விஜய் மற்றும் அஜித் குமார் நடித்த படங்கள் ஜனவரி 11 ஆம் தேதி திரையரங்குகளில் வெளியாகி பாக்ஸ் ஆபிஸில் கோலோச்சிக் கொண்டிருக்கின்றன. இரண்டு படங்களுமே ஏறக்குறைய சரிசமமான வசூலை வாரிக் குவித்துள்ளன. குறிப்பாக தென்னிந்திய சினிமா மார்க்கெட்டில் இப்போதைய கலெக்ஷனில் வாரிசு மற்றும் துணிவு படங்கள் மட்டுமே டாப் கலெக்ஷனில் இருக்கின்றன. அதற்கு அடுத்தடுத்த இடங்களில் முறையே பாலகிருஷ்ணாவின் வீர சிம்ம ரெட்டி மற்றும் சிரஞ்சீவியின் வால்டேர் வீரய்யா படங்கள் இருக்கின்றன.
இப்போது, இந்த படங்களின் பாக்ஸ் ஆஃபீஸ் போட்டியாக ஷாரூக்கானின் பதான் களமிறங்கியுள்ளது. இந்த படங்களுக்கு நிகராக பதான் படம் தென்னிந்திய மார்க்கெட்டில் கலெஷக்னை அள்ளுமா? என்ற கேள்வி எழுந்துள்ளது. போதுமான தியேட்டர்கள் கிடைப்பது பிரச்சனையாக இருந்தாலும், இதுவரை வந்திருக்கும் விமர்சனங்களில் பாசிடிவ் அதிகமாக இருப்பதால் கமல்ஹாசன் உள்ளிட்டோர் கூட ஷாரூக்கானின் பதான் படத்துக்கு பெரும் வரவேற்பை கொடுத்துள்ளனர்.
தமிழக பாக்ஸ் ஆஃபீஸ் கலெகஷனை பொறுத்தவரை துணிவு முன்னணியிலும், வாரிசு இரண்டாம் இடத்திலும் இருக்கின்றன. இப்போது, இந்த படங்களுக்கு போட்டியாக களமிறங்கியிருக்கும் ஷாருக்கானின் ‘பதான்’ திரைப்படமும் பெரும்பாலான இடங்களில் போதுமான தியேட்டர்களில் ஒளிப்பரப்படுகின்றன. வட இந்தியாவில் வசூலை வாரிக் குவிக்கும் பதான் தமிழகத்திலும் குறிப்பிடத்தகுந்த அளவுக்கு வரவேற்பை பெற்றிருக்கிறது.
ஷாருக்கானின் ஆக்ஷன் காட்சிகள் மற்றும் தீபிகா படுகோனின் அசத்தல் நடிப்பு ஆகியவை சூப்பராக இருப்பதாக கூறப்படுகிறது. இதனால், துணிவு மற்றும் வாரிசு படங்களுக்கான கலெக்ஷன் பதான் படத்தினால் குறைவதற்கான வாய்ப்புகள் அதிகம் என்றே திரை வட்டாரங்கள் கூறுகின்றன. ஏனென்றால், அதேநேரத்தில் அந்த படங்களின் ஒட்டுமொத்த கலெக்ஷனை முறியடிக்க வாய்ப்பில்லை என்றும் கூறப்படுகிறது.