விஜய் தற்போது வாரிசு படத்தை அடுத்து லோகேஷ் கனகராஜ் இயக்கத்தில் தளபதி 67 படத்தில் நடித்து வருகின்றார். பொங்கல் பண்டிகையை முன்னிட்டு வெளியான வாரிசு திரைப்படம் ரசிகர்களிடம் கலவையான விமர்சனங்களை பெற்றது. என்னதான் படம் கலவையான விமர்சனங்களை பெற்றாலும் வசூல் ரீதியாக வாரிசு மிகப்பெரிய வெற்றியை அடைந்துள்ளது.
விஜய் இந்த வெற்றியை படக்குழுவுடன் கேக் வெட்டி கொண்டாடியுள்ளார். இந்நிலையில் தற்போது லோகேஷ் கனகராஜின் இயக்கத்தில் மிகுந்த எதிர்பார்ப்பில் உருவாகும் தளபதி 67 படத்தில் நடித்து வருகின்றார் விஜய்.
Varisu: வாரிசு வெற்றி கொண்டாட்டத்தின் பிண்ண்னி..இதுதான் உண்மையான காரணமா ?
மாஸ்டர் படத்தின் வெற்றிக்கு பிறகு இக்கூட்டணி மீண்டும் தளபதி 67 படத்தின் மூலம் இணைந்துள்ளது. இப்படத்தில் விஜய் ஐம்பது வயது கேங்ஸ்டராக நடிப்பதாக பேச்சுக்கள் அடிபட்டு வருகின்றது. மேலும் இப்படத்தில் அர்ஜுன், கௌதம் மேனன், மிஸ்கின், சஞ்சய் தத் என மிகப்பெரிய நட்சத்திர பட்டாளமே நடித்து வருகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
மேலும் 14 வருடங்கள் கழித்து விஜய் மற்றும் த்ரிஷா தளபதி 67 படத்தின் மூலம் மீண்டும் இணைந்துள்ளனர். இந்நிலையில் தற்போது சென்னையில் இப்படத்தின் படப்பிடிப்பு நடைபெற்று வர அடுத்ததாக கொடைக்கானலில் தளபதி 67 படத்தின் அடுத்தகட்ட படப்பிடிப்பு நடைபெறவுள்ளது.
இதைத்தொடர்ந்து தற்போது இப்படத்திற்கு ராய்ஸ் என தலைப்பு வைக்கப்பட்டுள்ளதாக இணையத்தில் ஒரு தகவல் பரவி வருகின்றது. விலையுர்ந்த ரோல்ஸ் ராய்ஸ் காரை அடிப்படையாக வைத்து இப்படத்திற்கு ராய்ஸ் என பெயர் வைத்துள்ளதாக சில தகவல்கள் பரவ இதனை மூத்த பத்திரிகையாளர் ஒருவர் மறுத்துள்ளார். இது வெறும் வதந்திதான் என்றும், படத்தின் டைட்டில் ராய்ஸ் இல்லை என்றும் அவர் கூறியுள்ளார் என்பது குறிப்பிடத்தக்கது.