Thunivu Collection: பொங்கலுக்கு வந்த வாரிசும், துணிவும் குறித்து ஹெச். வினோத் சொன்னது மாதிரி தான் நடந்திருக்கிறது என்கிறார்கள் சினிமா ரசிகர்கள்.
வாரிசுவம்சி பைடிபல்லி இயக்கத்தில் விஜய், ரஷ்மிகா மந்தனா, சரத்குமார், ஜெயசுதா, ஷாம், ஸ்ரீகாந்த் உள்ளிட்டோர் நடித்த வாரிசு படம் ஜனவரி 11ம் தேதி ரிலீஸானது. பொங்கல் பண்டிகை ஸ்பெஷலாக ரிலீஸான வாரிசு படம் 7 நாட்களில் உலக அளவில் ரூ. 210 கோடி வசூல் செய்துவிட்டதாக அதிகாரப்பூர்வ அறிவிப்பு வெளியிட்டனர். மேலும் வாரிசு சக்சஸ் பார்ட்டி வைத்து விஜய்யை வரவழைத்து கேக் வெட்டி கொண்டாடியிருக்கிறார்கள்.
துணிவுஹெச். வினோத் இயக்கத்தில் அஜித் குமார் நடிப்பில் ஜனவரி 11ம் தேதி வெளியான துணிவு படமும் வெற்றி பெற்றுள்ளது. வட அமெரிக்கா, இங்கிலாந்து ஆகிய நாடுகளில் துணிவு படத்திற்கு அமோக வரவேற்பு கிடைத்துள்ளது. அஜித் குமாரின் கெரியரிலேயே வட அமெரிக்கா, இங்கிலாந்தில் அதிகம் வசூல் செய்த படமாக துணிவு அமைந்திருக்கிறது.
வினோத்வாரிசு, துணிவு விஷயத்தில் ஹெச். வினோத் சொன்னது தான் நடந்திருக்கிறது. ரிலீஸுக்கு முன்பு வினோத் கூறியதாவது, துணிவு, வாரிசு இரண்டு படங்களுமே வெற்றி பெற வேண்டும். எனக்கு அது தான் வேண்டும் என்றார். அவர் சொன்னது போன்றே ஒரே நாளில் ரிலீஸான துணிவும், வாரிசும் நல்ல வசூல் செய்திருக்கின்றன.
நடந்துடுச்சு
வாரிசும், துணிவும் வெற்றி பெற வேண்டும் என ரிலீஸுக்கு முன்பு நான் தெரிவித்தேன். அது தற்போது நடந்துவிட்டது. துணிவும், வாரிசும் வெற்றி பெற்றுவிட்டன என இயக்குநர் ஹெச். வினோத் தற்போது தெரிவித்துள்ளார். வினோத்துக்கு நல்ல மனசுய்யா, அதனால் தான் அவர் ஆசைப்பட்டது நடந்துவிட்டது. துணிவுக்காக வாரிசையோ, விஜய்யையோ அவர் தாழ்த்திப் பேசவில்லை என்கிறார்கள் ரசிகர்கள்.
பொய்வாரிசு படம் ரூ. 210 கோடி வசூல் செய்துவிட்டதாக தயாரிப்பு நிறுவனம் அறிவித்தபோதிலும் அதை நம்ப மறுக்கிறார்கள் சினிமா ரசிகர்கள். ரூ. 210 கோடி என்பது உண்மை இல்லை என விநியோகஸ்தர் சங்கத் தலைவர் திருப்பூர் சுப்ரமணியன் தெரிவித்தார். இதையடுத்து வாரிசு பட வசூல் எல்லாம் வெறும் புருடா என்றும், அந்த படத்தை சீரியல் என்றும் தெரிவித்தார் ப்ளூ சட்டை மாறன்.
வம்சிவாரிசு படத்தை பலரும் சீரியல் என்று கிண்டல் செய்ததை பார்த்த வம்சி கோபமடைந்து, படம் எடுத்து ரிலீஸ் செய்வது கஷ்டம். சீரியல்கள் ஒன்றும் குறைவு இல்லை. அதுவும் கிரியேட்டிவ் வேலை தான் என்றார். அதை கேட்டவர்களோ, நீங்கள் ஒன்றும் சும்மா படம் எடுக்கவில்லை. காசு வாங்கிவிட்டு எடுக்கிறீர்கள். ஏதோ சேவை செய்வது போன்று பேச வேண்டாம் என விளாசினார்கள்.