விஜய் நடிப்பில் வம்சியின் இயக்கத்தில் பொங்கல் பண்டிகையை முன்னிட்டு திரையில் வெளியானது வாரிசு திரைப்படம். ராஷ்மிகா நாயகியாக நடித்துள்ள இப்படத்திற்கு தமன் இசையமைத்திருந்தார். மேலும் சரத்குமார், ஷ்யாம், பிரபு, பிரகாஷ் ராஜ் ஆகியோர் முக்கிய கதாபாத்திரத்தில் நடித்துள்ளனர்.
செண்டிமெண்ட் நிறைந்த குடும்ப படமாக வெளியான இப்படம் ரசிகர்களிடம் கலவையான விமர்சனங்களையே பெற்றது. வாரிசு படத்தின் பாடல்கள் அனைத்தும் ரசிகர்களின் அமோகமான வரவேற்பை பெற படத்தின் மீதான எதிர்பார்ப்பு அதிகரித்தது.
Thalapathy 67: தளபதி 67 டைட்டில் இதுதானா ? வித்யாசமா இருக்கே..!
இதையடுத்து கடந்த வாரம் வெளியான இப்படம் ரசிகர்களின் எதிர்பார்ப்பை பூர்த்தி செய்ய தவறியது. இந்நிலையில் வாரிசு படத்துடன் அஜித்தின் துணிவு திரைப்படமும் வெளியானது. முதல் வாரத்தில் துணிவு திரைப்படத்தின் வசூல் முன்னிலையில் இருந்தது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
ஆனால் தற்போது பெண்களும், குடும்பங்களும் கூட்டம் கூட்டமாக திரையரங்கிற்கு சென்று வாரிசு படத்தை பார்த்து வருகின்றனர். இதன் காரணமாக படத்தின் வசூல் பல மடங்கு அதிகரித்துள்ளது. மேலும் வாரிசு படத்திற்கு பல திரையரங்கங்களில் கூடுதல் ஷோக்கள் போடப்பட்டுள்ளது.
இதையடுத்து விஜய் குடும்பங்கள் கொண்டாடும் படமாக வாரிசு இருக்க வேண்டும் என எண்ணியது தற்போது நிறைவேறியுள்ளது.மேலும் வாரிசு படம் வெற்றிபெற்றதை அடுத்து நேற்று ஹைதராபாத்தில் சக்சஸ் மீட் நடத்தப்பட்டது. இதில் படக்குழுவினருடன் கேக் வெட்டி வெற்றியை கொண்டாடினார் விஜய் என்பது குறிப்பிடத்தக்கது.