இலங்கையில் கடும் பொருளாதார நெருக்கடி ஏற்பட்டு திவாலானதைத் தொடர்ந்து, மக்களின் பெரும் போராட்டத்தை அடுத்து அதிபர் கோத்தபய ராஜபக்சே பதவி விலகினார். அதைத் தொடர்ந்து அதிபராக ரணில் விக்கிரமசிங்கே தேர்வு செய்யப்பட்டார்.
இந்தநிலையில் இலங்கை ஜனாதிபதி மாளிகையில் நேற்று நடைபெற்ற கூட்டத்தில், நாட்டில் நிலவும் பொருளாதார மற்றும் நிதி நெருக்கடிக்கு தீர்வு காண எடுக்கப்பட வேண்டிய திருத்த நடவடிக்கைகள் குறித்து விவாதிக்க அரசு, அரை அரசு மற்றும் தனியார் துறை தொழிற்சங்க தலைவர்கள் மற்றும் பிரதிநிதிகள் கலந்து கொண்டனர்.
அதில் அதிபர் ரணில் விக்கிரமசிங்கே பேசும்போது, ‘‘இலங்கையில் முன்னெப்போதும் இல்லாத வகையில் பொருளாதார நெருக்கடிகள் ஏற்பட்டுள்ள நிலையில், இந்த நெருக்கடியிலிருந்து மீண்டு வருவதற்கான ஒரே வழி, உலகளாவிய கடன் வழங்கும் சர்வதேச நாணய நிதியத்தின் (IMF) ஆதரவைப் பெறுவதே.
நாட்டின் பொருளாதாரம் வீழ்ச்சியடைந்துள்ளது என்பதை நாங்கள் நன்கு அறிவோம். அதனால் நாடு எதிர்கொள்ளும் சிரமங்களை நான் அறிவேன். வேலை வாய்ப்புகளின் எண்ணிக்கையில் வீழ்ச்சியைக் கண்டோம். பணவீக்கம் குறிப்பாக வாழ்க்கைச் செலவை அதிகரித்துள்ளது. அதனால், மக்களின் வாழ்க்கை முறை மாறுகிறது.
நாட்டில் நிலவும் மோசமான பொருளாதார நிலைமை கல்வி, சுகாதாரம் உள்ளிட்ட அனைத்து துறைகளையும் பாதித்துள்ள நிலையில், இலங்கையர்கள் முன்பு அனுபவித்து வந்த வசதிகள் குறைந்து வருகிறது. இந்தப் பொருளாதாரச் சரிவின் பின்விளைவுகள் இவை. இந்தப் பிரச்சினைகளுக்கான அடிப்படைக் காரணங்களைப் பற்றிப் பேசுவதில் பயனில்லை. இவை ஏற்கனவே நடந்துள்ளன.
இப்போது நமக்கு இருக்கும் ஒரே வழி சர்வதேச நாணய நிதியத்தின் (IMF) ஆதரவைப் பெறுவதுதான். இல்லையெனில், எங்களால் மீட்க முடியாது. கடன் மறுசீரமைப்பு வேலைத்திட்டத்தின் உதவியுடன் நாட்டின் வீழ்ச்சியடைந்துள்ள பொருளாதாரத்தை மீண்டும் புத்துயிர் பெற முயற்சிகள் மேற்கொள்ளப்பட்டு வருகின்றன.
குற்றப் பின்னணியில் இருந்தவர்கள் 13 நபர்கள் கைது.
நாங்கள் தற்போது கடன் மறுசீரமைப்பு திட்டத்தை மேற்கொண்டு வருகிறோம். நாங்கள் ஏற்கனவே ஜப்பானுடன் பேச்சுவார்த்தைகளை முடித்துவிட்டோம், இது ஜப்பான், சீனா மற்றும் இந்தியா ஆகிய மூன்று முக்கிய நாடுகளில் ஒன்றாகும், நாங்கள் கடன் பெற்றுள்ளோம்.
இலங்கைக்கு எதிராக ஐநாவில் தீர்மானம்… இந்தியாவின் முடிவால் உலக நாடுகள் அதிர்ச்சி!
மேலும், ஐரோப்பா மற்றும் அமெரிக்காவின் பொருளாதார வளர்ச்சி தற்போது மந்தமடைந்து வருவகிறது. இவ்வாறானதொரு சூழ்நிலையில், அடுத்த வருடத்திற்குள் நமது ஏற்றுமதிச் சந்தை வீழ்ச்சியடையக்கூடும். நமது சுற்றுலாத் துறையை நாம் அபிவிருத்தி செய்ய வேண்டும். ஒரு நாடு என்ற வகையில் நம்பிக்கையை கட்டியெழுப்ப முடிந்ததன் மூலம், சர்வதேச நாணய நிதியத்துடனான பேச்சுவார்த்தைகளை மேலும் வெற்றியடையச் செய்வதில் அரசாங்கம் வெற்றி பெற்றுள்ளது’’ என அதிபர் கூறினார்.