Thalapathy Vijay: தளபதி 67 படத்தில் என்ன செய்யப் போகிறார் என்பதை சொல்லிவிட்டு தான் செய்து வருகிறார் லோகேஷ் கனகராஜ் என்கிறார்கள் சினிமா ரசிகர்கள்.
தளபதி 67வாரிசு படத்தை அடுத்து விஜய் நடித்து வரும் படம் தளபதி 67. மாஸ்டரை அடுத்து லோகேஷ் கனகராஜ் இயக்கத்தில் நடித்துக் கொண்டிருக்கிறார். தளபதி 67ல் முக்கிய வில்லனாக நடிக்க சீயான் விக்ரமை ஒப்பந்தம் செய்துள்ளார் லோகேஷ். ஃபஹத் ஃபாசில், சஞ்சய் தத், கவுதம் மேனன், மிஷ்கின் என ஒரு வில்லன் பட்டாளமே இருக்கிறது. LCU கதை என்பதால் உலக நாயகன் கமல் ஹாசன் கூட விஜய் படத்தில் வரவிருக்கிறாராம்.
கவலைகெத்து வில்லன், மொரட்டு வில்லன், மெரட்டு வில்லன் என வகை, வகையான வில்லன்களை அழைத்து வந்து விஜய்ணாவை ஓவர் டேக் செய்ய வைத்துவிடுவாரோ லோகேஷ் கனகராஜ் என்பதே ரசிகர்களின் கவலை. மாஸ்டரில் விஜய் சேதுபதி எனும் ஒரு வில்லனே ஹீரோவை ஓவர்டேக் செய்துவிட்டார். இந்நிலையில் தளபதி 67 படத்திலோ வில்லன்களின் லிஸ்ட் நாளுக்கு நாள் பெரிதாகிக் கொண்டே போவது அவர்களை மேலும் கவலை அடைய செய்துள்ளது.
லோகேஷ்தளபதி 67 படம் என் படம். 100 சதவீதம் என் ஸ்டைலில் எடுக்கப்படும் என்று டிசம்பர் மாதம் தெரிவித்தார் லோகேஷ் கனகராஜ். அதனால் தேவையில்லாத பன்ச், ரொமான்ஸ், காமெடி எல்லாம் இல்லாமல் தன் ஸ்டைலில் தான் படத்தை எடுப்பார். அப்படி என்றால் மாஸ்டரில் நடந்தது ரிப்பீட் ஆகிவிடுமோ என்று ரசிகர்கள் அஞ்சுகிறார்கள்.
என் படம்இப்படித் தான் செய்யப் போகிறேன், இது 100 சதவீதம் என் படம் என்று சொல்லிவிட்டுத் தான் செய்கிறார் லோகேஷ் கனகராஜ். ஆனால் நமக்கு தான் பயமாக இருக்கிறது. எத்தனை வில்லன்கள் வேண்டுமானாலும் வரட்டும்டா தம்பி என லோகேஷ் கனகராஜ் மீது ஃபுல் நம்பிக்கை வைத்து நடிக்கிறார் விஜய். அதனால் தளபதி 67 படம் அவர் கெரியரில் வித்தியாசமானதாகவும், முக்கியமானதாகவும் அமையும் என்று எதிர்பார்க்கப்படுகிறது.
பாசிட்டிவ்விஜய்ணா சாதாரண ஆள் இல்லை. கெத்து வில்லன்கள் இருந்தாலும் அவர்களை தொம்சம் செய்து மாஸ் காட்டுவார். மாஸ்டர் படத்தில் நடந்தது தளபதி 67ல் நடக்காது என்று நம்புவோமாக. பாசிட்டிவாக யோசிப்போம். நல்லதே நடக்கும் என்கிறார்கள் தளபதி ரசிகர்கள்.
சஞ்சய் தத்தளபதி 67 படத்தின் முதல் கட்ட படப்பிடிப்பு சென்னையில் நடந்தது. அடுத்ததாக காஷ்மீரில் நடக்கும் படப்பிடிப்பில் பாலிவுட் நடிகர் சஞ்சய் தத் கலந்து கொள்வாராம். யஷின் கே.ஜி.எஃப். 2 படத்தில் வில்லனாக வந்து மிரட்டினார் சஞ்சய் தத். இதையடுத்து விஜய்க்கு வில்லனாகியிருக்கிறார். த்ரிஷா தான் ஹீரோயின் என்று பேசப்படுகிறது. பிக் பாஸ் 6 புகழ் ஜனனி முக்கிய கதாபாத்திரத்தில் நடிக்கிறாராம்.