரிவித்துள்ளது.
ஒன்பிளஸ் நார்ட் பட்ஸ் சிஇ சிறப்புகள் (OnePlus Nord Buds CE Features)
புதிய ஒன்பிளஸ் பட்ஜெட் இயர்பட்ஸ் செமி இன்-இயர் ஸ்டைல் வடிவமைப்புடன் வருகிறது. அதாவது, இது மாற்றக்கூடிய பட்ஸ் டிப்புடன் வரவில்லை. Nord Buds CE 13.4 மிமீ டைனமிக் பாஸ் டிரைவர்களுடன் வருகிறது.
வயர்லெஸ் இணைப்புக்காக புளூடூத் 5.2 வசதி கொண்டுள்ளது. OnePlus Nord Buds CE ஆனது செயலில் உள்ள இரைச்சலை ரத்து செய்யும் தொழில்நுட்பத்தைக் கொண்டிருக்கவில்லை என்றாலும், இந்த பட்கள் அழைப்புகளுக்கான AI நாய்ஸ் கேன்சலேஷன் அம்சமும் வருகின்றன. பட்ஸ் AAC, SBC Codec-களை ஆதரிக்கிறது.
மேலதிக செய்தி:
உலகம் அழியும் முன் ‘கடைசி செல்ஃபிகள்’ எப்படி இருக்கும்? AI கணித்த கொடூரமான புகைப்படங்கள்!
ஒவ்வொரு பட்ஸிலும் 27mAh பேட்டரி கொடுக்கப்பட்டுள்ளது. பட்ஸ் சார்ஜிங் கேஸில் 300mAh பேட்டரி உள்ளது. ஒருமுறை சார்ஜ் செய்தால், 4.5 மணிநேரம் வரை இசையை அனுபவிக்கலாம் அல்லது 3 மணிநேரம் வரை ஃபோன் அழைப்புகளை மேற்கொள்ளலாம்.
Jio Recharge: ஜியோ ரீசார்ஜுக்கு அமேசான் பே வழங்கும் ரூ.200 தள்ளுபடி!
இதை ஒருமுறை சார்ஜ் செய்தால் 20 மணிநேரம் வரை இடைவிடாமல் இயங்கும். டைப்-சி போர்ட் வழியாக விரைவான சார்ஜிங் வசதி வழங்கப்பட்டுள்ளதால், 10 நிமிடங்கள் சார்ஜ் செய்தால் 81 நிமிடங்கள் வரை இசை மழையில் நனையலாம்.
பிற அம்சங்களைப் பொருத்தவரை IPX4 வியர்வை மற்றும் நீர் எதிர்ப்பு மதிப்பீடு, OnePlus Fast Pair, Sound Master Equalizer மற்றும் Hey Melody பயன்பாட்டு ஆதரவு ஆகியவை இதில் அடங்கும்.