விஜய் நடித்து சமீபத்தில் வெளியான திரைப்படம் தான் வாரிசு. வம்சியின் இயக்கத்தில் ராஷ்மிகா நாயகியாக நடித்த இப்படத்திற்கு தமன் இசையமைத்திருந்தார். இப்படம் துவங்கிய போதிலிருந்தே படத்தின் மீதான எதிர்பார்ப்பு அதிகரித்தது.
வித்யாசமான கூட்டணியுடன் விஜய் இணைந்ததும், இப்படம் வழக்கமான விஜய் படங்களை போல இல்லாமல் வித்யாசமாக இருக்கும் என்றும் வந்த தகவல் ரசிகர்களின் எதிர்பார்ப்பை இரட்டிப்பாக்கியது. மேலும் படத்திலிருந்து வெளியான பாடல்கள் அனைத்தும் அமோகமான வரவேற்பை பெற்றது.
Rajini: ரஜினி இதனால் தான் சூப்பர்ஸ்டாராக இருக்கின்றார்…வெளிப்படையாக பேசிய SAC ..!
இந்நிலையில் மிகப்பெரிய எதிர்பார்ப்பில் பொங்கல் பண்டிகையை முன்னிட்டு வெளியான வாரிசு திரைப்படம் கலவையான விமர்சனங்களையே பெற்றது. படம் எதிர்பார்த்த அளவிற்கு இல்லை என்பதே பொதுவான கருத்தாக இருந்தது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
மேலும் இப்படத்துடன் துணிவு படமும் வெளியானதால் வாரிசு படத்தின் வசூலில் பாதிப்பு ஏற்படும் அபாயமும் இருந்தது. ஆனாலும் குடும்ப ரசிகர்களின் ஆதரவினால் இப்படம் தமிழகத்தில் வசூல் வேட்டை நடத்தி வருகின்றது.
வசூலை பொறுத்தவரை வாரிசு மிகப்பெரிய வெற்றிப்படமாக அமைந்தது. அதன் காரணமாக இப்படத்தின் வெற்றி விழாவும் கொண்டாடப்பட்டது. இந்நிலையில் வாரிசு திரைப்படம் முக்கிய இடங்களில் தோல்வியை நோக்கி செல்வதாக ஒரு தகவல் வந்துள்ளது.
GULF நாடுகளில் வாரிசு திரைப்படம் எதிர்பார்த்த வசூலை பெறவில்லையாம். படம் வெளியாகி இரண்டு வாரங்கள் ஆகியும் குறைவான வசூலையே வாரிசு பெற்றுள்ளது. இதன் காரணமாக வாரிசு திரைப்படம் தோல்வியை நோக்கி சென்றுள்ளதாக தகவல்கள் வருகின்றது குறிப்பிடத்தக்கது.