விஜய்யின் ‘வாரிசு’ படம் கடந்த 11 ஆம் தேதி வெளியாகி திரையரங்குகளில் ஓடி வருகிறது. நீண்ட இடைவேளைக்கு பின் பேமிலி செண்டிமென்ட் கதையம்சம் கொண்ட படத்தில் நடித்துள்ளார் விஜய். ‘வாரிசு’ படத்தினை தொடர்ந்து விஜய் நடிக்கவுள்ள அடுத்த படத்தை லோகேஷ் கனகராஜ் இயக்கவுள்ளார். இந்தப்படம் குறித்த அறிவிப்பிற்காக நீண்ட காலமாக காத்து வருகின்றனர் விஜய் ரசிகர்கள்.
தமிழ், தெலுங்கு மொழியில் வம்சி பைடிபல்லி இயக்கியுள்ள ‘வாரிசு’ படத்தினை ஸ்ரீ வெங்கடேஸ்வரா கிரியேஷன்ஸ் நிறுவனம் சார்பில் தில் ராஜு தயாரித்துள்ளார். விஜய்யின் ஜோடியாக ராஷ்மிகா மந்தனா நடித்துள்ள இந்தப்படத்தில் சரத்குமார், பிரபு, பிரகாஷ் ராஜ், எஸ்.ஜே. சூர்யா, ஷாம், ஸ்ரீகாந்த், சங்கீதா ஜெயசுதா, யோகிபாபு, ஸ்ரீமன், ஜான் விஜய், விடிவி கணேஷ் உள்ளிட்ட நட்சத்திர பட்டாளங்கள் நடித்தனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
.
பொங்கல் வெளியீடாக ரிலீஸ் ஆனா இந்தப்படம் உலகளவில் 210 கோடியை கடந்து வசூல் சாதனை படைத்து வருவதாக படக்குழு அண்மையில் அறிவித்தது. வாரிசு படத்தினை தொடர்ந்து விஜய், லோகேஷ் இணையும் ‘தளபதி 67’ படம் உருவாகி வருகிறது. ‘விக்ரம்’ படத்தின் பிரம்மாண்ட வெற்றிக்கு பிறகு லோகேஷின் படத்திற்கு கோலிவுட் சினிமாவில் உச்சக்கட்ட எதிர்பார்ப்பு ஏற்பட்டுள்ளது.
கடந்த மே மாதம் கமல், பகத் பாசில், விஜய் சேதுபதி, சூர்யா உள்ளிட்ட நட்சத்திர பட்டாளங்கள் நடிப்பில் வெளியான விக்ரம்’ படம் இன்டஸ்ட்ரி ஹிட்டடித்தது. இந்தப்படத்தை தொடர்ந்து தான் இரண்டாவது முறையாக விஜய்யை இயக்கவுள்ளார் லோகேஷ். ‘வாரிசு’ பட ரிலீஸ் அன்றே பத்து நாட்களில் ‘தளபதி 67’ அறிவிப்பு வெளியாகும் என தெரிவித்திருந்தார் லோகேஷ். மேலும் தயாரிப்பாளர் லலித்தும் விரைவில் படத்தின் அதிகாரப்பூர்வ அப்டேட் ரிலீசாகும் என கூறியிருந்தார்.
Shanthanu: 26 வயதில் மரணம்: உதவி இயக்குனரின் திடீர் மறைவால் கலங்கிப்போன நடிகர் சாந்தனு.!
இந்நிலையில் கோவையில் உள்ள கல்லூரி ஒன்றில் நடந்த நிகழ்ச்சியில் கலந்து கொண்டு பேசிய லோகேஷ், “தளபதி 67 பட அப்டேட்டின் ஹிண்ட் வேண்டுமென்றால் தருகிறேன். பிப். 1, 2, 3 ஆகிய நாட்களை குறித்து வைத்துக் கொள்ளுங்கள். அப்டேட் வருகிறது. இப்போதைக்கு அவ்வளவுதான் என்னால் சொல்ல முடியும்” என கூறியுள்ளார். ‘தளபதி 67’ படத்தின் அப்டேட் தொடர்ந்து தள்ளி போவதால் அப்செட் ஆகியுள்ளனர் விஜய் ரசிகர்கள்.
Thunivu, H. Vinoth: ‘துணிவு’ படத்தின் பிரம்மாண்ட வெற்றி: எச். வினோத்தின் அடுத்த அதிரடி.!
இதனையடுத்து ரசிகர்கள் மறுபடியும் ஏமாற்றாமல், ‘தளபதி 67’ அப்டேட்டை பிப்ரவரியில் வெளியிடுமாறு லோகேஷிடம் கோரிக்கை வைத்து வருகின்றனர். இந்தப்படத்தில் இயக்குனர் மிஷ்கின், பாலிவுட் நடிகர் சஞ்சய் தத், பிரித்விராஜ் சுகுமாரன், த்ரிஷா, மன்சூர் அலிகான், அர்ஜுன் உள்ளிட்டோர் நடிக்க உள்ளதாக கூறப்படுகிறது.