இந்தியாவில் முன்னணி ஸ்மார்ட்போன் நிறுவனங்களில் ஒன்றான Oneplus நிறுவனம் அதன் புதிய Oneplus 11 மற்றும் Oneplus Buds Pro 2 ஆகிய கருவிகளை பிப்ரவரி 7, 2023 அன்று வெளியிடுகிறது. தற்போது இந்த Oneplus Buds Pro 2 என்ற பிரீமியம் TWS (Truly Wireless Stereo) கருவியை oneplus 11 போனுடன் சேர்த்து வெளியிடவுள்ளது.
இந்த கருவிக்காக உலகில் பிரபல ஹாலிவுட் திரைப்படத்தின் இசையமைப்பாளரான Hans Zimmer உடன் இணைந்து டியூனிங் செய்துள்ளது. ஹான்ஸ் சிம்மர் நேரடியாக இந்த கருவியை டியூனிங் செய்துள்ளார் என்பதால் இதில் சிறப்பான ஆடியோ தரம் கிடைக்கும் என்று Oneplus நிறுவனம் தெரிவித்துள்ளது.
உலகில் பலருக்கு மிகவு பிடித்த ஒரு இசையமைப்பாளரான ஹான்ஸ் சிம்மர் பல இசைக்கான அகாடமி மற்றும் கிராமி விருதுகளை வாங்கியுள்ளார். இவர் Batman, Top-Gun போன்ற பிரபல ஹாலிவுட் திரைப்படங்களுக்கு இசையமைத்துள்ளார்.
இதுகுறித்து பேசிய ஹான்ஸ் சிம்மர் “oneplus நிறுவனத்துடன் இணைந்து இந்த இரண்டாவது ஜெனரேஷன் ஆடியோ கருவியை உருவாக்கியதில் மகிழ்ச்சி என்றும் இதன் மூலம் இசையை கேட்பதன் மூலம் இந்த கருவி நம்மை வேறு ஒரு தனி உலகிற்கு அழைத்துச்செல்லும்” என்று அவர் தெரிவித்துள்ளார்.
இந்த கருவியில் Master EQ என்பது Sound space என்று அழைக்கப்படுகிறது. இதை அவரே நேரடியாக டியூனிங் செய்துள்ளார். இதில் சிறிய Low Frequencies ஆடியோ இருப்பதால் நமக்கு ஆடியோ என்பது இன்னும் தெளிவாகவும், பரந்த வெளியில் இசையை கேட்பது போலவும் இருக்கும்.
இந்த Oneplus Buds 2 Pro கருவியில் Android 13 சார்ந்து உருவாக்கப்பட்ட Spatial Audio உள்ளது. இதற்கு முன்னதாக இருந்த Oneplus TWS கருவிகளில் இல்லாத ஆடியோ தரம் இந்த கருவியில் கிடைக்கும்.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்