நெல்சன் இயக்கிய ‘பீஸ்ட்’ படத்தின் ரிலீசுக்கு முன்பாகவே தெலுங்கு இயக்குனர் வம்சி பைடிபல்லி இயக்கத்தில் ஸ்ரீ வெங்கடேஸ்வரா கிரியேஷன்ஸ் தயாரிப்பில்’ தளபதி 66′ படத்தில் விஜய் நடிக்க கமிட் ஆனார் விஜய். இதற்கான அதிகாரப்பூர்வமான அறிவிப்பும் வெளியானது. இந்தப்படத்தில் விஜய்யின் ஜோடியாக ராஷ்மிகா மந்தனா நடிக்கிறார்.
‘வாரிசு’ படத்தினை ஸ்ரீ வெங்கடேஸ்வரா கிரியேஷன்ஸ் நிறுவனம் சார்பில் தில் ராஜு தயாரித்து வருகிறார். இதன் படப்பிடிப்பு சென்னை, ஐதராபாத் உள்ளிட்ட இடங்களில் நடந்து முடிந்த நிலையில் தற்போது இறுதிக்கட்ட பணிகள் விறுவிறுப்பாக நடைபெற்று வருகிறது. இந்தப்படத்தில் சரத்குமார், பிரபு, ஷாம், ஸ்ரீகாந்த், பிரகாஷ் ராஜ் உள்ளிட்ட பல முன்னணி நட்சத்திரங்கள் விஜய்யுடன் இணைந்து நடித்து வருகின்றனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் ‘வாரிசு’ படத்தின் முதல் சிங்கிளான ‘ரஞ்சிதமே’ பாடல் அண்மையில் வெளியானது. விவேக் எழுதிய இந்தப்பாடலை விஜய் பாடியிருந்தார். விஜய் தன்னுடைய ஸ்டைலில் செம்ம ஸ்டப் போட்டுள்ளதாக ரசிகர்கள் இந்தப்பாடலை கொண்டாடினர். யூடிப் டிரெண்டிங்கிலும் இந்தப்பாடல் கலக்கியது.
Naai Sekar Returns: காத்து வாங்கும் ‘நாய் சேகர் ரிட்டர்ன்ஸ்’ பட வசூல்: கம்பேக்கில் சொதப்பிய வடிவேலு.!
அதனை தொடர்ந்து இரண்டாவது பாடலாக ‘தீ தளபதி’ பாடல் வெளியானது. தமன் இசையமைத்திருந்த இந்தப்பாடலை சிம்பு பாடியிருந்தார். இணையத்தில் தீயாய் பரவிய இந்தப்பாடல் ரசிகர்கள் மத்தியிலும் அமோக வரவேற்பை பெற்றது. பொங்கலுக்கு வெளியாகவுள்ள இந்தப்படத்தின் புரோமோஷன் பணிகளில் மும்முரமாக இறங்கியுள்ளனர் படக்குழுவினர்.
Ravindar Mahalakshmi: நல்ல சேதி சொன்ன ரவீந்தர், மகாலட்சுமி: குவியும் வாழ்த்துக்கள்.!
சென்னை மெட்ரோ ரயிலில் ’வாரிசு’ படத்தின் போஸ்டர்கள் ஒட்டப்பட்டுள்ளது. இந்த மாஸ் புரமோஷன் இணையத்தில் பலரையும் ஆச்சரியத்தில் ஆழ்த்தியுள்ளது. ரஜினிகாந்த் நடித்த ’கபாலி’, கமல் நடித்த ’விக்ரம்’ படங்களுக்கு இம்மாதிரியாக புரமோசன் செய்யப்பட்ட நிலையில் தற்போது தளபதியின் ’வாரிசு’ படமும் அதே போல் பிரமாண்டமாக புரமோஷன் செய்யப்பட்டுள்ளது குறிப்பிடத்தக்கது.
Samantha: சமந்தாவை போல் நானும் பாதிக்கப்பட்டேன்: அஜித் பட நடிகை பகீர்.!
எச். வினோத் இயக்கத்தில் அஜித் நடித்துள்ள ‘துணிவு’ படமும் பொங்கலுன்று வெளியாகவுள்ளது. நேர்கொண்ட பார்வை, வலிமை படங்களை தொடர்ந்து மூன்றாவது முறையாக எச். வினோத், அஜித், போனி கபூர் கூட்டணி இந்தப்படத்தில் இணைந்துள்ளது. நீண்ட இடைவேளைக்கு பிறகு விஜய், அஜித் படங்கள் ஒரே நாளில் ரிலீசாகவுள்ளது ரசிகர்கள் மத்தியில் பிரம்மாண்ட எதிர்பார்ப்பை கிளம்பியுள்ளது.