விஜய் நடிப்பில் உருவான ‘வாரிசு’ படம் கடந்த 11 ஆம் தேதி வெளியாகி திரையரங்குகளில் வெற்றிகரமாக ஓடி வருகிறது. நீண்ட இடைவேளைக்கு பின் பேமிலி செண்டிமென்ட் கதையம்சம் கொண்ட படத்தில் நடித்துள்ளார் விஜய். ‘வாரிசு’ படத்தினை தொடர்ந்து விஜய் நடிக்கவுள்ள அடுத்த படத்தை லோகேஷ் கனகராஜ் இயக்கவுள்ளார். இந்தப்படம் குறித்து ஒவ்வொரு நாளும் வெளியான தகவல் இணையத்தை கலக்கி வருகிறது.
தமிழ், தெலுங்கு மொழியில் வம்சி பைடிபல்லி இயக்கத்தில் உருவான ‘வாரிசு’ படத்தினை ஸ்ரீ வெங்கடேஸ்வரா கிரியேஷன்ஸ் நிறுவனம் சார்பில் தில் ராஜு தயாரித்தார். ராஷ்மிகா மந்தனா கதாநாயகியாக நடித்த இந்தப்படத்தில் சரத்குமார், பிரபு, பிரகாஷ் ராஜ், எஸ்.ஜே. சூர்யா, ஷாம், ஸ்ரீகாந்த், சங்கீதா ஜெயசுதா, யோகிபாபு, ஸ்ரீமன், ஜான் விஜய், விடிவி கணேஷ் உள்ளிட்ட நட்சத்திர பட்டாளங்கள் விஜய்யுடன் இணைந்து நடித்தனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
பொங்கல் வெளியீடாக ரிலீஸ் ஆனா இந்தப்படம் உலகளவில் 210 கோடியை கடந்து வசூல் சாதனை படைத்து வருவதாக கூறப்படுகிறது. வாரிசு படத்தினை தொடர்ந்து விஜய், லோகேஷ் இணையும் ‘தளபதி 67’ படம் உருவாகி வருகிறது. ‘விக்ரம்’ படத்தின் பிரம்மாண்ட வெற்றிக்கு பிறகு லோகேஷின் படத்திற்கு கோலிவுட் சினிமாவில் உச்சக்கட்ட எதிர்பார்ப்பு ஏற்பட்டுள்ளது.
விஜய், லோகேஷ் கூட்டணியில் வெளியான ‘மாஸ்டர்’ படம் சில நெகட்டிவ் விமர்சனங்களை குவித்தது. அதையெல்லாம் சரிக்கட்டி ‘தளபதி 67’ ழுழுக்க தன்னுடைய பாணியில் இருக்க போவதாக லோகேஷ் பேட்டிகளில் கூறி வருகிறார். மேலும் லோகேஷின் முந்தைய நடிகர்கள் கூடும் எல்யூசி இந்தப்படத்திலும் இடம்பெறும் என்றும் கூறப்படுகிறது.
Dhanush: மோதலில் இறங்கிய தனுஷ், செல்வராகவன்: பரபரக்கும் கோலிவுட்.!
மேலும், ‘தளபதி 67’ படத்தில் இயக்குனர் மிஷ்கின், பாலிவுட் நடிகர் சஞ்சய் தத், பிரித்விராஜ் சுகுமாரன், த்ரிஷா, மன்சூர் அலிகான், அர்ஜுன் உள்ளிட்டோர் நடிக்க உள்ளதாக கூறப்படுகிறது. இந்நிலையில் நீண்ட மீசை, தாடியுடன் அர்ஜுன் இருக்கும் மாஸான புகைப்படம் இணையத்தில் வைரலாகி வருகிறது. ‘தளபதி 67’ படத்தில் விஜய்யின் லுக் இதுவென்று கூறப்படுகிறது. இதனால் ரசிகர்கள் உச்சக்கட்ட எதிர்பார்ப்பில் உள்ளனர்.
Arjun Sarja
‘தளபதி 67’ படத்தின் விஜய், மிஷ்கின் சம்பந்தப்பட்ட காட்சிகள் தற்போது படமாக்கப்பட்டு வருகிறது. இந்தப்படத்தின் அதிகாரப்பூர்வ அறிவிப்பிற்காக ரசிகர்கள் வெறித்தனமாக காத்திருக்கின்றனர். ‘தளபதி 67’ படம் குறித்த அறிவிப்பு வரும் பிப். 1, 2, 3 ஆகிய தேதிகளில் வெளியாகும் என லோகேஷ் சமீபத்திய பேட்டியில் தெரிவித்து குறிப்பிடத்தக்கது.
Ajith Kumar: ‘ஏகே 62’ படத்திலிருந்து விலகினாரா விக்னேஷ் சிவன்.?: வெளியான பரபரப்பு தகவல்.!