கடந்த 2019 ஆம் ஆண்டு ஜெயம் ரவி நடிப்பில் வெளியான கோமாளி படத்தின் மூலம் கோலிவுட்டில் இயக்குனராக அறிமுகமானவர் பிரதீப் ரங்கநாதன். இந்தப்படம் பாக்ஸ் ஆபிசில் மிகப்பெரிய வசூல் சாதனை படைத்தது. பிரதீப் ரங்கநாதனின் இரண்டாவது படைப்பாக ‘லவ் டுடே’ படம் வெளியாகி ரசிகர்கள் மத்தியில் அமோக வரவேற்பினை பெற்றது.
‘கோமாளி’ படத்தின் வெற்றியை தொடர்ந்து இரண்டாவது படமாக ‘லவ் டுடே’ படத்தை இயக்கியுனார் பிரதீப். இப்படத்தின் மூலம் அவர் நடிகராகவும் அவதாரம் எடுத்தார். ரொமாண்டிக் காமெடி படமான இதில் பிரதீப்புக்கு ஜோடியாக இவானா நடித்தார். மேலும் ராதிகா, சத்யராஜ், யோகிபாபு, ரவீனா என மிகப்பெரிய நட்சத்திர பட்டாளமே இந்தப்படத்தில் நடித்தனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
ஏஜிஎஸ் நிறுவனம் சார்பில் அர்ச்சனா கல்பாத்தி தயாரித்திருந்த இப்படத்தை தமிழகத்தில் ரெட் ஜெயண்ட் மூவீஸ் நிறுவனம் ரிலீஸ் செய்தது. யுவன் ஷங்கர் ராஜா இசையமைத்திருந்தார். பிரதீப் ஹீரோவாக அறிமுகமான முதல் படமே ரசிகர்கள் மத்தியில் அமோக வரவேற்பினை பெற்றது. பாக்ஸ் ஆபிசிலும் மிகப்பெரிய வசூல் சாதனை படைத்தது ‘லவ் டுடே’.
Thalapathy 67: ‘தளபதி 67 படத்தில் நடிக்கவில்லை: பான் இந்தியா நடிகர் முடிவால் ரசிகர்கள் ஷாக்.!
இந்நிலையில் சிம்பு நடிக்கவிருந்த படத்தில் பிரதீப் ரங்கநாதன் நடிக்கவுள்ளதாக தகவல்கள் வெளியாகியுள்ளன. வேல்ஸ் பிலிம்ஸ் இன்டெர்நேஷ்னல் தயாரிப்பில் கோகுல் இயக்கத்தில் ‘கொரோனா குமார்’ என்ற படத்தில் நடிக்க ஒப்பந்தமாகியிருந்தார் சிம்பு. ஆனால் வெந்து தணிந்தது காடு, பத்து தல உள்ளிட்ட அடுத்தடுத்த படங்களில் கமிட்மென்டால் ‘கொரோனா குமார்’ படம் தள்ளிபோய் கொண்டே இருந்தது.
Pathu Thala: ‘பத்து தல’ படத்தின் வெறித்தனமான அப்டேட்: மாஸ் காட்டும் சிம்பு.!
மேலும் இந்தப்படம் கைவிடப்பட்டதாகவும் இணையத்தில் செய்திகள் பரவியது. இந்நிலையில் இந்தப்படத்திலிருந்து சிம்பு விலகிவிட்டதாகவும் அவருக்கு பதிலாக இயக்குனரும், நடிகருமான பிரதீப் ரங்கநாதனும் நடிக்கவுள்ளதாக தகவல்கள் வெளியாகியுள்ளன. ஆனால் ‘கொரோனா குமார்’ படம் குறித்த எந்தவித அதிகாரப்பூர்வ அறிவிப்பும் வெளியாகவில்லை என்பது குறிப்பிடத்தக்கது.