சைந்தவ் : வெங்கடேஷ் நடிக்கும் முதல் பான் இந்தியா படம்
தெலுங்கின் முன்னணி நடிகர் வெங்கடேஷ் நடிக்கும் முதல் பான் இந்தியா படத்திற்கு சைந்தவ் என்று டைட்டில் வைக்கப்பட்டுள்ளது. ஹிட் : பர்ஸ்ட் கேஸ் மற்றும் ஹிட் : செகண்ட் கேஸ் படங்களை இயக்கிய சைலேஷ் இயக்குகிறார். எஸ்.மணிகண்டன் ஒளிப்பதிவு செய்யும் இந்த படத்திற்கு சந்தோஷ் நாராயணன் இசையமைக்கிறார்.
தமிழ், தெலுங்கு, மலையாளம், கன்னடம், ஹிந்தி ஆகிய மொழிகளில் தயாராகும் இந்த திரைப்படத்தை நிஹாரிகா என்டர்டெய்ன்மென்ட் வெங்கட் போயனப்பள்ளி தயாரிக்கிறார். படத்தில் நடிக்கும் நடிகர்கள், நடிகைகள் குறித்த விவரங்கள் விரைவில் வெளியிடப்படும் என்றும் படக்குழுவினர் அறிவித்துள்ளனர். நிஹாரிகா என்டர்டெய்ன்மென்ட்டின் இரண்டாவது தயாரிப்பான சைந்தவ், வெங்கடேஷ் நடிப்பில் அதிக பட்ஜெட்டில் உருவாகும் படமாக இருப்பதால் ரசிகர்களிடம் பெரும் எதிர்பார்ப்பை ஏற்படுத்தியுள்ளது.