உலகின் நம்பர் 1 பணக்காரரான எலன் மஸ்க் ட்வீட் ஒன்றில் ஆப்பிள் நிறுவனம் அதன் விளம்பரங்களை ட்விட்டரில் நிறுத்திவிட்டதாகவும் “அமெரிக்காவின் கருத்துரிமைக்கு எதிராக அவர்கள் உள்ளார்களா? “என்று கேள்வி எழுப்பியுள்ளார்.
கடந்த நவம்பர் மாதம் முதலே ட்விட்டரில் வரும் விளம்பரங்கள் பெரும் அளவு குறைந்துவிட்டதாகவும் இதற்கு காரணம் சில சமூக குழுக்கள் என்று குற்றம் சாட்டியுள்ளார். இந்த சமூக குழுக்களை சேர்ந்தவர்கள் விளம்பரதாரர்களை கட்டாயப்படுத்துவதாகவும் அதன் காரணமாகவே அவர்கள் யாரும் விளம்பரம் செய்வதில்லை என்றும் கூறியுள்ளார்.
ட்விட்டரில் விளம்பரம் போடுவதை பல முன்னணி நிறுவனங்களான ஜெனரல் மில்ஸ், பிரபல கார் தயாரிப்பு நிறுவனமான ஆடி, ஜெனரல் மோட்டார்ஸ் போன்றவை எலன் மஸ்க் ட்விட்டரை வாங்கியதில் இருந்து விளம்பரம் செய்வதை தற்காலிகமாக நிறுத்திவிட்டனர்.
தற்போது இதில் ஆப்பிள் நிறுவனமும் இணைந்துள்ளது. கடந்த அக்டோபர் 16 முதல் 22 வரை விளம்பரத்திற்காக 220,800 டாலர்கள் செலவிட ஆப்பிள் நிறுவனம் தற்போது நவம்பர் 10 முதல் நவம்பர் 16 வரை மட்டும் சுமார் 131,600 டாலர்களை மட்டுமே செலவிட்டுள்ளது.
ஏற்கனவே ஆப்பிள் நிறுவனத்துடன் கடும் மோதல் போக்கில் இருக்கும் எலன் மஸ்க் ஆப்பிள் நிறுவனம் அவர்களின் APPSTORE ஆப் இல் இருந்து ட்விட்டரை நீக்கிவிடுவோம் என்று மிரட்டல் விடுப்பதாகவும் ஆனால் அதற்கான காரணத்தை கூற மறுப்பதாகவும் தெரிவித்துள்ளார்.
ஆப்பிள் நிறுவனத்தின் App Store
பயன்படுத்தும் அனைவரிடமும் ரகசியமாக 30% வரி விதித்து லாபம் சம்பாதிப்பதாக குற்றம் சாட்டியுள்ளார்.
அதாவது நீங்கள் ஒரு ஆப் ஒன்றை தயாரித்து அதை AppStore உள்ளே பதிவிட்டு அதன் மூலம் உங்களுக்கு 1 மில்லியன் டாலர் லாபம் வந்தால் அதில் இருந்து 30% வரியை ஆப்பிள் நிறுவனம் லாபமாக பெறுகிறது என்று கூறியுள்ளார்.
இதற்கு எதிர்ப்பு தெரிவிக்கும் ஆஃப்களை தடை செய்வதாகவும் எலன் மஸ்க் குற்றம் சாட்டுகிறார். இப்படியே மோதல் போக்கு நீடித்தால்
எலன் மஸ்க் தனியாக ஒரு ஸ்மார்ட்போன் நிறுவனத்தை உருவாக்கி
இவர்களுடன் நேரடியாக மோதலில் இறங்கிவிடுவார் போல.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்