கடந்த வருடம் மே மாதம் வெளியான ‘விக்ரம்’ படத்தின் பிரம்மாண்ட வெற்றிக்கு பிறகு தற்போது ‘இந்தியன் 2’ படத்தில் நடித்து வருகிறார்
கமல்
. நீண்ட காலமாக ரசிகர்களின் எதிர்பார்ப்பில் இருக்கும் படம் இந்தியன் 2. கடந்த 2020 ஆம் ஆண்டு பிப்ரவரி மாதம் படப்பிடிப்பு தளத்தில் கிரேன் விழுந்து 3 தொழிலாளர்கள் பலியான சம்பவம் மற்றும் கொரோனா, லாக்டவுன் போன்ற காரணங்களால் இந்தப்படத்தின் வேலைகள் தொடங்கப் படாமலே இருந்தது.
இந்நிலையில் இந்தப்படம் தொடர்பான பிரச்சனைகள் அனைத்தும் சுமூகமாக பேசி தீர்க்கப்பட்டு தற்போது படப்படிப்பு விறுவிறுப்பாக நடந்து வருகிறது. லைகா நிறுவனம் தயாரிக்கும் இந்தப்படத்தில் காஜல் அகர்வால் கதாநாயகியாக நடிக்கிறார். இதனையடுத்து கமலின் ‘KH 234’ படத்தை மணிரத்னம் இயக்கவுள்ளார். 35 ஆண்டுகளுக்குப் பிறகு இரு பெரும் ஜாம்பவான்கள் இணையவுள்ளனர். இந்தப்படத்தை ரெட் ஜெயண்ட் மூவிஸ் நிறுவனம் தயாரிக்கவுள்ளது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனிடையில் கமலின் 233 வது படத்தை யார் இயக்க போகிறார்கள் என்ற எதிர்பார்ப்பு ரசிகர்கள் மத்தியில் நிலவி வருகிறது. இந்தப்படத்தை எச். வினோத் அல்லது பா. ரஞ்சித் இயக்குவார் என கூறப்படுகிறது. ரஞ்சித் தற்போது விக்ரம் நடிப்பில் ‘தங்கலான்’ படத்தை இயக்கி வருவதால் வினோத் கமலின் 233 வது படத்தை இயக்க அதிக வாய்ப்புள்ளதாக தகவல்கள் வெளியாகியுள்ளன.
இந்நிலையில் கமல் நடிப்பில் 22 ஆண்டுகளுக்கு முன்பு வெளியான ‘ஆளவந்தான்’ படம், மீண்டும் ரிலீஸ் செய்யப்படுகிறது. உலகம் முழுவதும் 1000 திரையரங்குகளில் ‘ஆளவந்தான்’ படத்தை மறு வெளியீடு செய்யவுள்ளதாக தயாரிப்பாளர் கலைப்புலி எஸ். தாணு அறிவித்துள்ளார்.
Thalapathy 67: ‘தளபதி 67’ அப்டேட் கொடுத்த லோகேஷ்: அப்செட்டான விஜயண்ணா ரசிகர்கள்.!
சுரேஷ் கிருஷ்ணா இயக்கத்தில் கமல், மனிஷா கொய்ராலா, ரவீனா டாண்டன் உள்ளிட்டோர் நடிப்பில் கடந்த 2001 ஆம் வெளியான படம் ‘ஆளவந்தான்’. இந்தப்படம் இந்தியிலும் மொழிமாற்றம் செய்யப்பட்டு வெளியாகி அங்கும் நல்ல வரவேற்பை பெற்றது. இந்தப்படத்திற்காக கமல் பயன்படுத்திய சண்டைக்காட்சி முறைகளை ஹாலிவுட்டிலும் பயன்படுத்தினர். அந்தளவிற்கு இந்தப்படத்தின் சண்டைக்காட்சிகள் அதிகம் கவனிக்கப்பட்டது.
Thunivu, H. Vinoth: ‘துணிவு’ படத்தின் பிரம்மாண்ட வெற்றி: எச். வினோத்தின் அடுத்த அதிரடி.!
ஆளவந்தான் படத்தில் நந்தகுமார் என்ற மனநலம் பாதிக்கப்பட்ட நபராகவும், மேஜர் விஜயகுமார் என்ற ராணுவ அதிகாரியாகவும் இரட்டை வேடங்களில் கமல் நடித்திருந்தார. இந்நிலையில் இந்தப்படத்தின் ரீ-ரிலீஸ் தேதி விரைவில் வெளியாகும் என தயாரிப்பாளர் தாணு தனது சமூக வலைதளத்தில் போஸ்டர் ஒன்றை வெளியிட்டு அறிவித்துள்ளார். அண்மையில் ரஜினியின் ‘பாபா’ படம் மறு வெளியீடு செய்யப்பட்டது குறிப்பிடத்தக்கது.